Uluaki tohi a Paulo kia TIMOTEO 4
4
Fakamalohii o Timoteo
1Kae e tala mooni e te Laumalie, i te u temi fakamuli, e siaki anai e ihi te tui, kae e natou pipiki anai ki te u laumalie hala pea mo te u akonaki a te u temonio, 2uhi ko te malualoi a te kau toketa kaka, ae kua fakailoga onatou loto ki te mate, o hage nee tutu natou aki he ukamea kakaha; 3e natou fakatotonu ke aua naa ohoana, pea ke aua naa kai te u meakai ae nee fakatupu e te Atua ke fakaaoga mo he loto fakafetai e natou e agatonu pea kua natou iloi te mooni. 4Koteuhi e lelei te u mea fuli nee fakatupu e te Atua, pea e mole tonu ke siaki he mea, kae ke too ia mo ni fakafetai. 5Koteuhi e fakatapui te u mea fuli e te folafola a te Atua mo te faikole.
6I tau fakaha te u mea aia ki te u tehina, e ke liliu anai ko he tagata gaue lelei a Sesu-Kilisito ae nee fafaga aki te u folafola o te tui pea mo te akonaki lelei nee ke mulimuli totonu ki ai. 7Ke ke siaki te u fagana fakapagani a te kau finematua. 8Kae ke ke faiga ki te mauli pipiki ki te Atua; koteuhi ko te faiga ki te sino e sii tona aoga, kae ko te pipiki ki te Atua e aoga ia i te mea fuli pe: E ina mau te fakapapau o te mauli, o te temi nei pea mo te temi ka hau. 9Ko he folafola mooni ia, pea e gali katoa ia ke tali. 10Koia e tou gaue mamahi ai, pea e tou tau ai, koteuhi e tou tuku tatatou amanaki lelei ki te Atua mauli, ae ko te Fakamauli o te tagata fuli, kae tafito te hahai tui.
11Ke ke fakaha te u mea aia, pea mo ke akonaki natou. 12Ke aua naa fakanoai e he tahi tou kei tupulaga, kae ke ke liliu ko he faifaitakiaga ki te kau agatonu, i te u palalau, i te aga, i te ofa, i te tui, pea i te maonioni.
13O kaku ki taku kaku atu, ke ke agatonu ki te lautohi, ki te faitokoni, ki te faiakonaki. 14Aua naa ke tuku noa te meaofa ia koe, ae nee foaki atu kia koe i he tala fakapolofeta fakatahi mo te hilifaki o te u nima o te katoa o te kau matuatua. 15Ke ke maulii te u mea aia, pea ke ke nofoakina natou, ke ha lelei ki te tagata fuli tau lakalaka ki mua. 16Ke ke tokaga kia koe totonu, pea mo tau faiakonaki; ke ke kataki fualoa i te u mea aia, koteuhi, i tau fai fena, e ke haofaki ai anai ia koe totonu, pea e ke haofaki ai foki ia natou ae e fakalogo atu kia koe.
Currently Selected:
Uluaki tohi a Paulo kia TIMOTEO 4: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
