Uluaki tohi a Paulo kia TIMOTEO 3
3
Filifili o te kau takitaki i te Ekelesia
1E mooni te folafola aeni: Kapau e holi he tahi ki te gaue a te epikopo, e holi ia ki he gaue lelei pau. 2Koia e tonu te epikopo ko he tahi e mole feala ke valoki ki ai hee mea, ko he tahi e ohoana mo he fafine e tahi, ko he tahi e mole konahia, e fakatokatoka, e fakaapaapai, e tali kaiga, e mafai tana akonaki. 3E tonu ke aua naa inu kava, naa itaita, kae ke agamalu, ke fakatokatoka, pea ke aua naa manumanu paaga. 4E tonu ke ina takitaki lelei tona fale totonu, pea ke poto ia i te taofi o ana fanau i te fakalogo mo te fakaapaapa i te mea fuli; 5he kapau e mole iloi e he tahi te takitaki o tona fale totonu, pe e feafeai anai tana tokaga ki te Ekelesia o te Atua? 6E mole tonu ko he tahi nee hoki tafoki foou, i te mataku naa kivi i tona fialahi, pea to ai ki te fakamaau a Satana. 7E tonu foki ke ina mau he fakamooni lelei maia natou mai tafa, ke aua naa to ia ki te luma mo te u puleaki kaka a te tiapolo.
8E feia pe ki te u tiakono, e tonu foki ke natou fakaapaapaia mo mooni, e mole tonu ke natou inu kava, pea mo manumanu ki te u koloa uli, 9kae ke natou taupau te u koloa fakafufu o te tui i he loto e maa. 10Ke ahiahii mua natou, pea hoki fakanofo leva natou ki tanatou gaue, mo kapau e natou hee mele. 11E tatau foki mo te u fafine, e tonu ke natou fakaapaapaia, kae e mole tonu ke natou fatufatu, pea mo inu kava, kae e tonu ke natou agatonu i te u mea fuli. 12Ko te kau tiakono, e tonu ke natou ohoana mo he fafine e tahi, pea ke natou lagiaki lelei anatou fanau mo onatou famili totonu; 13koteuhi ko natou e natou fai lelei tanatou gaue fakatiakono, e natou mau anai he tuulaga lelei mo he malohi lahi i te tui e mau ia Sesu-Kilisito.
Misitelio o te tauhi lelei ki te Atua
14E au tohi atu te u mea aia kia koe, mo te amanaki lelei e au alu vave atu kia koe; 15kae kapau e au tuai atu, e ke iloi pe te mea ae e tonu ke fai i te fale o te Atua, ae ko te Ekelesia o te Atua mauli, ko te pou, mo te fakatafito, pea mo te taofiaga o te mooni. 16Io e mooni, e lahi te misitelio o te ofa o te Atua: Nee ha te Atua i te kakano, nee fakamooni ia i te Laumalie, nee sio kia ia te kau aselo, nee fakamafola ia i te u puleaga, nee tui kia ia i te malamanei, pea nee hiki ake ia i te kololia.
Currently Selected:
Uluaki tohi a Paulo kia TIMOTEO 3: WB2011
Highlight
Share
Copy
Want to have your highlights saved across all your devices? Sign up or sign in
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
