Popular Bible Verses from Uluaki tohi a Paulo kia TIMOTEO 4

Share

Ke aua naa fakanoai e he tahi tou kei tupulaga, kae ke ke liliu ko he faifaitakiaga ki te kau agatonu, i te u palalau, i te aga, i te ofa, i te tui, pea i te maonioni.

Kae ke ke faiga ki te mauli pipiki ki te Atua; koteuhi ko te faiga ki te sino e sii tona aoga, kae ko te pipiki ki te Atua e aoga ia i te mea fuli pe: E ina mau te fakapapau o te mauli, o te temi nei pea mo te temi ka hau.

Ke ke tokaga kia koe totonu, pea mo tau faiakonaki; ke ke kataki fualoa i te u mea aia, koteuhi, i tau fai fena, e ke haofaki ai anai ia koe totonu, pea e ke haofaki ai foki ia natou ae e fakalogo atu kia koe.

Kae e tala mooni e te Laumalie, i te u temi fakamuli, e siaki anai e ihi te tui, kae e natou pipiki anai ki te u laumalie hala pea mo te u akonaki a te u temonio

Ke ke siaki te u fagana fakapagani a te kau finematua.

O kaku ki taku kaku atu, ke ke agatonu ki te lautohi, ki te faitokoni, ki te faiakonaki.