Mikea 6
6
Fakamaau a le Eteleno mo lona kakai
1Ke kotou fakalogo mai ki le nea leia e fakasa e le Eteleno :
Ke ke tuu ki aluga, ke ke masau i mua o mauga,
Ti ke logo a mauga liliki ki lou leo !…
2Kotou fakalogo, mauga, ki le fakamaau a le Eteleno,
Ti mo koutou, fakatafito makeke o le kele !
Talie e ia se fakamaau a le Eteleno mo lona kakai,
E loto a ia ke masau mo Iselaele.
3Ei loku kakai, kolea le nea leia kua kau fai kiate koe ?
Kolea le nea leia kua kau fakakaekae ai a koe ?
Tali mai kiate au !
4Talie na kau fakamavae a koe i le fenua o Esipito,
Na kau saofaki a koe i le fale o le popula,
Ti na kau kakau i ou mua Moisese, mo Alone mo Malia.
5Ei loku kakai, manatui le nea leia na fakatuutuu e Palaki, sau o Moape,
Ti mo le nea leia na tali kiate ia e Palaami, vosa o Peoli,
Mei Sitime i Kilikale,
O tupu ke ke iloa a tapuakina a le Eteleno.
6Kolea le nea ke ano mo au ki mua o le Eteleno,
Ke kau fakataulalo ai i mua o le Atua Taualuga ?
Pe kau ano loa ki ona mua mo ni failaulau,
Mo ni uviki pipi fetuu taki tasi ?
7Pe tali loa e le Eteleno ni ovi tagata e afe mo afe,
Mo ni vaitafe lolo e miliate mo miliate ? Pe kau soli loa loku vosa uluaki ki aku agatuu ?
Le fua o loku manava ki le agasala o loku laumalie ?
8Na fakasa kiate koe, ei tagata, le nea leia e malie ;
Ti ko le nea leia e kole atu e le Eteleno kiate koe,
Ke ke fai le nea leia e totonu,
Ke ke alofa ki le manava alofa,
Ti ke ke saele mo lou Atua i le agamalu.
9E kalaga le leo o le Eteleno ki le kolo,
Ti ko leia e poto e i loa ki lona suafa. Kotou logo ki le fakaaliali o le tautea ti mo leia e kakau ia a ia !
10Pe koi maua i le fale o le tagata agaveli
Ni koloa o le agasala,
Ti mo se efa sala, nea fakatupu malaia ?
11Pe mea se tagata mo ni fua salasala,
Ti mo ni kilo salasala i le taga ?
12Talie kua apele i le agamakeke le kau mou koloa o le kolo leinei,
Ti kua masau loi lona kakai,
Ti kua kaka olatou alelo i olatou gutu.
13Koia leia e kau tautea ai loa a koe ki le mamae,
E kau maumaui loa a koe o tupu ko au agasala.
14E ke kai loa kae e leaise ke makona loa,
Ti e nofo loa le fia kai iate koe ;
E ke tanaki loa kae e leaise ke saofaki loa,
Ti ko le nea leia e ke saofaki loa,
E kau tuku loa a ia ki le seleta.
15E ke muluki loa, kae e leaise ke tau ia loa,
E ke tatau loa a fua o le oliveto,
Kae e leaise ke fai loa ni pani ki le lolo ;
E ke tatau loa a fua o le vite, kae e leaise ke inu loa ki se vino.
16E tausi a agai fenua a Omeli
Ti mo aga fuli o le fale o Akapo,
Ti e kotou saele i alatou tokoi ;
Koia leia e kau tuku ai loa a koe ki le maumau,
Ti e kau fakaliliu loa lou kakai ko se nea fakakata,
Ti e ke amo loa le luma o loku kakai.
Currently Selected:
Mikea 6: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
