Mikea 5
5
Kikite ki le tupu o le Mesia
1Ti ko koe, Peteleemi Efalata,
Leia e ikiiki i le tino afe o Suta,
Iate koe e au loa kiate au,
Leia e pule loa i Iselaele,
Leia e pale ana gaoi o kaku ki temi afea,
Ki aso o le lee gato.
2Koia leia e tuku ai loa e ia lona kakai
O kaku ki le temi leia e fanau ai loa leia e tonu ke liliu o tinana,
Ti ko le toega o ona fetaina
E toe liliu mai loa ki fanau o Iselaele.
3E sa loa a ia, ti e pule loa a ia i le makeke o le Eteleno,
Mo le mamalu o le suafa o le Eteleno, lona Atua :
Ti e lotou maua loa se nofoaga totonu,
Talie e fakakololia loa a ia o kaku ki potupotu o le malama nei.
4Ko ia leia e aumai ia loa le tokamalie. Ka au loa le tagata Asilia ki lotatou fenua,
Ti ka ulu loa a ia ki otatou fale sau,
E tou lagai loa kiate ia ni tagata tausi manu e toka fitu,
Ti mo ni pule o le kakai e toka valu.
5E lotou fai loa ki alatou seleta lalatou nea kai ki le fenua o Asilia,
Ti mo le fenua o Nimelote i loto o ona matapa.
E saofaki loa e ia tatou i le tagata Asilia i ai,
Mo ka au loa a ia ki lotatou fenua,
Ti mo ka ulu loa a ia ki lotatou kele.
6E nofo loa le toega o Sakopo i loto malie o ni kakai toka api
Ofaipe se sasau leia e au mei le Eteleno,
Ofaipe ni motii vai i le mutie :
E leaise lotou fanaki ki le tagata,
E leaise lotou fakalogo ki fanau a tagata.
7E nofo loa le toega o Sakopo i lotolotoga o atu puleaga,
I loto malie o ni kakai toka api,
Ofaipe se laione i lotolotoga o manu o le vaomatua,
Ofaipe se uviki laione i lotolotoga o kau ovi :
Ka fakalaka a ia, e takatakafi e ia ti e sae e ia,
Ti e leaise saofaki e se tasi.
8Ke siki lou lima kia latou ala e fakafesagai kiate koe,
Ti ke mamate ou fili fuli !
9I le aso lena, e pati le Eteleno,
E kau tamate loa i loto malie o ou au osi,
Ti e kau maumaui loa au saliote tau ;
10E kau motusi loa a kolo o lou fenua,
Ti e kau soloi loa ou kolo tau fuli ;
11E kau motusi loa i lou lima a nea fakatemonio,
Ti e leaise ke toe maua loa se tagata fai nea fakatemonio ;
12E kau motusi loa i loto malie o ou ou taulaatua mo ou fakatata,
Ti e leaise ke toe tulolo loa i mua o le nea leia na fau e ou lima ;
13E kau motusi loa i loto malie o ou au taulaatua o Asetalate,
Ti e kau maumaui loa ou kolo.
14E kau fai loa laku tautea i le ita, mo le fakainaina ki puleaga
Ala na leaise fakalogo.
Currently Selected:
Mikea 5: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
