Mikea 1
1
Ita o le Eteleno ki Iselaele mo Suta
1Na fakasa le folafola a le Eteleno kia Mikea, mei Moleseti, i le temi o Sotame, mo Akase, mo Esekiasi, sau o Suta, kikite ki Samalia mo Selusalemi.
2Kotou fakalogo, koutou fuli, atu kakai !
Tokaga, kele, mo nea fuli iate koe !
Ke fakamaoki kia koutou le Aliki, le Eteleno,
Le Aliki leia e nofo i le fale sau o lona maokioki !
3Talie ko leinei, e ulu mai le Eteleno mei lona nofoaga,
E ifo mai a ia, e saele a ia i potu taualuga o le kele.
4I ona vae e susua a mauga,
E mafaafaa a vaivailiua,
Ofaipe le silo i le afi,
Ofaipe le vai leia e sali mei se mauga.
5Ti ko nea fuli ana o tupu ko le agaveli a Sakopo,
O tupu ko agasala o le fale o Iselaele ! Kolea le agaveli a Sakopo ? Pe leaise ko Samalia ?
Koa ganea taualuga o Suta ?
Pe leaise ko Selusalemi ?…
6E kau fakaliliu loa Samalia ko se tuuga fatu i faisaga,
Ko se ganea ke to ai le vite ;
E kau laku loa ona fatu ki le vaivailiua,
E kau tuku loa ke telefua ona fakavae.
7E fatifatii loa ona fakatata togi fuli,
E tutu loa i le afi ona totogi kelekele fuli,
Ti e kau maumaui loa ona taulaatua fuli,
Ala na maua ki le totogi o le faiaga,
E lotou liliu loa ko se totogi o le faiaga…
8Koia leia e kau tagi ai loa, e kau tagi laulau loa,
E kau saele kilii vae loa mo fakatekateka loa,
E kau kalaga loa ofaipe se kuli vao,
Ti e kau tagi loa ofaipe le otulusi.
9Talie e mamae lona lavea,
E mafola a ia o kaku ki Suta,
E ulu a ia o kaku ki le matapa o loku kakai,
O kaku ki Selusalemi.
10Aua na kotou fakasa a ia i Kate,
Aua na kotou tagi i Ako !
E kau fuliteka i le efu i Pete-Leafala.
11Fakalaka, a koe leia e nofo i Safili, i le telefua mo le luma !
E leaise koi toa leia e nofo i Tesanani i le ulu ki fafo.
E tagi laulau leia e nofo i Pete-Aetesele,
Ti e leaise koi feala ke sola ki ai.
12E lulu le kakai o Maloti o tupu ko lona mauli,
Talie kua vilo le malaia mei le Eteleno
O kaku ki le matapa o Selusalemi.
13Kakai o Lakisi, sai ni osi gasolo ki lau saliote !
Na ke liliu ki le taine o Sione ko se uluaki tupuaga o le agasala,
Talie iate koe na maua ai a agasala a Iselaele.
14Koia leia e ke fakafiti ai loa kia Moleseti-Kate ;
E liliu loa a fale o Akesipe ko se matapuna kaka ki sau o Iselaele.
15Kakai o Malesa, e kau aumai loa kiate koe se pule foou ;
E ano loa le kololia o Iselaele o kaku ki Atulami.
16Kakai o Selusalemi, tele okoutou gutu, koti okoutou ulu,
O tupu ko au fanau alofaina !
Tele okoutou ulu ofaipe le akuila,
Talie kua lotou ano popula o mamao meia koutou !
Currently Selected:
Mikea 1: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
