Sonasi 4
4
Ita o Sonasi ; valoki a le Atua kiate ia
1Kae na mamae lasi loa Sonasi i le nea lena, ti na lasi ai lona ita. 2Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli. 3I le aso nei, Eteleno, ke ke too la loku mauli iate au, talie e malie ake le mate kiate au i le mauli.
4Ti na tali loa le Eteleno : Pe malie koia lau ita ?
5Ti na mavae loa Sonasi mei le kolo, ti na tonatona loa a ia i le potu esite o le kolo. I ai na fakatuu loa e ia se ga falepola kiate ia, ti na fakamalumalu loa a ia i loto, o talitali ke tio ki le nea leia ka soko loa ki le kolo. 6Ti na fakasomo ake loa e le Eteleno Atua se lisega, leia na malaga loa i aluga o Sonasi, o fakamalumalu lona ulu mo too ia lona itaita. Ti na fiafia lasi loa Sonasi o tupu ko le lisega lena. 7Kae i leia ake aso, i le mafoata, na kakau mai loa e le Atua se kelemutu ke kai ia le lisega, ti na malo loa le lisega. 8I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.
9Kae na pati loa le Atua kia Sonasi : Pe malie koia lau itaita o tupu ko le lisega ? Na tali loa a ia : E tonu loku itaita o kaku ki le mate. 10Ti na pati loa le Eteleno : E ke alofa ki le lisega leia na leaise ke pakia fua ki ai, ti na leaise ke fakasomo ia, leia na tupu i se po e tasi ti na mate i se po e tasi.
11Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !
Currently Selected:
Sonasi 4: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
