Oseo 9
9
Fakasa o le mavetevete o Iselaele
1Iselaele, aua na ke tuku a koe ki le fiafia, ki nekenekea, ofaipe la ake kakai.
Talie kua ke tiaki le Eteleno i lau faiaga ; T
alie kua ke alofa ki se totogi kelekele i ganea fuli ala e sasa ai le fulumeto !
2Ko le sasaaga fulumeto, mo le tatauaga lolo e leaise fagai ia loa latou,
Ti ko le vino foou e sala loa ia latou.
3E leaise lotou nonofo loa i le fenua o le Eteleno ;
E toe liliu loa Efalaimi ki Esipito,
Ti e lotou kai loa i Asilia ni nea kai kelekele.
4E leaise lotou fai loa ki le Eteleno ni lipasio vino :
E leaise lotou malilie loa ki le Eteleno.
E fai loa alatou sakilifisio kia latou pe se pane o le mamae :
Ko latou fuli ala e kai loa ki ai e liliu loa o kelekele ;
Talie e tuku loa lalatou pane kia latou tefua,
Kae e leaise fakaulu loa a ia ki le fale o le Eteleno.
5Kolea e kotou fai loa i aso fakaalialiki,
I aso lalasi o le Eteleno ?
6Talie ko leinei, e lotou ano o tupu ko le maumau o le fenua ;
E fakatalitali loa latou e Esipito,
E soli loa e Mofi ni tanuma kia latou ;
Ko le nea leia e mauiga kia latou, lalatou siliva, e kai loa e vao,
Ti e kava loa a vao talatala i olatou falela.
7Kua lotou soko mai, a aso o le tautea,
Kua lotou kaku mai, a aso o le totogi o gaoi :
E tonu ke iloa a ia e Iselaele !
Kua valea le polofeta, kua ulu vale le tagata tio malama !
O tupu ko le lasi o au agaveli mo au agatuu.
8Ko Efalaimi ko se tagata leo ki loku Atua ;
Ko le polofeta… ko se kupega a le tagata kapu manulele e tuu i ona ala fuli.
Ko se fili i le fale o lona Atua.
9Kua lotou uku i le agasala ofaipe aso o Kipea.
E manatui loa e le Eteleno alatou agaveli,
E tautea loa e ia alatou agasala.
10Na kau maua Iselaele ofaipe ni fuai vite i le toafa,
Na kau tio ki okoutou tamana ofaipe uluaki fua o se fiki ;
Kae na lotou ano kia Paale-Peoli,
Na lotou fakatapu latou ki le taulaatua fakalialia,
Ti na lotou liliu o fakalialia ofaipe le nea leia na lotou alofa ki ai.
11E sola loa le kololia o Efalaimi ofaipe se manu lele :
E leaise toe fai loa se fanauga, e leaise toe maua loa se tinae, e leaise toe soko loa se tupu.
12Kapau e lotou maua foki ni fanau,
E kau too loa latou, ke aua na lotou liliu ko ni tagata ;
Ti e malaia kia latou, i le aso leia e kau tiaki ai loa latou !
13Ko Efalaimi, e kau tio kiate ia i le fetuu o Tile,
E tuu a ia i se ganea malie ;
Kae e taki loa e Efalaimi ana fanau ki leia e tamate ia loa latou.
14Eteleno, soli kia latou !… Kolea e ke soli loa kia latou ?…
Soli kia latou se manava leia e leaise faitoe ti mo ni u malo !
15E sa lalatou agaveli fuli i Kilikale ;
Ko le ganea lena na kau fakalialia ai kia latou.
O tupu ko le veli o alatou gaoi,
E kau kapu loa a ia i loku fale.
E leaise kau toe alofa loa kia latou ;
Ko olatou pule fuli ko ni kau agatuu.
16Kua taai Efalaimi, kua malo lona aka ;
E leaise lotou toe maua loa ni fua ;
Ti kapau e lotou maua ni fanau,
E kau fakamate latou ala na lotou alofa mamae ki ai.
17E tiaki loa latou e loku Atua, o tupu na leaise lotou fakalogo kiate ia,
Ti e lotou foli noa loa i atu puleaga.
Currently Selected:
Oseo 9: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
