Oseo 8
8
To le matagi, kai le afa
1Fakatuu le fakatagi pupusi ki lou gutu !
E oso le fili ofaipe se akuila ki le fale o le Eteleno,
O tupu na lotou maumaui laku sai,
Ti na lotou patigataa ki laku lao.
2E lotou tagi loa kiate au :
Loku Atua, e motou iloa a koe ! matou, Iselaele !
3Na tiaki e Iselaele le malie ;
E tuli loa a ia e le fili.
4Na lotou fakanofo ni sau, kae na leaise kau fakatotonu a ia,
Ti mo ni pule kae na leaise lotou afa mai kiate au ;
Na lotou fai ni taulaatua ki lalatou siliva mo lalatou aulo ;
Koia leia e tuuti ai loa latou.
5Na tiaki e le Eteleno lau uviki pipi, Samalia !
Kua mu loku sausau kia latou.
E kaku loa ki afea lalatou fakafiti ke fakamea latou ?
6E au a ia mei Iselaele, na fau a ia e se tagata tufuga,
Kae e leaise ko le Atua ;
Koia leia e liliu ai loa le uviki pipi o Samalia o efu.
7Talie na lotou muluki le matagi, e lotou kai loa le afa ;
E leaise lotou maua loa se taulu fulumeto e tasi ;
Ko le nea leia e somo ake loa e leaise maua loa i ai se falina ;
Ti kapau e maua loa se falina, e kai loa a ia e le kau matapule.
8Kua folo Iselaele !
Kua lotou nofo i le temi nei i loto malie o atu puleaga
Ofaipe se ipu leia e leaise mauiga.
9O tupu na lotou ano ki Asilia,
Ofaipe se asino vao leia e tuu toka tasi ;
Na fai e Efalaimi ni nea alofa ke maua ai ni ona kaukau nea.
10Logo ai na lotou fai ni nea alofa ki atu puleaga,
I le temi nei e kau fakatasi latou,
Ti kua vave fua le temi leia e lotou mamae ai loa i le kavega a le sau o aliki.
11Na liuliuga e Efalaimi a aletale ke agasala ai,
Ti na fakavilo a ia e aletale ana ki le agasala.
12E kau pakia i le tosi o fakatotonu fuli o laku lao kiate ia,
E leaise tokaga fua a ia ki se nea e tasi.
13E lotou tamate ni manu o momoli mai kiate au,
Ti e lotou kai a kanofi.
E leaise maua e le Eteleno sona fiafia i ai. I le temi nei e manatui e le Eteleno lalatou agaveli,
Ti e tautea loa e ia alatou agasala :
E lotou toe liliu loa ki Esipito.
14Talie kua galoi e Iselaele leia na fakatupu ia a ia,
Ti na fakatuu e ia ni fale sau,
Ti na liuliuga e Suta a kolo tau ;
Kae e kau kakau loa le afi ki olatou kolo,
Ti e tutu loa e ia olatou fale sau.
Currently Selected:
Oseo 8: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
