Oseo 7
7
Le agaveli a Iselaele
1I le aso na kau loto ai ke faitoo Iselaele,
Na sa loa le agaveli a Efalaimi ti mo le agaitaita a Samalia,
Talie na la fai nea fakakaia :
Na ulu le tagata kaia ki loto, kae na mavetevete i fafo le toega o le kau kaia.
2E leaise lotou pati fua i olatou loto
E kau iloa alatou agaveli ;
I le lakaga nei e takatakai latou e alatou gaoi,
E lotou tuu i oku mua.
3E lotou fakafiafia le sau ki lalatou agaveli,
Ti mo pule ki alatou loi.
4Ko latou fuli ko ni kau faiaga,
Tatau mo se gutuumu na fakakaka e le tagata tao pane :
E leaise koi sokosoko e ia le afi
Mei le lusi o le falina o kaku ki lona tupu.
5I le aso o lomatou sau,
E masasaki a pule i le fakavalevale ki le vino ;
E falo e le sau lona lima ki le kau gologolo.
6Ko latou ala e faimasele e tatau mo ni gutuumu kaka.
I le po katoa e moe lolatou makeke,
Kae i le usu e ula a ia ofaipe se afi kaka.
7E lotou kaka fuli ofaipe se gutuumu :
Ti e lotou kai olatou tui fakamaau ;
E vivilo olatou sau fuli :
E leaise tasi fua o latou e kalaga kiate au.
8Kua fakatasi Efalaimi mo atu puleaga ;
Ko Efalaimi ko se fa keke leia na leaise fulusi.
9Kua kai lona makeke e ni kau matapule,
Kae e leaise iloa e ia ;
Kua maua a ia e le matua,
Kae e leaise iloa e ia.
10E fakamaoki le fia nealasi o Iselaele kiate ia ;
E leaise lotou toe liliu mai ki le Eteleno, lolatou Atua,
Ti e leaise lotou afa a ia, logo ai a nea fuli ana.
11E fai Efalaimi pe se lupe valea, sala atamai ;
E lotou kole tokoi ki Esipito, e lotou ano ki Asilia.
12Kapau e lotou ano, e kau fola loa loku kupega kia latou ;
E kau laku loa latou ki le kele ofaipe manu lele o le lagi ;
E kau tautea loa latou o mulimuli ki le nea leia na fakasa i lalatou fakatasiga.
13Malaia kia latou, talie e lotou sosola iate au !
Maumau kia latou, o tupu kua lotou agatuu kiate au !
E kau loto loa ke fakamauli latou,
Kae e lotou fai kiate au ni masau loi.
14E leaise lotou tagi kiate au i lolatou loto,
Kae e lotou lauga i lolatou moeaga ;
E lotou fakatasi ke maua se fulumeto mo se vino,
Ti e lotou fakamamao iate au.
15Na kau tautea latou, na kau fakamakeke olatou lima ;
Kae e lotou fakakaukau le veli kiate au.
16E leaise ko le Taualuga leia e lotou tafoki ki ai ;
E lotou pikopiko ofaipe se gasau kaka.
E mamate loa olatou pule i le seleta,
O tupu ko le matasoka o lolatou alelo.
Ko le nea lena e katai ai loa latou i Esipito.
Currently Selected:
Oseo 7: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
