Oseo 6
6
Kalaga ki Iselaele ke toe liliu ki le Eteleno
1Kotou au, tou toe liliu ki le Eteleno !
Talie na saei e ia, kae e fakamauli loa e ia tatou ;
Na taai e ia, kae e sai loa e ia otou lavea.
2E toe tuku loa e ia le mauli kia tatou i le sili o aso e lua ;
I le tolu o aso e fakatuu loa e ia tatou ki aluga,
Ti e tou mauuli loa i ona mua.
3Tou iloa, tou afa ke iloa le Eteleno ;
Ko lana au e maoki ofaipe le au o le mafoata.
E au loa a ia kia tatou ofaipe le ua,
Ofaipe le ua o le temi mafana leia e fakavai ia le kele.
4Kolea e kau fai loa kiate koe, Efalaimi ?
Kolea e kau fai loa kiate koe, Suta ?
Ko lokoutou alofa kiate au e faipe le kokofu i le usu,
Pe le sasau leia e puli vave !
5Koia leia e kau taai ai loa latou ki le kau polofeta,
E kau tamate loa latou ki folafola o loku gutu,
Ti e sa loa aku fakamaau ofaipe le malama.
6Talie e kau alofa ki le manava alofa kae leai ki sakilifisio,
Ti mo le iloa o le Atua o lasi ake i failaulau.
7Kua lotou maumaui laku sai ofaipe la ake tagata ;
Koia leia kua lotou agatuu ai kiate au.
8Ko Kalaate ko se kolo o tagata agaveli,
E maua e ia ni pulepule toto.
9Ko le fakatasi a le kau tagata faisakilifisio e faipe le fakatasi a le kau kaia,
Ala e lamalama ia a tagata i tafa o ala,
O fai ni tukipo i le ala o Siseme ;
Talie e lotou fai a tukipo !
10Kua kau tio ki ni nea fakalialia i le fale o Iselaele :
I ai e faiaga Efalaimi, e fakakelekele Iselaele.
11Kua teuteui foki kiate koe, Suta, se temi tuuti fulumeto,
Mo ka kau toe aumai loa le kau popula o loku kakai.
Currently Selected:
Oseo 6: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
