Oseo 5
5
Fakasa o le tautea
1Kotou fakalogo mai ki le nea leinei, kau faisakilifisio !
Tokaga mai, fale o Iselaele !
Fakalogo mai lou taliga, fale o le sau ! Talie ko koutou ala e fai ki ai le fakamaau,
Talie na kotou liliu ko se masele i Misipa,
Ti ko se kupega na fola i le mauga o Tapole,
2I alatou sakilifisio, kua ogo le kau agatuu ki le tukipo,
Kae e kau tautea loa latou fuli.
3E kau iloa Efalaimi,
Ti e leaise munia Iselaele i oku mata ;
Talie i le temi nei, Efalaimi, kua ke faiaga,
Ti kua fakakelekele Iselaele.
4Ko alatou gaoi e leaise fakataga ia kia latou ke toe liliu ki le Atua,
Talie e nofo le laumalie o le faiaga i loto malie o latou,
Talie e leaise lotou iloa le Eteleno.
5Ko le fia nealasi o Iselaele e fakamaoki kiate ia ;
Ko Iselaele mo Efalaimi e vivilo loa i ala agasala totonu ;
Ti ko Suta e vilo loa mo laua.
6E lotou ano loa mo alatou ovi ti mo alatou pipi tagata o afa le Eteleno,
Kae e leaise lotou maua loa a ia :
Kua mavae a ia i loto malie o latou.
7Na leaise lotou agatonu ki le Eteleno,
Talie na lotou fanaui ni toe vao ;
I le lakaga nei, ko se masina fai e tasi e feauga ke maumaui ai latou mo olatou nea malilie.
8Kotou pupusi le fakatagi pupusi i Kipea,
Kotou pupusi le fakatagi pupusi i Lama ! Kotou fai ni kalaga i Pete-Aveni !
Tokaga ki ou muli, Pesamino !
9E maumaui katoa loa Efalaimi i le aso o le tautea ;
E kau fakasa ki faasiga o Iselaele se nea maoki.
10Ko pule o Suta e faipe latou ala e siki ia a fakamailoga o koiga ;
E kau liligi loa kia latou loku sausau ofaipe se liua makeke.
11Kua fakamakeke Efalaimi, kua fatii a ia e le tautea,
Talie na mulimuli a ia ki manatu noa o lona loto.
12E kau fai loa pe se papala fakalialia kia Efalaimi,
Pe se pu o le nifo ki le fale o Suta.
13E tio Efalaimi ki lona masaki, ti mo Suta ki ona lavea ;
E ano Efalaimi ki Asilia, o masau ki le sau ko Salepe ;
Kae e leaise mafai e le sau lena ke faitoo ia koutou,
Talie e leaise maua e ia se faitoo ki okoutou lavea.
14E kau fai loa pe se laione kia Efalaimi,
Pe se uviki laione ki le fale o Suta ;
Ko au, io ko au, e kau saei loa, ti e kau ano loa ;
E kau fetuku loa, ti e leaise too loa e se tasi laku nea kai.
15E kau ano loa, e kau toe liliu mai loa ki loku nofoaga,
O kaku ki le aso leia e lotou vevete ai loa alatou agasala ti mo afa ai loa oku mata. Ka lotou nofo loa i le mamae, e lotou afa loa au.
Currently Selected:
Oseo 5: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
