Oseo 4
4
Agatuu a Iselaele mo valoki a le Eteleno
1Kotou fakalogo ki le folafola a le Eteleno, fanau o Iselaele !
Talie e fakamaau e le Eteleno le kakai o le fenua,
Talie kua puli le maoki, kua puli le manava alofa,
Kua puli le iloa o le Atua i le fenua ;
2Kae ko lauveli, mo loi, mo tukipo, mo kaia, mo tono ;
Kua masani le fakamakeke, kua sosolo le tukipo.
3Koia e nofo ai loa le fenua i le mamae,
Ti e gaegae ai loa latou fuli ala e nonofo i ai,
Tatau fai a manu o faisaga ti mo manu lele o le lagi ;
Ti e pupuli loa a ika o le tai.
4Kae ke aua na tuku loa le veli ki se tasi, ke aua na valoki loa se tasi ake ;
Talie e kau fai le fakamaau mo koe, leia ko le pule faisakilifisio.
5E ke siga loa i le ao,
E siga loa le polofeta mo koe i le pouli,
Ti e kau maumaui loa lou tinana.
6Kua maumau loku kakai, talie e puli iate ia loku iloa.
O tupu na ke tiaki loku iloa,
E kau tiaki loa a koe, ti e too loa iate koe laku tuulaga fakapelepitelo ;
O tupu na ke galoi le lao o lou Atua,
E kau galoi loa au fanau.
7Na lotou liuliuga o toka api, kae na lotou toe asilisili agasala kiate au.
Koia e kau fetogi ai loa lolatou kololia ki se luma.
8E lotou kai a agasala o loku kakai,
E lotou oli mamae ai ki ana agaveli.
9E tatau loa ki le tagata faisakilifisio mo le kakai :
E kau tautea loa a ia o mulimuli ki ona ala,
E kau totogi loa kiate ia o mulimuli ki ana gaoi.
10E lotou kai loa kae e leaise lotou makona loa ;
E lotou faifeauaki loa, kae e leaise lotou maua loa ni fanau,
O tupu na lotou tiaki le Eteleno mo ana folafola.
11E fakatupu ulu vale le faifeauaki, mo le vino, mo le kava.
12E afa e loku kakai ki lona taulaatua ;
Ti ko lana potu laakau leia e tali kiate ia ;
Talie e fakasese le laumalie o le faifeauaki,
Ti e fakamamao e ia latou i lolatou Atua.
13Kua lotou fai ni failaulau i tumutumu o mauga,
Kua lotou tutu le iseso i aluga o mauga liliki,
I lalo o laakau lalasi, mo sene, mo popelie, mo telepate,
Ala e malie olatou malu.
Koia leia e faifeauaki ai okoutou taineliki,
Ti e tono tagata okoutou fugao.
14E leaise kau fakatua loa okoutou taineliki i lalatou faifeauaki,
Ti mo okoutou fugao talie e lotou tono tagata ;
Talie ko latou totonu e ano ki potu lavaki mo ni fafine faiaga,
Ti e lotou kai mo fafine faifeauaki a sakilifisio o okoutou fale tapu.
E makape le kakai valea ki lona puli.
15Kapau kua ke faifeauaki, Iselaele,
Kae ke aua na agasala a Suta !
Ke aua na kotou ano ki Kilikale, ke aua na kotou pale ki Pete-Aveni,
Ti ke aua na kotou fakapapau : E mauli le Eteleno !
16O tupu kua agatuu Iselaele ofaipe se pipi fafine muli leia e leaise mafai ke fakalalata,
I le lakaga nei e fagai loa a ia e le Eteleno
Ofaipe se akeno i ni faisaga lalasi.
17Kua pipiki Efalaimi ki taulaatua : Tuku ai a ia.
18Kua lotou mumui o inu kava,
Kua lotou faiaga tuumau ;
Kua manako olatou pule ki le luma.
19E kofu loa latou e le matagi ki ona kapakau,
Ti e lotou luma loa i alatou sakilifisio.
Currently Selected:
Oseo 4: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
