Oseo 14
14
Kalaga ki le fakasemala mo fakapapau ki le temi ki muli.
1Iselaele, toe liliu mai ki le Eteleno, lou Atua,
Talie kua ke vilo o tupu ko lau agaveli.
2Kotou toe liliu mai ki le Eteleno,
Kotou aumai ni masau.
Kotou pati kiate ia : Fakamolemole ki amatou agaveli fuli,
Ti ke ke tali matou i lou alofa !
E motou momoli atu loa kiate koe le fakafetai o omatou laugutu, kae leai ni pipi tagata.
3E leaise fakamauli loa matou e le tagata Asilia, e leaise motou eke loa i ni osi,
Ti e leaise motou toe pati loa ki le gaoiaga o omatou lima : Lomatou Atua !
Talie ko ou tafa a la e maua ai e le toe sala matua le manava alofa.
4E kau fakamauli loa Iselaele i lana agatuu,
E kau alofa maoki loa kia latou ;
Talie kua maliu loku sausau ia latou.
5E kau liliu loa ofaipe le sasau ki Iselaele,
E se loa a ia ofaipe le lilio,
Ti e somo loa ona aka ofaipe le Lipane.
6E mafolafola loa ona laa ;
E maua loa e ia le fulumalie o le oliveto
Ti mo kaloni o Lipane.
7E lotou toe liliu mai loa o tonatona i lona malu,
E lotou toe soli loa le mauli ki le fulumeto, ti
E lotou se loa ofaipe le vite ;
E lotou maua loa le logologona o le vino o Lipane.
8Efalaimi, pe koi i ai se nea iate koe mo taulaatua ?
E kau tali loa lana kole, e kau tagaki loa kiate ia,
E kau liliu loa kiate ia ofaipe se sipele sesega.
E ke maua loa lou fua iate au.
9Ko leia e poto ke tokaga ki nea anei !
Ko leia e atamai ke matala ki nea anei !
Talie e totonu a ala o le Eteleno ;
E saele loa i ai le kau agatonu,
Kae e sisiga loa i ai le kau agatuu.
Currently Selected:
Oseo 14: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
