Oseo 11
11
E alofa le Atua ki Iselaele logo ai lona
loto galogalo
1I le ikiiki o Iselaele, na kau alofa kiate ia,
Ti na kau kalagai loku vosa ke mavae mei Esipito.
2Kae na lotou fakamamao ia latou ala na kalagai ia latou ;
Na lotou fai ni sakilifisio kia Paale,
Ti na lotou momoli se iseso ki taulaatua.
3Ko au leia na takitaki ia a lakaaga o Efalaimi,
Ti na too ia a ia i ona lima ;
Kae na leaise lotou iloa ko au leia na faitoo ia latou.
4Na kau takitaki fakaeteete latou, ki ni maea o le alofa.
Na kau fai kia latou pe se tamana leia e luluku ia lona toe o fakapipiki ki lona kalaafau.
Ti na kau tonatona i ona tafa o fagai a ia.
5E leaise lotou toe liliu loa ki le fenua o Esipito ;
Kae e liliu loa le Asilia ko lolatou sau,
O tupu na leaise lotou loto ke toe liliu mai kiate au.
6E oso loa le seleta ki olatou kolo,
E tamate loa a ia, e kai e ia olatou fanakiaga,
O tupu ko fakatuutuu ala na lotou fai.
7E pipiki loku kakai ke fakamamao iate au ;
E toe fakamanatu kia latou le Taualuga,
Kae e leaise tasi fua ia latou e fakavikiviki kiate ia.
8Kolea e kau fai loa kiate koe, Efalaimi ?
Pe tonu ke kau tiaki a koe, Iselaele ?
Pe kau tautea loa a koe ofaipe Atema ?
Pe kau fakaliliu loa a koe ke tatau mo Tesepoimi ?
Kua ta loku mafu i loku loto,
Kua malaga oku manava alofa fuli.
9E leaise kau fai loa o mulimuli ki loku sausau kaka,
E kau fakafiti ke maumaui Efalaimi ;
Talie ko au ko le Atua, kae leai ko se tagata.
Ko au ko le Sagato i loto malie o ou ;
E leaise kau au loa mo le ita.
10E lotou mulimuli loa i le Eteleno, leia e gugulu loa ofaipe se laione,
Talie e gugulu loa a ia, ti e fekapu mai loa a fanau mei le tai.
11E lotou fekapu loa mei Esipito, ofaipe se manu lele,
Mei le fenua o Asilia, ofaipe se lupe,
Ti e kau fakanofo loa latou i olatou fale,
E pati le Eteleno.
Currently Selected:
Oseo 11: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
