Kalate 6
6
Fakatuutuu ki le mauli fakakilisiteano
1Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe. 2Kotou feamoaki a koutou kavega, ti e kotou fakasoko loa i ai le lao a Kilisito. 3Kapau e manatu se tasi ko se tasi a ia, kae ko se nea noa a ia, e kakai e ia a ia totonu. 4Kae ke tasi asiasii e le tagata ana gaoi totonu, ti o feala loa ke fakakololia a ia iate ia toka tasi, kae leai i se tasi ake,
5talie e tasi amo loa e le tagata lana kavega totonu.
6Ko leia e akonaki ki ai le folafola, ke soli e ia se vaega i ana nea fuli ki leia e akonaki. 7Aua na kotou fai sala i le nea lena : e leaise gologolo ki le Atua. Ko le nea leia e muluki e se tagata, e toe utu loa e ia a ia. 8Ko leia e muluki ia i lona kanofi e utu loa e ia mei le kanofi le pala ; kae ko leia e muluki ia i le Laumalie e utu loa e ia mei le Laumalie le mauli lee gato. 9Aua na tou kaekae i le fai o le nea leia e malie ; talie e tou utu loa i lona temi totonu, mo kapau e leaise tou fakagaegae.
10Koia, i le koi tou maua ia le faigamalie, tou fai le nea leia e malie ki tagata fuli, kae tafito ki fetaina i le tui.
11Kotou tio ki le lalasi o matai tosi ala e kau fai tosi atu ai i loku lima totonu.
12Ko latou fuli ala e fia mata malie ki le tagata e fakamaua ia koutou ke silikosisio, o tupu fua ke aua na fakavelivelii koutou o tupu ko le koluse o Kilisito. 13Talie e leaise fai e le kau lee silikosisio totonu le lao ; kae e lotou loto ke silikosisio koutou, o tupu ke lotou fakakololia i lokoutou tino. 14Kae kiate au, e mamao meiate au le manatu ke kau fakakololia i se tasi ake a nea kese, kae i le koluse o lotatou Aliki ko Sesu-Kilisito, leia kua tutuki ki ai le malama nei kiate au, ofaipe au kua tutuki ki le malama nei. 15Talie ia Kilisito e leaise aoga le silikosisio mo le lee silikosisio ; ko le nea leia e aoga ko le liliu ko se nea kua tupu foou. 16Tokamalie mo manavaalofa kia latou fuli ala e mulimuli loa ki le lekula lena, ti mo le Iselaele o le Atua !
17Koia ke aua na fakamamae loku loto e se tasi, talie e kau maua i loku tino a fakamailoga o Sesu.
18Fetaina, ke nofo le kalasia o lotatou Aliki ko Sesu-Kilisito i okoutou laumalie ! Amene !
Currently Selected:
Kalate 6: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
