Amosi 5
5
Fakasa o le tautea ; kalaga ki le fakasemala
1Kotou fakalogo mai ki le folafola leinei,
Ki le tagi laulau leinei e kau sua kia koutou,
Fale o Iselaele !
2Kua vilo a ia, e leaise toe tuu loa a ia ki aluga,
Le taupoou o Iselaele ;
Kua moe a ia ki le kele,
E leaise toe fakatuu loa a ia ki aluga e se tasi.
3Talie e folafola le Aliki, le Eteleno, o pati :
Ko le kolo leia na ave ia ki le tau ni tagata e tino afe
E maua ia fai se tino lelau.
Ti ko le kolo leia na ave ia ki le tau se tino lelau,
E maua ia fai se tino agafulu, ki le fale o Iselaele.
4Talie e folafola le Eteleno ki le fale o Iselaele, o pati :
Kotou afa au ! ti e kotou mauli loa !
5Aua na kotou afa Petele,
Aua na kotou ano ki Kilikale,
Aua na kotou fakalaka i Pele-Sepa.
Talie e popula loa Kilikale,
Ti e liliu loa Petele ko se kolo maumau.
6Kotou afa le Eteleno, ti e kotou mauli loa !
Kotou i na too e ia ofaipe se afi le fale o Sosefo,
Ti na kai a ia e le afi lena, kae leai se tasi i Petele ke tamate ia le afi !
7Talie kua kotou fakaliliu le lao ko se nea kona,
Ti kua kotou takatakafi ki le kele le faitotonu !
8Ko ia leia na fakatupu ia a fetuu o le Peleiate mo le Olione,
Ko ia leia e fetogi ia le fakapouli o mafoata,
Ko ia leia e fakaliliu ia le ao o pouli,
Ko ia leia e kalagai ia a vai o le tai,
Ti e fakamafola ia a ia i aluga o le kele : Ko le Eteleno ko lona igoa.
9E lagai e ia le maumau ki le kau makeke,
Ti e au le maumau ki kolo tau.
10I le fakamaauaga e lotou vesia ki leia e mulimuli ki le faitotonu,
Ti e lotou vesia ki le tagata fakamaoki leia e fakasa ia le maoki.
11Koia, talie na kotou takatakafi leia e fakaaloalofa,
Ti na kotou too fakamakeke iate ia se fulumeto ko lana moliga,
Na kotou fakatuu ia ni fale ki fatu ta,
Kae e leaise kotou nonofo loa i ai ;
Na kotou to ia ni vite malilie,
Kae e leaise kotou inu loa lolatou vino.
12Talie, e kau iloa, e lasi akoutou agaveli,
Kua liuliuga akoutou agasala ;
E kotou fakamamae le tagata agatonu, e kotou tali ni nea alofa,
Ti e leaise kotou fakamaau le kau mativa i le faitotonu.
13Koia leia kua fakaleemu ai le tagata poto, i ni temi ofaipe temi nei,
Talie kua veveli a temi nei.
14Kotou afa le malie, kae aua le veli, o tupu ke kotou mauli,
Ti ke nofo le Eteleno, le Atua o kau tau, mo koutou,
Ofaipe le nea leia e kotou fakasa ia.
15Kotou vesia ki le veli ti kotou alofa ki le malie,
Kotou fakamaau i le faitotonu ;
Ti e lagi alofa loa le Eteleno, le Atua o kau tau,
Ki toetoega o Sosefo.
16Koia leia e folafola ai le Eteleno, le Atua o kau tau, le Aliki, o pati :
I malae fuli e tagi laulau loa,
I ala fuli e pati loa : Oiau ! Oiau !
E kalagai loa le tagata gaoi kele ki le putu,
Ti ke tagi laulau latou ala e sua ia ni laumate.
17I vite fuli e tagi laulau loa,
I le aso leia e kau fakalaka ai loa i loto malie o ou, e pati le Eteleno.
18Malaia kia latou ala e oli ki le aso o le Eteleno !
Kolea le nea leia e kotou talitali ki ai i le aso o le Eteleno ?
Ki se aso manuia ? Leai, talie ko se aso fakapouli.
19E kotou fai loa pe se tagata leia e sola i mua o se laione,
Ti e felavei loa mo se uluso,
Pe leia e ano ki lona fale, o teki lona lima ki le paa, ti uuti e se gata.
20Pe leaise fakapouli le aso o le Eteleno, ti e leaise malama ?
Pe leaise ko se aso fakapouli veli a ia, mo sala malama ?
21E kau vesia, e kau fakalialia ki okoutou aso lalasi.
E leaise koi kau fia sauga fua ki akoutou fakatasi.
22Ka kotou momoli mai kiate au ni failaulau mo ni moliga,
E leaise kau maua fua i ai se ga fiafia ;
Ti ko uviki pipi gagako ala e kotou fai ki ai akoutou sakilifisio fakafetai,
E leaise kau tio fua ki ai.
23Fakamamao iate au le logoa o akoutou katiko ;
E leaise kau fakalogo ki le tagi o akoutou nea fai musika.
24Kae ke fai le loto sako pe se tafe,
Ti mo le faitotonu pe se liua makeke leia e leaise toe masa i se aso.
25Pe na kotou fai mai kiate au ni failaulau mo ni moliga
I fetuu e kau fa i le toafa, fale o Iselaele ?…
26Kotou ave le falela o lokoutou sau,
Le tekiaga vae o okoutou taulaatua,
Le fetuu o lokoutou atua
Leia na kotou fau kia koutou.
27Ti e kau ave loa koutou o fakapopula i muli atu o Tamaso,
E pati le Eteleno, leia ko lona igoa ko le Atua o kau tau.
Currently Selected:
Amosi 5: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
