Amosi 6
6
Fakalialia mo le loto noa o le kau lalasi
1Malaia kia latou ala e mauli fakafulufulumalie i Sione,
Ti e fimalie i le mauga o Samalia !
Ki kau lalasi ana o le uluaki o atu puleaga fuli,
Latou ana e ano ki ai le fale o Iselaele !…
2Kotou ano ki Kalene ti kotou tio,
Kotou fakakaku atu i lena ki Amati, le kolo lasi,
Ti kotou ifo ki Kate ki le kau Filisitini : Pe malilie ake a kolo ana i okoutou puleaga e lua ?
Pe lasi ake lolatou kele i lokoutou ?…
3E kotou pati e kotou fakamamao le aso o le malaia,
Kae e leai, kua kotou fakafeofi mai le pule o le tukipo.
4E lotou malolo i ni palepale lei,
E lotou moemoe fakafifimalie i olatou moeaga,
E lotou kai a akeno o le kau manu
A uviki pipi na fakagagako.
5E lotou sua fakafiafia ki le musika,
E lotou pati e lotou popoto i le fai musika ofaipe Tavite.
6E lotou inu le vino i ni ipu lalasi,
E lotou pani le lolo malie,
Ti e leaise lotou mamae fua i le maumau o Sosefo !
7Koia leia e taki ai loa latou i mua o le kau popula ;
Ti e gato loa a kalaga fiafia a le kau fai lafeti lena !
8Kua fakapapau le Aliki, le Eteleno, iate ia totonu ;
Kua pati le Eteleno, le Atua o kau tau :
E kau fakalialia ki le fia nealasi o Sakopo,
Ti e kau vesia ki ona fale sau ;
E kau tuku loa ki le fili le kolo mo nea fuli i loto.
9Ti kapau e toe ni tagata e tino agafulu i se fale, e lotou mamate loa.
10Ka too loa e se tasi o le famili se mate o tutu,
Ti ka too loa e ia i le fale ona ivi,
E pati loa a ia ki leia e nofo i muli o le fale :
Pe koi toe se tasi mo koe ?
Ti e tali loa le tagata lena : E leai se tasi…
Ti e pati loa leia ake : fakaleemu !
E leaise ko le temi leinei ke too ai le suafa o le Eteleno.
11Talie ko leinei, kua fakatotonu e le Eteleno :
E tuku loa e ia ke maofa le fale lasi,
Ti ke maumau le fale ikiiki.
12Pe makape a osi i aluga o se utu ?
Pe fakamaluu le kele i ai ki ni pipi ? Kolea kua kotou fetogi ai le loto sako ki se nea kona,
Ti mo le fua o le faitotonu ki se laakau kona ?
13E kotou fakafiafia ki le nea leia e noa,
E kotou pati : Pe leaise ko lomatou makeke
Leia na motou maua ai le malo ?
14Koia leia e pati ai le Eteleno, le Atua o kau tau :
Ko leinei, e kau lagai loa kia koutou, fale o Iselaele,
Se puleaga leia e pule loa kia koutou mei le matapa o Amati
O kaku ki le liua o le toafa.
Currently Selected:
Amosi 6: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
