Amosi 4
4
1Kotou fakalogo mai ki le folafola leinei, pipi fafine muli o Pasani ala e nonofo i mauga o Samalia,
Koutou ala e fakamamae ia le kau mativa, ti e takatakafi ia le kau fakaaloalofa,
Koutou ala e pati ki okoutou avaga : Kotou aumai, ti ke tou inu !
2Kua fakapapau e le Aliki, le Eteleno i lona maokioki :
Ko leinei, e soko mai loa kia koutou ni aso
Ala e too ai loa koutou ki ni matau lalasi,
Ti mo lokoutou sakoga ki ni matau liliki ;
3E kotou ulu loa ki fafo i pu o le kaua, o tasi tio fai ki ona mua,
Ti e ti loa koutou ki le fale makeke, e pati le Eteleno.
Fakafiti ki le toe liliu mai ki le Atua, logo ai le tautea
4Kotou ano ki Petele, ti kotou agasala !
Kotou ano ki Kilikale, ti kotou asilisili agasala !
Kotou momoli akoutou sakilifisio i usu fuli,
Ti mo akoutou vaega kau agafulu i aso fuli e tolu !
5Kotou fai akoutou sakilifisio fakafetai ki se pane fakatupu !
Kotou fakasa, kotou logologo akoutou moliga ala e kotou fai,
Talie ko le nea lena e kotou loto ki ai, fanau o Iselaele,
E pati le Aliki, le Eteleno.
6Ti ko au, na kau kakau atu kia koutou le oge ki okoutou kolo fuli,
Le oge i le nea kai ki okoutou nofoaga fuli.
Kae logo ai le nea lena, e leaise kotou toe liliu mai kiate au, e pati le Eteleno.
7Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ;
Na kau fakato le ua ki se kolo,
Kae na leaise kau fakato a ia ki se tasi ake a kolo ;
Na tali e se faisaga le ua,
Kae na leaise to a ia ki se tasi faisaga, leia na malo.
8Na ano ni kolo e lua, e tolu foki, ki se tasi ake a kolo o inu i ai se ga vai,
Kae na leaise lotou mau foki.
Kae logo ai le nea lena, na leaise kotou toe liliu mai kiate au, e pati le Eteleno.
9Na kau tautea koutou ki le mamate mo le masunu ;
Na kai e seseivaka
Okoutou oloto mauke, mo okoutou vite, mo okoutou fiki, mo okoutou oliveto.
Kae logo ai le nea lena, na leaise kotou toe liliu mai kiate au, e pati le Eteleno.
10Na kau kakau ki loto malie o koutou le taumasaki veli leia na maua i Esipito ;
Na kau tamate okoutou tagata tupulaga ki le seleta,
Ti na kau tuku ke too akoutou osi ;
Na kau fakasauga okoutou pogoiisu ki le namuku o okoutou nofolaga solia.
Kae logo ai le nea lena, na leaise kotou toe liliu mai kiate au, e pati le Eteleno.
11Na kau fakamaveuveu a nea fuli ia koutou
Ofaipe Sotoma mo Komola, ala na maumaui e le Atua ;
Ti na kotou faipe se ga ugaafi leia na too i le vela.
Kae logo ai le nea lena, na leaise kotou toe liliu mai kiate au, e pati le Eteleno…
12Koia leia e kau fai felaaki ai loa kiate koe, Iselaele ;
Ti e tupu e kau fai felaaki loa kiate koe,
Ke ke teuteu ki le felavei mo lou Atua, ei Iselaele !
13Talie ko leinei leia na fau ia a mauga ti na fakatupu ia le matagi,
Leia e fakasa ia ki le tagata ana manatu,
Leia e fetogi ia le mafoata o fakapouli,
Ti e saele i potu taualuga o le kele :
Ko lona igoa ko le Eteleno, le Atua o kau tau.
Currently Selected:
Amosi 4: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
