Amosi 3
3
Kalaga ki le kakai ke fakakaukau
1Fanau o Iselaele, kotou fakalogo ki le folafola leinei na puaki e le Eteleno kia koutou,
Ki le famili katoa leia na kau aumai mei le fenua o Esipito !
2Kua kau filifili koutou, koutou tefua i famili fuli o le malama nei ;
Koia leia e kau tautea ai loa koutou o tupu ko akoutou agaveli fuli.
3Pe saele fakatasi ni tagata e toka lua
Kae e leikiaise la tonu tasi ?
4Pe gugulu le laione i le vaomatua,
Kae e leikiaise maua e ia sana nea kai ? Pe tagi le uviki laione i lona ana,
Kae e leikiaise tapo e ia se manu ke kai ?
5Pe vilo le manu lele ki le kupega leia e tuku i le kele,
Kae e leikiaise fai se masele ?
Pe malaga le kupega i le kele
Kae e leikiaise piki i ai se nea ?
6Pe pupusi le fakatagi pupusi i se kolo,
Kae e leaise i le kakai ?
Pe soko se malaia i se kolo,
Kae e leikiaise fakataga e le Eteleno ?
7Talie e leaise fai e le Aliki, le Eteleno, se nea e tasi,
Kae e leikiaise fakasa e ia a ia ki ana tagata fakasausau ko le kau polofeta.
8E gugulu le laione : Ko ai e leaise i loa ?
E folafola le Aliki, le Eteleno : ko ai e leaise kikite loa ?
Agasala a Iselaele mo le tautea
9Kotou fakagugulu okoutou leo i fale sau o Asetoti,
Mo fale sau o le fenua o Esipito,
Ti kotou pati : Kotou fakatasi ki mauga o Samalia,
Ti kotou tio ki le maveuveu lasi i ai,
Ti mo agamakeke i loto malie o ona !
10E leaise lotou iloa le fai o le nea leia e totonu, e pati le Eteleno,
E lotou tanaki fakatuuga i olatou fale sau a fua o le agamakeke mo le kaia.
11Koia e folafola ai le Aliki, le Eteleno, o pati :
E ulu loa le fili ki le fenua,
Ti e maumaui loa e ia lou makeke,
Ti e kaia loa e ia ou fale sau.
12Koia e folafola ai le Eteleno, o pati :
Ofaipe le tagata tausi manu e taaki ia i le gutu o le laione
Ni vae e lua pe ko se koga o se taliga,
E fenaaki loa le fakamauli o fanau o Iselaele ala e tonatona i Samalia,
I le tifi o se palepale, i aluga o ni tapi mei Tamaso.
13Kotou fakalogo, kotou fakasa le nea leinei ki le fale o Sakopo !
E pati le Aliki, le Eteleno, le Atua o kau tau :
14I le aso leia e kau tautea ai loa Iselaele o tupu ko ana agasala,
E kau taai loa a aletale o Petele ;
E fatifati loa a tala o le aletale,
O vivilo loa ki le kele.
15E kau maumaui loa a fale o le temi momoko mo fale o le temi vevela ;
E maumau loa a fale sau lei,
E pupuli loa a fale o le kau lalasi, e pati le Eteleno.
Currently Selected:
Amosi 3: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
