Amosi 1
1
Folafola ki Tamaso, mo Kasa, mo Tile, mo Etome, mo Amone
1Masau a Amosi, ko se tasi o le kau tausi manu o Tekoa, tio na maua loa e ia ki Iselaele, i le temi o Osiasi, sau o Suta, ti mo le temi o Selopoamo, vosa o Soasi, sau o Iselaele, fetuu e lua i mua o le mafuike.
2Na pati loa a ia :
Mei Sione e gugulu le Eteleno,
Mei Selusalemi e fakasa e ia lona leo.
E tagi laulau a lotoa a le kau tausi manu,
Ti kua malo le tumutumu o le Kalemelo.
3Koia e folafola ai le Eteleno, o pati :
O tupu ko agaveli e tolu a Tamaso,
E fa foki, e leaise kau toe fetogi laku fakatotonu,
Talie kua lotou takatakafi Kalaate ki ni saliote ukamea.
4E kau kakau loa le afi ki le fale o Asaele,
Ti e kai loa e ia a fale sau o Pene-Atate.
5E kau fatifatii loa a fakamaumau o Tamaso,
E kau tuuti loa i Pikate-Aveni ona kakai,
Ti i Pete-Eteni leia e too ia le tokotoko fakasau ;
Ti e ave loa le kakai o Silia o fakapopula i Kile, e pati le Eteleno.
6Koia e folafola ai le Eteleno, o pati :
O tupu ko agaveli e tolu a Kasa,
E fa foki, e leaise kau toe fetogi laku fakatotonu,
Talie na lotou too se kakai toka api o ave ki le popula i Etome
7E kau kakau loa le afi ki paa o Kasa,
Ti e kai loa e ia a fale sau.
8E kau tuuti loa i Asetoti ona kakai,
Ti i Asekaloni leia e too ia le tokotoko fakasau ;
E kau fakamaliu loa loku lima ki Ekeloni,
Ti e mate loa le toetoega o le kau Filisitini, e pati le Aliki, le Eteleno.
9Koia e folafola ai le Eteleno, o pati :
O tupu ko agaveli e tolu a Tile,
Ti e fa foki, e leaise kau toe fetogi laku fakatotonu,
Talie na lotou ave fakapopula se kakai toka api ki Etome,
Kae na leaise manatui e ia le sai fakatautaina.
10E kau kakau loa le afi ki paa o Tile,
Ti e kai loa e ia ona fale sau.
11Koia e folafola ai le Eteleno, o pati :
O tupu ko agaveli e tolu a Etome,
Ti e fa foki, e leaise kau toe fetogi laku fakatotonu,
Talie na kapu e ia ona fetaina ki le seleta,
Ti na tapono e ia lona manava alofa,
Talie e sae tuumau aifai lona ita,
Ti e taupau tuumau aifai e ia lona itaita.
12E kau kakau loa le afi ki Temane,
Ti e kai loa e ia a fale sau o Potesela.
13Koia e folafola ai le Eteleno, o pati :
O tupu ko agaveli e tolu a fanau o Amone,
Ti e fa foki, e leaise kau toe fetogi laku fakatotonu,
Talie na lotou paipaisi a manava o fafine tinae o Kalaate,
O tupu ke fakalasi lolatou fenua.
14E kau kakau loa le afi ki paa o Lapa,
Ti e kai loa e ia ona fale sau,
I loto malie o ni kalaga tau i le aso o le tau,
I loto malie o le asesio i le aso o le afa ;
15Ti e ano loa lolatou sau ki le popula,
A ia mo lana kau pule, e pati le Eteleno.
Currently Selected:
Amosi 1: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
