Lua tosi ki le kau Kolinto 9
9
4) Tapuakina o le soli i le loto malie
1E leaise aoga ke kau fai tosi atu kia koutou o uiga mo le tokoi ki le kau sagato. 2Talie e kau iloa lokoutou loto malie, leia e kau fakakololia ai ia koutou ki le kau Masetonia, o kau pati kia latou kua tokamalie Akaia mei le fetuu kua sili ; ti ko lokoutou oli fakamalotoloto na lagai ia le toka api. 3E kau kakau atu a fetaina, o tupu ke aua na ano noa le fakavikiviki leia na ma fai kia koutou i le nea lena, kae ke kotou nonofo teuteu, ofaipe le nea leia na kau fakasa atu kia latou. 4Talie e leaise kau loto loa, mo ka ma natu mo ni iki o le kau Masetonia, ke lotou maua atu koutou e leikiaise kotou tokamalie, ti ke liliu le fanaki lena ko se luma kia maua, ke aua na pati ko se luma kia koutou. 5Koia na kau manatu ai e aoga ke kole ki fetaina ke muamua atu kia koutou, o tanaki lokotou nea alofa, leia na kotou tomua fakapapau ki ai, o tupu ke tokamalie a ia, ti ke fai a ia pe se alofa maoki, kae leaise pe se fulupipiki.
6Ke kotou iloa, ko leia e muluki fakaikiiki, e tau fakaikiiki loa, ti ko leia e muluki lasi, e tau lasi loa. 7Ke soli e le tagata taki toka tasi o mulimuli ki le nea leia kua fakapapau ki ai i lona loto, kae leai i le loto mamae, pe i le fakamaua, talie e alofa le Atua ki leia e soli fiafia. 8Ti e mafai e le Atua lana fakaapele koutou ki ona kalasia fuli, o tupu ke kotou maua tuumau a nea fuli ala e aoga kia koutou, ti ke kotou toe maua foki o fakalaka ki gaoi malilie fuli,
9o mulimuli ki le nea leia e tuu i le tosi :
Na tufa e ia ona nea alofa,
Na soli e ia ki le kau mativa ;
Etuu lona agatonu o lee gato.
10Ko leia
E soli ia se fakaili ki le tagata gaoi kele,
Ti mo se pane ki lana nea kai,
E soli ia loa kia koutou ti mo liuliuga ia loa kia koutou le fakaili, ti e fakalasi loa e ia a fua o akoutou gaoi malilie fuli. 11Ti e fakamoukoloa loa e ia koutou i nea fuli ki le fai o nea alofa kesekese, ala e fakatupu ia loa ni fakafetai ki le Atua ia maua. 12Talie ko le gaoi malie lena e kotou fai ia, e leaise gato fua i le soli o nea ala e aoga ki le kau sagato, kae ko se matapuna lasi foki a ia o ni fakafetai lasi ki le Atua. 13I le tio loa ki le tokoi lena kia latou, e lotou fakakololia loa ki le Atua o uiga mo lakoutou fakalogo ki le fakasa o le Evaselio a Kilisito, ti mo lokotou alofa lasi o vaevae okoutou koloa mo latou ti mo le kakai katoa ; 14e lotou ulufaki koutou, talie e lotou alofa kia koutou o tupu ko le kalasia mauiga leia kua fai e le Atua kia koutou. 15Ke fakafetai ki le Atua, o tupu ko lona nea alofa fulumalie ai !
Ko le puipui e Paulo o lana gaoi
Currently Selected:
Lua tosi ki le kau Kolinto 9: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020