Uluaki tosi kia Timoteo 3
3
Filifili o le kau takitaki i le Ekelesia
1E maoki le folafola leinei : Kapau e oli se tasi ki le gaoi a le epikopo, e oli a ia ki se gaoi malie ai. 2Koia e tonu ai le epikopo ke lee sala, ke avaga mo se fafine e tasi, ke tokaga, ke fakapotopoto, ke poto i le taki o lona mauli, ke fakatalitali kaiga matapule, ke poto i le akonaki. 3E tonu ke aua na inu kava a ia, pe agamakeke, kae ke agamalu, mo fakatokatoka, ti ke aua na manumanu paaga. 4E tonu ke takitaki malie e ia lona fale totonu, ti ke fakalogo ana fanau kiate ia i se fakaapaapa katoa ; 5talie kapau e leaise iloa e se tasi le takitaki o lona famili totonu, pe feaki loa lana tokaga ki le Ekelesia o le Atua ? 6E leaise tonu ko se tasi leia nao tafoki foou, talie ke aua na makita a ia i le fia nealasi o vilo ki le fakamaau a Satana.
7E tonu foki ke maua e ia se fakamaoki malie meia latou mei tafa, o tupu ke aua na vilo a ia ki valoki mo masele a le Tiapolo.
8Ko tiakono, e tonu foki ke lotou agatonu, o mamao mei le malualoi, mei le fakavalevale ki le kava, mei le manumanu ki koloa kelekele, 9kae ke lotou taupau a koloa fakafufu o le tui i se loto mea. 10Ke asiasii mua latou, ti oki ti o fakanofo loa latou ki lalatou gaoi, mo kapau e lotou lee sala. 11E tatau foki mo fafine, ke lotou aga fakaapaapa, mo sala fatufatu, mo fakapotopoto, ti mo agatonu i nea fuli. 12Ko le kau tiakono, e tonu ke lotou avaga mo se fafine e tasi, ti ke lotou taki malie alatou fanau mo olatou famili totonu ; 13talie ko latou ala e fai malie ia lalatou gaoi, e maua ia loa se tuulaga malie mo se makeke lasi i le tui kia Sesu-Kilisito.
Misitelio o le tausi malie ki le Atua
14E kau tosi atu a nea ana kiate koe, mo le amanaki malie e kau natu vave kiate koe ; 15kae kapau e kau tuvai atu, ke ke iloa loa le nea leia e tonu ke fai i le fale o le Atua, leia ko le Ekelesia o le Atua mauli, ko le pou, mo le fakatafito, ti mo le taofiaga o le maoki. 16Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.
Currently Selected:
Uluaki tosi kia Timoteo 3: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
