Uluaki tosi kia Timoteo 2
2
Faikole o uiga mo tagata fuli
1Koia e kau kole ai, i mua o nea fuli, ke fai ni kole, mo ni ulufaki, mo ni tagi, ti mo ni fakafetai, o tupu ko tagata fuli, 2o tupu ko sau ti mo latou fuli ala kua siki e se tuulaga, o tupu ke tou maua se mauli tokamalie mo fimalie, i le tausi ki le Atua ti mo le agatonu. 3E malie mo aoga le nea lena i mua o le Atua lotatou Fakamauli, 4leia e loto ke fakamauli tagata fuli, ti ke lotou kaku ki le iloa katoa o le maoki. 5Talie ko le Atua e tasi, ti mo le tagata fakasokopati e tasi i le vasaa o le Atua mo tagata, ko Sesu-Kilisito tagata, 6leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu, 7ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.
8Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.
Mauli o fafine i le Ekelesia
9E kau loto foki ke teu a fafine ki ni kofu ala e gali mo latou, mo mata fakaapaapa ti mo mata fakataulalo, kae aua na lotou teuteu ki ni kaufiliga, mo ni aulo, mo ni fuai kasoa, ti mo ni teu totogi veli, 10kae ke lotou teu ki ni gaoi malilie, ofaipe ni fafine ala kua fakasa ia ko le kau tausi latou ki le Atua. 11Ke tali e le fafine le akonaki i le fakalologo, mo se loto fakataulalo katoa. 12E leaise kau fakataga ke akonaki le fafine, pe ke too e ia le pule a le tagata ; kae e tonu ke nofo fakalogologo a ia. 13Talie na uluaki fakatupu Atama, kae na muli a Eva ; 14Na leaise kakaai a Atama, kae ko le fafine leia na kakaai ti na vilo ki le patigataa. 15Kae logo ai le nea a ia e fakamauli loa le fafine i lana liliu ko se tinana, mo kapau e kataki fualoa a ia i le fakapotopoto, mo le tui, mo le alofa, ti mo le maokioki.
Currently Selected:
Uluaki tosi kia Timoteo 2: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
