Uluaki tosi ki le kau Tesalonika 2
2
Tali o le Evaselio e le kau Tesalonika
1E kotou iloa e koutou totonu, fetaina, na leaise sala fua lamatou kaku atu kia koutou. 2I le oki o lamatou tali a mamae ti mo lauveli i Filipe, ofaipe le nea leia kua kotou iloa, na toe fakamakeke o motou loto e le Atua ke motou fakasa kia koutou le Evaselio o le Atua, i loto malie o ni tau lasi ai. 3Talie e leaise fakatafito lamatou akonaki ki le kaka, pe ki ni manatu kelekele, pe ki le fakasolosolo veli ; 4kae na malie ki le Atua ke tuku mai kia matou le Evaselio, koia e motou masau ai, o leaise ke fakamatamalie ki ni tagata, kae ke fakamatamalie ki le Atua leia e asiasii ia omatou loto.
5Talie e kotou iloa na leaise motou fai fua i se aso ni masau fakalaupisi ; ti e iloa e le Aliki na leaise taki matou e le manumanu ; e fakamaoki ki ai le Atua. 6Na leaise motou afa le kololia leia e au mei tagata, pe meia koutou, pe mei ni iki ake ; i lomatou uiga ko apositolo a Kilisito na feala ke motou pulei fakamakeke koutou, 7kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau : 8Koia na motou loto ai, i le lasi o lomatou alofa kia koutou, ke soli atu kia koutou o leaise gato fua i le Evaselio o le Atua, kae mo omatou mauli totonu foki, i le lasi o lomatou alofa kia koutou. 9Ke kotou manatui, fetaina, lamatou gaoi ti mo lomatou pakia : I le po mo le ao na motou gaoi o tupu ke aua na motou liliu ko se kavega ki se tasi ia koutou, i le temi leia na motou fakasa atu ai kia koutou le Evaselio o le Atua. 10E kotou fakamaoki, ti e fakamaoki foki le Atua, na motou mauli maokioki, mo faitotonu, ti mo lee mele i mua o koutou ala kua tui. 11Ti e kotou toe iloa foki na motou fai kia koutou taki toka tasi pe se tamana ki ana fanau, 12talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.
Agatonu o le kau Tesalonika
13Koia e motou fakafetai tuumau ai ki le Atua, talie, i lakotou tali le folafola a le Atua leia na motou fakasa atu kia koutou, na kotou tali a ia, o leaise faipe le folafola a ni tagata, kae ofaipe le folafola totonu a le Atua, leia e gaoi ia koutou ala e tui. 14Talie ko koutou, fetaina, kua kotou liliu ko le kau faifaitaki ki Ekelesia o le Atua i Sutea ala ia Sesu-Kilisito, talie ko koutou foki, kua kotou mamae mei lokoutou kakai totonu, ofaipe latou mei le kau Sutea, 15ala na tamate ia le Aliki ko Sesu mo le kau polofeta, ala na fakaveliveli ia matou, ala e leaise malie ki le Atua, ala ko fili o tagata fuli, 16Ti e lotou ponopono matou ke aua na motou fakasa ki le kau pagani le folafola leia e fakamauli ai latou. O tupu ke fakakatoa ai alatou agasala. Kae e maua loa latou e le sausau o le Atua.
Oli o Paulo ke tio ki le kau Tesalonika
17Kia matou, fetaina, i le sili o lamatou mavae i se ga temi ikiiki meia koutou, i le tino kae leai i le loto, na motou fia tio lasi ai kia koutou. 18Koia na motou fia natu ai kia koutou, io, a au Paulo, o tua tasi mo tua lua foki ; kae na taofi matou e Satana. 19Talie kolea lamatou amanaki malie, mo lomatou fiafia, ti mo lomatou pala o le kololia ? Pe leaise ko koutou foki i mua o lotatou Aliki ko Sesu, i le aso o lona toe liliu mai ?
20Io, ko lomatou kololia mo lomatou fiafia ko koutou.
Currently Selected:
Uluaki tosi ki le kau Tesalonika 2: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
