Uluaki tosi ki le kau Tesalonika 1
1
Fakaalofa
1Ko Paulo, mo Silivano, mo Timoteo, ki le Ekelesia o le kau Tesalonika, leia e nofo i le Atua ko le Tamana ti mo Sesu-Kilisito ko le Aliki : ke soli atu kia koutou le kalasia mo le tokamalie !
Le tui a le kau Tesalonika
2E motou fakafetai tuumau ki le Atua o tupu ko koutou fuli, o too okoutou igoa i amatou faikole ; 3o motou fakamanatu tuumau le gaoi o lakoutou tui, mo le gaoi o lokoutou alofa, ti mo le kataki fualoa o lakoutou amanaki malie ki lotatou Aliki ko Sesu-Kilisito, i mua o le Atua ko lotatou tamana. 4E motou iloa, fetaina alofaina, kua filifili koutou e le Atua ; 5Talie na leaise fakasa lamatou Evaselio kia koutou i ni masau fuai, kae i le makeke foki, mo le Laumalie Maokioki, ti mo le fakamaoki lasi ; talie e leaise puli kia koutou lamatou mauli i loto malie o koutou, o tupu ko koutou. 6Ti ko koutou totonu, na kotou faifaitaki mai kiate au, ti mo le Aliki, o kotou tali le folafola i ni mamae lasi ai, mo le fiafia o le Laumalie Maokioki, 7o kotou soko ai ko se faifaitakiaga ki le kau kilisiteano fuli o Masetonia mo Akaia. 8Koia na leaise mafola fua le folafola a le Aliki meia koutou ki Masetonia mo Akaia, kae kua logo lakoutou tui ki le Atua i ganea fuli foki, o leaise toe aoga ke motou masau ki ai. 9Talie e fakamatala, o uiga mo matou, pe na feaki lakotou tali matou ti mo lakotou tafoki ki le Atua, o tiaki a taulaatua, kae ke tausi le Atua mauli mo maoki, 10ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.
Currently Selected:
Uluaki tosi ki le kau Tesalonika 1: FB2000
Highlight
Copy
Compare
Share
Want to have your highlights saved across all your devices? Sign up or sign in
© Société Biblique de Genève, 2000-2020
