Ɛdi 26
26
Menli ɛdianlɛ ne mɔɔ tɔ zo nwiɔ
1 #
Ɛdi 1.1-46
Ewulenzane ne anzi Ɛdɛnkɛma zele Mosisi nee Sɛlɛvolɛ Aalɔn ara Ɛlieza kɛ, 2“Bɛdia Yizilayɛma kɔsɔɔti mɔɔ ɛli ɛvolɛ abulanwiɔ mɔɔ kɔ na bɛkola ɛlɔne nloa kɔ la, mbusua ekpulike ekpulike.” 3-4Mosisi nee Sɛlɛvolɛ Ɛlieza boɔboale menli ne anloa wɔ Mowabe ɛsɛlɛ ne anu, wɔ Azule Dwɔdan ne anzi wɔ Gyɛleko, kɛmɔ Ɛdɛnkɛma hanle la, na ɔmanle bɛdianle bɛ.
Yizilayɛma ɛhye mɔ a vi Yigyibiti rale a:
5Wɔ Wulubɛn abusua ekpunli ne anu (Wulubɛn le Gyekɔbo ara nrenya kpanyinli): Heenɔko, Palu, 6Hɛzelɔn, yɛɛ Kamae mbusua ekpulike ne mɔ. 7Mbusua ekpulike ɛhye mɔ dodo le apenle ngoko abulanla nee nsa, ɛya nsuu abulasa. 8Palu abo zo amra ne a le Yilayabe 9nee ɔ mra mrenya Nɛmuwɛle, Deetan, yɛɛ Abaelam. (Deetan nee Abaelam ɛhye mɔ a menli ne dule bɛ na bɛkpole Mosisi nee Aalɔn, na bɛdoale Kɔla nee ye ɛdoavolɛma ne wɔ mekɛ mɔɔ bɛdele Ɛdɛnkɛma anwo atua la. 10Na azɛlɛ ne kpakyele nwiɔ na ɔmenle bɛ nee Kɔla nee ye ɛdoavolɛma ne, menli zɔhane wule wɔ mekɛ mɔɔ senle yelale menli ɛya nwiɔ abulanlu ne la, na bɛyɛle kɔkɔbɔlɛ bɛmanle menli ne. 11Kɔla amra mrenya ne mɔ, bɛmɛ bɛanwu.)
12Wɔ Semɛyɔn abusua ekpunli ne anu: Nɛmuwɛle, Gyeemen, Gyeeken, 13Zila, yɛɛ Hyɔɔlo mbusua ekpulike ne mɔ. 14Mbusua ekpulike ɛhye mɔ dodo le apenle ngoko abulanwiɔ nee nwiɔ, ɛya nwiɔ.
15Wɔ Gaade abusua ekpunli ne anu: Zifɔn, Hagae, Hyunae, 16Ɔzenae, Yilae, 17Ɛlɔde, yɛɛ Alilae mbusua ekpulike ne mɔ. 18Mbusua ekpulike ɛhye mɔ dodo le apenle ngoko abulanla, ɛya nnu.
19-21Wɔ Dwuda abusua ekpunli ne anu: Hyila, Pɛlɛze, Zilaa, Hɛzelɔn, yɛɛ Hamɛle mbusua ekpulike ne mɔ. (Dwuda amra mrenya ne mɔ anu nwiɔ, Ɛɛ nee Onan wule Keena azɛlɛ zo.) 22Mbusua ekpulike ɛhye mɔ dodo le apenle ngoko abulasuu nee nsia, ɛya nnu.
23Wɔ Yesakaa abusua ekpunli ne anu: Tola, Puwa, 24Gyahyɛlae, yɛɛ Hyɛmelɔn. 25Mbusua ekpulike ɛhye mɔ dodo le apenle ngoko abulasia nee nna, ɛya nsa.
26Wɔ Zɛbulɛn abusua ekpunli ne anu: Silɛde, Yilɔn, yɛɛ Gyalii. 27Mbusua ekpulike ɛhye mɔ dodo le apenle ngoko abulasia, ɛya nnu.
28Dwosefi mbusua ekpunli ne mɔ: Dwosefi wole mralɛ mrenya nwiɔ, Manasɛ nee Yifelaem.
29Wɔ Manasɛ abusua ekpunli ne anu: Manasɛ ara nrenya Meekɛ wole Geleade. Mbusua ekpulike ɛhye mɔ kɔsɔɔti abo vi Geleade anu: 30Yizɛ, Hilɛke, 31Azeleɛle, Hyikɛm, 32Hyɛmaeda, yɛɛ Hifɛ. 33Hifɛ ara Zilɔfɛhade anwo ralɛ nrenya, ɔwole mraalɛ ngome, bɛ aluma ɛne: Maala, Nowa, Hɔgela, Melekaa, yɛɛ Tɛza. 34Mbusua ekpulike ɛhye mɔ dodo le apenle ngoko abulanlu nee nwiɔ, ɛya nsuu.
35Wɔ Yifelaem abusua ekpunli ne anu: Hyutilaa, Bikɛ, yɛɛ Teehan. 36Yilam abusua ekpulike ne le Hyutilaa abo zo amra. 37Mbusua ekpulike ɛhye mɔ dodo le apenle ngoko abulasa nee nwiɔ, ɛya nnu. Bɛle Dwosefi abo zo amra.
38Wɔ Bɛngyaman abusua ekpunli ne anu: Bila, Ahyebɛle, Ahaelam, 39Hyɛfufam, yɛɛ Hufam. 40Aade nee Neeyaman mbusua ekpulike ne le Bila abo zo amra. 41Mbusua ekpulike ɛhye mɔ dodo le apenle ngoko abulanla nee nnu, ɛya nsia.
42Wɔ Dan abusua ekpunli ne anu: Huhyem, 43bɛ dodo le apenle ngoko abulasia nee nna, ɛya nna.
44Wɔ Ahya abusua ekpunli ne anu: Yemena, Yehyevae, yɛɛ Bɛlaya. 45Hibɛ nee Malekeɛle le Bɛlaya abo zo amra. 46Ahya wole ralɛ raalɛ ko, bɛfɛlɛ ye Sɛla. 47Mbusua ekpulike ɛhye mɔ dodo le apenle ngoko abulanlu nee nsa, ɛya nna.
48Wɔ Nafetalae abusua ekpunli ne anu: Gyaazile, Gunae, 49Gyizɛ, yɛɛ Hyelɛm. 50Mbusua ekpulike ɛhye mɔ dodo le apenle ngoko abulanla nee nnu, ɛya nna.
51Ɛka Yizilayɛma kɔsɔɔti ɛbɔ nu a, bɛ dodo le apenle ngoko ɛya nsia nee ko, menli ɛya nsuu abulasa.
52 #
Ɛdi 34.13; Dwɔ 14.1-2 Ɛdɛnkɛma zele Mosisi kɛ, 53“Kyɛ azɛlɛ ne maa mbusua ekpunli ekpunli ne, kɛmɔ bɛ dodo de la. 54-56Gua nzeleba na wɔahyɛ azɛlɛ ne, abusua ekpunli mɔɔ anwo zonle la, maa ye azɛlɛ kpole, mɔɔ anwo anzo la, maa ye azɛlɛ ekyi.”
57Mbusua ekpulike ekpulike mɔɔ wɔ Livae abusua ekpunli ne anu la a le Gɛhyɔn, Kohate, yɛɛ Mɛlɛlae. 58Lebenae, Hibulɔn, Maalae, Muhyae, yɛɛ Kɔla le bɛ bo zo amra. Amelam ɔ ze a le Kohate, 59ɔgyale Livae ara raalɛ Dwɔkɛbɛde mɔɔ bɛwole ye Yigyibiti la. Dwɔkɛbɛde nee ɔ hu Amelam wole mralɛ mrenya nwiɔ, Aalɔn nee Mosisi, yɛɛ raalɛ ko, Meleam. 60#Ɛdi 3.2 Aalɔn wole mrenya nna, Needabe, Abaehu, Ɛlieza, yɛɛ Yetamaa. 61#Sɛlɛ 10.1-2; Ɛdi 3.4 Needabe nee Abaehu vale senle mɔɔ ɛnle nwuanzanwuanza la bɔle azu manle Ɛdɛnkɛma, yemɔti bɛwule. 62Livaema mɔɔ ɛnee ɛli siane ko nee mɔɔ bo ekyi la dodo le apenle ngoko abulanwiɔ nee nsa. Bɛdianle bɛ ngome, bɛandia bɛ bɛamboka Yizilayɛma ne anwo, ɔboalekɛ bɛammaa bɛ agyadeɛ biala wɔ Yizilayɛ.
63Mosisi nee Ɛlieza a dianle menli ɛhye mɔ kɔsɔɔti wɔ Mowabe ɛsɛlɛ ne anzi, wɔ Azule Dwɔdan ne anzi wɔ Gyɛleko afoa nu a. 64Menli mɔɔ Mosisi nee Aalɔn dianle bɛ wɔ alumua menli ɛdianlɛ ne anu wɔ Saenae Fienemgbole ne anu la, ɛdwoba ko bɔbɔ anga. 65#Ɛdi 14.26-35 Ɛdɛnkɛma zele kɛ menli ɛhye mɔ kɔsɔɔti bawu fienemgbole ne anu. Gyɛfɛni ara Kalɛbe nee Nɛn ara Dwɔhyua ala a hale a. Bɛ muala bɛwule.
Currently Selected:
Ɛdi 26: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
