Ade 25
25
Ɛleka Nwuanzanwuanza azubɔdeɛ ne mɔ
(Ade 35.4-9)
1Ɛdɛnkɛma zele Mosisi kɛ, 2“Ka kile Yizilayɛma kɛ bɛbɔ azu bɛmaa me. Die awie biala asa anu azubɔdeɛ biala mɔɔ vi ye ahonle nu la. 3Azubɔdeɛ mɔɔ ɛbalie wɔavi bɛ ɛkɛ ne la ɛne: ezukoa nvutuke, dwɛtɛ fufule, yɛɛ kɔbele; 4lenen ɛdanlɛ mɔɔ anye te, boane enrinli ɛdanlɛ anye buluwu, buluwu nee kɔkɔlɛ afonla nee kɔkɔlɛ, abɔnkye enrinli ɛdanlɛ, 5mboane nyinli nwoma mɔɔ bɛwula bɛ kɔkɔlɛ, abɔnkye nwoma, akasea baka, 6kɛnlaneɛ nwole, ninyɛne evuanlɛ mɔɔ bɛfa bɛyɛ ɛkpokpalɛ nwole nee ɛyɛlɛ evuanlɛ, 7ɔnekese awolɛ nee awolɛ ɛsesebɛ mɔɔ bɛfa bɛbobɔ Sɛlɛvolɛ Kpanyinli ne ɛzonlenlɛ tɛladeɛ ne mɔɔ bɛfɛlɛ ye yifɔdo#25.7 Yifɔdo: nea Edwɛkɛbohilelɛ. nee ɔ kɛnra azo aguzo ne mɔ anu la. 8Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli. 9Yɛɛ siezie nuhua, kɛmɔ menwɔzi menwɔhile wɔ la.
Ngyekyeleɛ Ɛlɛka ne
(Ade 37.1-9)
10“Fa akasea ndaboa bobɔ ɛlɛka. Maa ye tendenle ɛyɛ mita ko nee ekyi, ye tɛtɛlɛ ɛyɛ mita foa ko nee ekyi, na ye anwumahɔlɛ ɔdaye noko ɔyɛ mita foa ko nee ekyi. 11Kolo ezukoa nvutuke tagyee gua nwolɛ amuala nee ɔ kunlu na fa bie to ɔ nloa bɛnra yia. 12Fa ezukoa nvutuke ngɛba nna mɔɔ bɛsosɔ nu bɛdwu la sosɔ ɔ gyakɛ nna ne, nwiɔ wɔ ye foa ko yɛɛ nwiɔ wɔ ye foa ko noko. 13Se akasea mbaka nwiɔ mɔɔ bɛfa bɛsoa la, na fa nvutuke fɔle nwolɛ, 14na fa wulowula ye tɛbanu nee ye tɛbanu ngɛba nwiɔ ne anu. 15Ɔnle kɛ bɛyeye mbaka ne mɔ. Ɔwɔ kɛ bɛboa ɛlɛka ne ngɛba ne mɔ anu. 16Na akee fa awolɛ ndɛbandɛba nwiɔ ne mɔɔ mehɛlɛ mɛla ne mɔ zolɛ mɔɔ mebava meamaa wɔ la gua nu.
17 #
Hib 9.5
“Akee fa nvutuke tagyee yɛ ɛlɛka ne mɔɔ ye tendenle le mita ko nee ekyi na ye tɛtɛlɛ le mita foa ko nee ekyi la nduazo. 18Fa nvutuke mɔɔ bɛva hamenle bɛbolo la yɛ abɔdeɛ mɔɔ lɛ ndɛbalɛ#25.18 Abɔdeɛ mɔɔ lɛ ndɛbalɛ: nea Edwɛkɛbohilelɛ. la nwiɔ 19siezie ɔ ti nee ɔ ti. Fa bɛ boka tile ne yɛ maa bɛyɛ kpundii mɔɔ ɛkpɔkye bɛ a bɛmkpɔkye a. 20Abɔdeɛ nwiɔ ne mɔɔ lɛ ndɛbalɛ la bagyinlegyinla nduazo ne ati nee ɔ ti, bɛ nye bɔ zolɛ, bɛ mu nwiɔ bɛ nye gyi ɛlɛka ne ati ne anwo. Ɔwɔ kɛ bɛyɛ bɛ mɔɔ bɛdɛlɛdɛlɛ bɛ ndɛba ne mɔ anu bɛmaa bɛheda ɛlɛka ne azo. 21Akee ɛbava awolɛ ndɛbandɛba nwiɔ ne mɔɔ mebava meamaa wɔ la wɔagua ɛlɛka ne anu na wɔava ɔ ti ne wɔadua zolɛ. 22Na me nee wɔ bayia ɛkɛ, na ɛlɛka ne azo, abɔdeɛ nwiɔ ne andɛba ne mɔ avinli yɛɛ mebadendɛ meava me mɛla ne mɔ amuala meamaa wɔ na wɔava wɔamaa Yizilayɛma a.
Kpanwo nee mɔɔ bɛva bɛbɔ azu bɛmaa Nyamenle la ɛkponle ne
(Ade 37.10-16)
23“Fa akasea ndaboa bobɔ ɛkponle; maa ye tendenle ɛyɛ mita ko, ye tɛtɛlɛ ɛyɛ mita foa ko, na ye anwumahɔlɛ ɛyɛ mita foa ko nee ekyi. 24Fa ezukoa nvutuke tagyee fɔle nwolɛ amuala na fa bie to ɔ nloa bɛnra yia. 25Fa kɛba mɔɔ ye tɛtɛlɛ le kɛ bɛ sa taakɛ la to ɔ nloa na kolo ezukoa nvutuke gua kɛba ne anwo. 26Yɛ ezukoa nvutuke ngɛba nna sosɔ ye muleɛ nna ne, ɛleka mɔɔ ɔ gyakɛ ne mɔ wɔ la. 27Ɔwɔ kɛ ngɛba ne mɔ mɔɔ bɛbava mbaka ne mɔ bɛawulowula nuhua bɛazoa ɛkponle ne la bikye ɔ nloa. 28Fa akasea mbaka yɛ mbaka zɔhane mɔ na fa ezukoa nvutuke fɔle nwolɛ na bɛava bɛazoa ɛkponle ne. 29Fa ezukoa nvutuke tagyee yɛ agbɛlɛte nee ahyɛnze mɔɔ bɛbava ɛyɛlɛ bɛagua nu, nwanye dwora, yɛɛ dwora akunlu kuloonwu mɔɔ bɛbava bɛaye ɛdɛne la. 30#Sɛlɛ 24.5-8 Bɛva ɛkponle ne bɛzie me Ngyekyeleɛ Ɛlɛka ne anyunlu ɛkɛ ne na bɛva kpanwo mɔɔ dahuu bɛkɛva bɛkɛbɔ azu bɛkɛmaa me la bɛgua zolɛ.
Kɛnlaneɛ baka ne
(Ade 37.17-24)
31“Bɛva ezukoa nvutuke tagyee bɛyɛ kɛnlaneɛ baka. Bɛva hamenle bɛbolo ezukoa nvutuke tagyee bɛyɛ ɔ bo tɛtɛlɛ ne nee baka mumua ne. Ye ndotolo ne mɔ, ye ahɔpo ne mɔ, nee ɔ sa ɔ sa ne mɔ, bɛva bɛ bɛbɔ nu bɛyɛ ye debie munli ko. 32Ɔwɔ kɛ kɛnlaneɛ baka ne nyia ngane nsia, ye foa ko ɛdeɛ nsa yɛɛ ye foa ko noko ɛdeɛ nsa. 33Ngane nsia ne mɔ, ɔwɔ kɛ ko biala nyia kɔpo mɔɔ lɛ nduazo mɔɔ bɛyɛ ye kɛ alemɔndo ndotolo mɔɔ ɛkpuke na ɛnyelɛ nee nya duodua ɔ bo la nsa. 34Akee kɛnlaneɛ baka mumua ne, ɔwɔ kɛ ahɔpo nna mɔɔ lɛ nduazo na bɛyɛ bɛ kɛ alemɔndo ndotolo mɔɔ ekpuke na ɛnyelɛ duodua ɔ bo la gyinlegyinla zolɛ. 35Akee kɛnlaneɛ baka ne asa ngane nsia ne mɔ, ɔwɔ kɛ ɛnyelɛ zɔhane bie gyinla ko biala abo. 36Ndotolo ne mɔ, ngane ne mɔ, yɛɛ kɛnlaneɛ baka ne, ɔwɔ kɛ bɛfa ezukoa nvutuke tagyee mɔɔ bɛva hamenle bɛbolo la bɛyɛ ye debie ko. 37Bɛyɛ ahɛnlaneɛ nsuu bɛziezie kɛnlaneɛ baka ne azo bɛmaa bɛda bɛgua ɔ nyunlu fɔɔnwo. 38Maa bɛ dabekɛ nee bɛ bo ahyɛnze ndɛbandɛba ne mɔ ɛyɛ ezukoa nvutuke tagyee. 39Fa ezukoa nvutuke tagyee kilo abulasa nee nnu yɛ kɛnlaneɛ baka ne nee nwolɛ ninyɛne ɛhye mɔ kɔsɔɔti. 40#Gyi 7.44; Hib 8.5 Nea maa bɛyɛ bɛ kɛmɔ melɛfa meahile wɔ wɔ boka ye azo la.
Currently Selected:
Ade 25: NB
Highlight
Copy
Compare
Share
Want to have your highlights saved across all your devices? Sign up or sign in
Bible in Nzema © Bible Society of Ghana, 1998.
