Luka 6
6
(6,1-5. Mat. 12,1-8. Mar. 2,23-28.)
1Ni hedšō̱mo̱gbĩ ní dši enyo̱ ní nyie kleṅkleṅnō le̱ se̱ le̱ no̱ le̱, eba mli ake̱ eyatšṍ able-ṅmõdši amli; ni ekaselo̱i le̱ kũmo̱ abletšei le̱ ni ame̱kposa ye̱ ame̱deṅ ni ame̱kpe.
2Ši Farisifoi le̱ ekomei kē̱ame̱ ake̱: Menihewo̱ nyefeo̱ noni edšaa gbe̱ ake̱ afeo̱ ye̱ hedšō̱mo̱gbĩĩ le̱ ano̱ le̱?
3Ni Iesu to he ehãame̱ ni ekē̱: Ani nyekaneko noni *David fe, beni hõmo̱ ye le̱dientše̱ ke̱ mei ní fata ehe le̱? *1 Sam. 21,7.
4bo̱ni ebote Nyoṅmo̱ we le̱ ni eyakŏ̱lo̱ hĩe-mã-aboloi le̱ ní edšaa gbe̱ ake̱ ayeo̱ ake̱ dša oso̱foi le̱ ke̱ke̱ le̱, ni eye, ni eke eko hã mei ní fata ehe le̱ hũ le̱? *3 Mose 24.9.
5Ni ekē̱ame̱ ake̱: Gbomobi le̱, hedšō̱mo̱gbĩ le̱ tete nuṅtšo̱ dšile̱.
(6-11. Mat 12,9-14. Mar 3,1-6.)
6Ši hedšō̱mo̱gbĩ kroko hũ no̱ lo̱ eba mli ake̱ eyiṅ ete kpēhe le̱ ni eyatšõ nii. Ni nū ko ye̱ dše̱i ní enine dšŭrõ egbo.
7Ši woloṅmãlo̱i le̱ ke̱ Farisifoi le̱ *srale̱ ame̱kwe̱ ake̱ eetšá hela ye̱ hedšō̱mo̱gbĩ le̱ no̱ lo, koni ame̱wo ena flo̱mo̱. 14,1.
8Ši le̱ le̱, ní ele ame̱susumo̱i le̱, ekē̱ nū ní nine egbo le̱ ake̱: Te ši obadamo̱ teṅ! Ni ete ši edamo̱ ši.
9Ke̱ke̱ ni Iesu kē̱ame̱ ake̱: Mibabinye noko: Ani edša gbe̱ ye̱ hedšō̱mo̱gbĩĩ le̱ ano̱ ake̱ afeo̱ ekpakpa lo efõṅ? ake̱ ahereo̱ susuma yiwala lo akpãtãa ehĩe?
10Ni ekwe̱ ame̱fẽ ame̱hĩeiaṅ ke̱-kpe, ni ekē̱ nū le̱ ake̱: Kpã onine le̱ mli! Ni efe nakai, ni enine le̱ ye emũ tamo̱ eko le̱.
11Ši ame̱ le̱ ame̱dšim kwrā, ni ame̱hala mli ye̱ ame̱teṅ nõ po ní ame̱afe Iesu.
(12-16. Mar. 3,13-19.)
12Ši eba mli ye̱ nakai gbĩĩ le̱ amli ake̱, eyiṅ ete so̱lemo̱ ye̱ goṅ le̱ no̱, ni eši kpe nyōnyōṅ fẽ ēso̱le ētšé̱ Nyoṅmo̱.
13Ni beni dše tše̱re le̱, etšé̱ ekaselo̱i le̱ ke̱-ba eṅõ ni ehala ame̱teṅ mei nyoṅma ke̱ enyo, mei ní etšé̱ame̱ bo̱foi hũ le̱: Mat. 10,2-4. Bo̱f. 1,13.
14Simon, moni ewole̱ Petro hũ le̱, ke̱ enyemi Andrea; Iakobo ke̱ Iohane; Filipo ke̱ Bartolomeo;
15Mateo ke̱ Toma; Iakobo, Alfeo bi le̱, ke̱ Simon, moni atšé̱o̱le̱ Zelote (Hĩedo̱lo̱) le̱;
16Iuda, Iakobo nyemi le̱, ke̱ Iuda Iskariot, moni tšṍ se̱gbe̱tšõlo̱ le̱.
(17-19. Mat. 4,23—5,1. Mar. 3,7-12.)
17Ni eke̱ame̱ kpleke ši ke̱-ba, ni ame̱badamo̱ heko ni yo̱ tre̱nē̱, ke̱ ekaselo̱i asafo le̱, ke̱ mei pī ní dše̱ Iudea fẽ ke̱ Ierusalem ke̱ Tiro ke̱ Zidon ṅšo̱nā mãdšĩ le̱ amli ní bale̱ toibō ke̱ ame̱helai atšámo̱ le̱,
18ke̱ mei ní mumo̱i fõdši haoo̱ame̱ le̱, ni etšáame̱.
19Ni asafo mũ le̱ fẽ mītao ehe ata edšake̱ hewale̱ dše emli ni etšáame̱ fẽ.
(20-23. Mat 5,3. 4. 6. 11. 12.)
20Ni ehole ehĩṅme̱ii ano̱ ekwe̱ ekaselo̱i le̱ ni ekē̱: Adšō̱nye, ohĩafoi le̱: edšake̱ nyenõ dši Nyoṅmo̱ maṅtše̱yeli le̱.
21Adšō̱nye mei ní hõmo̱ yeo̱nye agbene ne̱; edšake̱ aahã nyetŏ̱ro̱. Adšō̱nye mei ní nyefóo̱ agbe̱ne̱ ne̱: edšake̱ nyeaṅmõ. Kpods. 7,15. 17. Lal. 126,5. 6. Ies. 61,3.
22Adšō̱nye, ke̱dši mei aanye̱nye, ni ame̱ke̱nye aatšere̱ mli ni ame̱adšé̱nye, ni ame̱agbe nyegbe̱i ake̱ gbe̱i fõṅ ye̱ gbomobi le̱ hewo̱ le̱.
23Nyenyã́a ye̱ nakai gbĩ le̱ no̱ ni nyetũmo̱a; edšake̱ na, nyenyõmo̱wo fá ye̱ ṅwei; edšake̱ nakai noṅṅ ame̱tše̱mei le̱ fe gbaloi le̱.
24Ši nye niiatše̱mei le̱, kpóo hã nye! edšake̱ nyèná nyemīše̱dšemo̱ momo. Iak 5,1.
25Kpṍo hã nye, mei ni nyetō̱ro̱ le̱! edšake̱ hõmo̱ aayenye. Kpóo hã nye, mei ní nyeṅmõo̱ agbe̱ne̱ ne̱! edšake̱ nyeaye ṅko̱mo̱ ni nyeafófói. Ies. 5,22.
26Kpóo hã nye, ke̱dši mei fẽ aawie nyehe ekpakpa le̱! edšake̱ nakai noṅṅ ametšemei le fe amale-gbalo̱i le. Iak. 4,4. Mika 2,11.
(27-33. Mat. 5,39-48.)
27Ši nye mei ní nyeboo toi ne̱, mīkē̱nye ake̱: Nyesumo̱a nyehenye̱lo̱i; nyefea mei ní he tšẽo̱nye le̱ edšŭrõ;
28nyedšō̱a mei ní lomoo̱nye; nyeso̱lea nyehãa mei ni feo̱nye niseniianii.
29Moni aagbá otoiṅ bie̱ le̱, tšṍ bie̱ le̱ hũ ohãle̱; ni moni aašõ ohebó le̱, kākāmãle̱ oflaka le̱ hũ.
30Ši mofẽmo ní baäo nii le̱, hãle̱, ni moni aašõ onii le̱, kābile̱ doṅṅ.
31Ni bo̱ni nyetaoo̱ ake̱ mei afe ahãnye le̱, nye hũ nyefea nakai noṅṅ nyehãaame̱. Mat. 7,12.
32Ni ke̱dši nyesumo̱ mei ní sumoo̱nye le̱, mẽ šidā nyeyo̱? edšake̱ ešafelo̱i hũ sumoo̱ mei ni sumoo̱ame̱.
33Ni ke̱dši nyefe edšŭrõ nyehã mei ní feo̱nye edšŭrō le̱, mẽ šidā nyeyo̱? edšake̱ ešafelo̱i hũ feo̱ nakai noṅṅ.
34Ni ke̱dši nyefa mei ní nyehĩe kã no̱ ake̱ ame̱ahãnye ekoṅ le̱, mẽ šidā nyeyo̱? edšake̱ ešafelo̱i hũ faä ešafelo̱i, koni ame̱ná nakai bo̱ noṅṅ. 3 Mose 25,35. 36.
35Moṅ nyesumo̱a nyehenye̱lo̱i, ni nyefea edšŭrõ ni nyefaä ní nyehĩe kãã noko no̱ doṅṅ, ni nyenyõmo̱wo aafá, ni nyeatšṍmo̱ Ṅweinyo le̱ bii, ši le̱ le̱ emli hĩ ye̱ trumui ke̱ meifõdši ano̱.
36Nohewo̱ le̱ nyenaä mo̱bo̱, tamo̱ bo̱ni nyetše̱ le̱ hũ naä mo̱bo̱ le̱.
(37-49. Mat 7.)
37Ni nyekakodšoa, koni akako̱dšonye; nyekabuafo̱, koni akabunye fo̱; *nyeṅõ-faä, ni aaṅō-fanye. *Mat 6,14.
38Nyehãa, ni aahãnye; susumo̱nõ kpakpa ní anyẽ no̱ ni ahoso ni eyi eteke no̱ mei aaṅõ-sākã nyetšitši; edšake̱ nõ susumo̱nõ ní nyeke̱-susuo̱ le̱, no noṅṅ aakũ se̱ aṅō-susu ahãnye. Mar. 4,24.
39Ši ebuame̱ abe̱ ake̱: Ani ſilafo aanyẽ atšõ ſilafo gbe̱? Ani dšee bu mli ame̱yi enyo̱ le̱ fẽ ame̱ayagbe? Mat. 15,14.
40Kaselo̱ éfèè etšõle̱; ši mofẽmo ní ehĩ ke̱-wula ši le̱, eetamo̱ etšõle̱. Mat. 10,24. 25. Ioh. 15,20.
41Ši mēba onaä kuli ní kã onyemi hĩṅme̱i no̱ le̱, ni mplãṅ ní yo̱ bodĩentše̱ ohĩṅme̱i no̱ le̱, oyoo le̱?
42alo té aafe tẽṅ ní oonyẽ okē̱ onyemi ake̱: Anyemi, hã madšie kuli ní kã ohĩṅme̱i no̱ le̱, beni onaa mplãṅ ní yo̱ bodientšé̱ ohĩṅme̱i mli le̱? Osatofo, dšiemo̱ mplãṅ le̱ ye̱ bodientše̱ ohĩṅme̱iṅ tšutšu, ni no dãni oona faṅṅ ní odšie kuli le̱ ye̱ onyemi le̱ hĩṅme̱iṅ!
43Edšake̱ tšo kpakpa ko be̱ ní woo yibii fõdši, ni asaṅ tšo fõṅ ko hũ be̱ ní woo̱ yibii kpakpai.
44Edšake̱ tšo-fẽ-tšo dientše̱ yibii aṅõ-leo̱le̱: edšake̱ atšee agbãmii ye̱ aklatii ano̱, ni asaṅ atšee weinyibii ye̱ ṅmeitšei ano̱.
45Gbomo kpakpa dšieo̱ nõkpakpa ke̱-dše̱o̱ etšui mli dſetri kpakpa le̱ṅ, ni gbomo fõṅ hũ dšieo̱ nõfõṅ ke̱-dše̱o̱ etšui mli dſetri fõṅ le̱ mli, edšake̱ noni eyi tšui eteke no̱ le̱, no enãbu wieo̱.
46Ši menihewo̱ nyetšé̱o̱mi ake̱: Nuṅtšo̱, Nuṅtšo̱! ni nyefee nii nī mikē̱o̱ le̱? Mal. 1,6.
47Mofẽmo ní baä miṅõ ni enuo̱ miwiemoi le̱ ni eyeo no̱ le̱, matšõnye moni etamo̱:
48etamo̱ nū ko, ní beni emã tšũ le̱ etša ši kwo̱ṅkwo̱ṅ ni eto šiši ye̱ te̱sā ne̱; ni beni fāi ba le̱, ešimo̱ nakai tšũ le̱, ni enyẽẽle̱ ehoso, edšake̱ ato šiši ye̱ te̱sā no.
49Ši moni nuo̱ ni eyee no̱ le̱, etamo̱ nū ko ní mã tšŭ ye̱ šikpoṅ hĩe ní etoo šiši; ni fā le̱ šimo̱le̱, ni amrõ le̱ ewule, ni nakai tšũ le̱ wulemo̱ le̱ da.
Currently Selected:
Luka 6: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.