Luka 5
5
(5,1-11. Mat. 4,18-22. Mar. 1,16-20.)
1Agbene eba mli ake̱, beni mei pī dſere eno̱ ni ame̱boo̱ Nyoṅmo̱ wiemo̱ le̱ toi le̱, edamo̱ Genesaret kpākpo le̱ nā,
2ni ena le̱dši enyo̱ ṅmõ ši ye̱ kpākpo le̱ nā; ši wole̱i le̱ édše mli ni ame̱mīfo̱ ame̱yāi ahe.
3Ni eyabote le̱le̱ le̱ ekome ní dši Simon nõ le̱ mli, ni ekpale fai ake̱ etši ke-ya nu le̱ hĩe fiō; ni eho etá ši, ni edše̱ le̱le̱ le̱ mli etšõ mei le̱ anii.
4Agbe̱ne̱ beni efõ wiemo̱ le̱, ekē̱ Simon ake̱: Nyetšia nyeyaä bu le̱ṅ ní nyeyafõa nyeyāi le̱, koni nyegbe lō. Ioh. 21,6.
5Ni Simon here no̱ ni ekē̱le̱ ake̱: Onukpa, nyō ne̱ṅ fẽ wo̱tšu nii dendēndeṅ ni wo̱náá noko; ši kẽle̱ owiemo̱ nā le̱ mafõ yā le̱.
6Ni beni ame̱fe nakai le̱, ame̱gbe lōi babaō ni ame̱yā le̱ mīgbla.
7Ni ame̱fõ ame̱nanemei ní yo̱ le̱le̱ kroko le̱ mli le̱ nine ake̱ amé̱ba ní ame̱bawaame̱. Ni ame̱ba ni ame̱wo le̱dši enyo̱ le̱ fẽ obõbõ ní ame̱mīhe ame̱šiu.
8Ši beni Simon Petro na le̱, eho egbē Iesu nādši anā ni ekē̱: Nuṅtšo̱, dše mimase̱i; edšake̱ gbomo ešafelo̱ dšimi!
9Ni eke̱ mei ní fata ehe le̱ fẽ ahe dšõ ame̱he ye̱ lōi pī ní ame̱gbe le̱ hewo̱;
10ni nakai noṅṅ fe Iakobo ke̱ Iohane, Zebedeo bii le̱, ni dši Simon hefatalo̱i le̱. Ni Iesu kē̱ Simon ake̱: Kāše gbeyei! ke-dše be ne̱ no ke-yaä ne̱ *ooša gbomei. *Mat. 13,47.
11Ni ame̱ke̱ ame̱le̱dši le̱ bakpleke, ni *ame̱šī fẽ ni amenyie ese̱. *Mat. 19,27.
(12-16. Mat. 8,1-4. Mar. 1,40-45.)
12Ni eba mli ake̱, beni eyo̱ mãdši le̱ ekome mli le̱, na, nū ko ní he eyi obõ ke̱ kpiti ye̱ dše̱i; ni beni ena Iesu le̱, eke̱ ehĩe bú ši ni ekpale̱ fai ekē̱: Nuṅtšo̱, ke̱dši ōsumo̱ le̱, oonyẽ ake̱ ohãa mihe tšeo̱.
13Ni ekpã enine mli eta ehe ni ekē̱: Mīsumo̱, ohe átše! Ni amrõ le̱ kpiti le̱ kpla ye̱ ehe.
14Ni etſa enā mã ake̱: Kākē̱ moko, ši moṅ ya ni oke̱ ohe ayatšõ oso̱fo le̱, ni oyašã afo̱le ye̱ ohetšemo̱ le̱ hewo̱, tamo̱ bo̱ni Mose *wo kitã le̱, koni afe odase ahãame̱. *3 Mose 14,2-22.
15Ši babaō ní ehe sane le̱ gbe̱ ſã moṅ dši no, ni mei pī bakpe ni ame̱babole̱ toi ní etšá ame̱helai le̱.
16Ši le̱ le̱ egbla ehe ši ke̱-te *ṅãno̱ ni eyaso̱le. *Mar. 1,35.
(17-25. Mat. 9,1-3. Mar. 2,1-12.)
17Ni eba mli ake̱ gbĩ le̱ eko no̱ ní etšõo̱ nii le̱, Farisifoi ke̱ mlatšõlo̱i ní dše̱ Galilea ke̱ Iudea mãdši le̱ fẽ no̱ ke̱ Ierusalem ba le̱ trá dše̱i; ni adšie Nuṅtšo̱ le̱ hewale̱ le̱ kpo ye̱ dše̱i ni eke̱-tšáame̱.
18Ni na, meikomei ke̱ nū ko ní kã sā no̱ ni ekũmo̱ ba; ni ame̱mītao ake̱ ame̱ke̱le̱ baä šĩa le̱ ni ame̱ke̱le̱ abaṅmẽ ehĩe.
19Ni heni ame̱naa bo̱ni ame̱afe ní ame̱ke̱le̱ aba ye̱ asafo le̱ hewo̱ le̱, ame̱kwo̱ ame̱te tšũ le̱ yiteṅ, ni ame̱šile̱ ke̱ esā le̱ ke̱-tšṍ ntayāi le̱ amli ke̱-yaṅmẽ teṅ ye̱ Iesu hĩe.
20Ni beni ena ame̱hemo̱-ke̱-yeli le̱, ekē̱le̱ ake̱: Nū, aṅõ ohe ešai le̱ áfao.
21Ni woloṅmãlo̱i le̱ ke̱ Farisifoi le̱ bõi susumo̱ ame̱kē̱: Namo dši mone̱ ní wieo̱ musubō̱ wiemo ne̱? Namo aanyẽ aṅõ ešai afa ake̱ dša Nyoṅmo̱ ke̱ke̱? Ies. 43,25.
22Ši beni Iesu yo ame̱susumo̱i le̱, efã enā ekē̱ame̱ ake̱: Meni nyesusuo̱ ye̱ nyetšui amli le̱?
23Té noni kē̱mo̱ dšraaṅ? noni aakē̱: “Aṅõ ohe ešai afao” le̱? alo noni aakē̱: “Te ši ni onyie” le̱?
24Ši beni afe ní nyele ake̱ gbomobi le̱ ye̱ hegbe̱ ye̱ šikpoṅ le̱ no̱ ake̱ eṅõo̱ ešai efaä le̱ (ekē̱ moni ekũmo̱ le̱ ake): Mīkē̱o ake̱: Te ši ni owó osā le̱ ni oya owe!
25Ni amrō le̱ ete ši ye̱ ame̱hĩe, ni ewó noni ekã no̱ le̱, ni eyiṅ ke̱-te le̱dientše̱ ewe, ni ehĩe Nyoṅmo̱ hĩenyamwō.
26Ni ame̱fẽ ame̱nā kpe̱ amehe, ni ame̱wo Nyoṅmo̱ hĩe nyam, ni ame̱še gbeyēi naakpa ní ame̱kē̱: Wo̱na nākpe̱nii ṅme̱ne̱!
(27-32. Mat. 9,9-13 Mar. 2,13-17.)
27Ni nii ne̱ ase̱ le̱ edše kpo, ni eyana ntōhelo̱ ko ni atšé̱o̱le̱ Levi ní etá ntōhemo̱he le̱, ni ekē̱le̱ ake̱: Nyiemo̱ mìse̱!
28Ni eši fẽ ni ete ši ebanyie ese̱.
29Ni Levi ṅmẽle̱ okplõ kpeteṅkple ye̱ ewe le̱, ni ntōhelo̱i ke̱ meikrokomei pī ke̱ame̱ baye nii. 15,1.
30Ni Farisifoi le̱ ke̱ ame̱woloṅmãlo̱i le̱ wie hũhũhũ wo ekaselo̱i le̱ ame̱kē̱: Menihewo̱ nyeke̱ ntōhelo̱i ke̱ ešafelo̱i yeo̱ nii ni nyeke̱ame̱ nuo̱ ne̱?
31Ni Iesu to he ni ekē̱ame̱ ake̱: Mei ní yo̱ kpintiṅkpliṅ le̱ ehĩaa-ame̱ tšofãtše̱, ši mei ní he yeo̱ le̱ moṅ ehĩa.
32Mibaa dšalo̱i atšé̱mo̱, ši moṅ ešafelo̱i hã tšuitšakemo̱.
(33-39. Mat 9,14-17. Mar 24,18-22.)
33Ni ame̱ke̱le̱ ake̱: Mẽhewo̱ Iohane kaselo̱i le̱ fo̱ö̱ ṅmā̃hĩle̱ ke̱ so̱lemo̱, ni Farisifoi akaselo̱i le̱ hũ feo̱ nakai noṅṅ, ni bo le̱ okaselo̱i le̱ yeo̱ nii ni ame̱nuo̱ le̱?
34Ši ekē̱ame̱ ake̱: Ani nyeanyẽ nyehã yōkpēmo̱ he bialo̱i le̱ ahĩ ṅmā̃, beni ayemforowu le̱ ke̱ame̱ yo̱ lolo le̱?
35Ši gbĩĩ aaba ni aaṅõ ayemforowu le̱ ke̱-adše ame̱ṅõ, ni nakai gbĩĩ le̱ amli dãni ame̱ahĩ ṅmā̃.
36Ši ebuame̱ abe̱ hũ ekē̱: Moko gbaa mama hẽ nā eṅõ-táá atade momo; ši ké̱ afe nakai le̱, egblaä ehē le̱, ni mama nā ní adšie ye̱ ehē le̱ nā le̱ ke̱ emomo le̱ eyayee.
37Ni moko eṅõõ wein hē ewoo woloto̱i memedši amli; ši ké̱ afe nakai le̱, wein hē le̱ aafle̱ woloto̱i le̱ ni eeſie ši, ni woloto̱i le̱ hũ aafite;
38ši wein hē le̱, woloto̱i hēi amli ake̱-woo̱, bĕle̱ enyo̱ le̱ fẽ yi éná wala.
39Ni asaṅ moko enuu wein momo ni amrõ noṅṅ ni etao ehē, edšake̱ ekē̱o̱ ake̱: Emomo le̱ hĩ fè no.
Currently Selected:
Luka 5: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.