Luka 7
7
(7,1-10. Mat. 8,5-13.)
1Agbe̱ne̱ beni ewie ewieme̱i le̱ fẽ ewo maṅ le̱ toiiaṅ le̱, ebote Kapernaum.
2Ši asrafo-oha-atše̱ ko tšũlo̱ ní he do̱ö̱le̱ he mīye ní ebagbo.
3Ni beni enu Iesu he le̱, etšũ Iudafoi le̱ anukpai ke̱-ba eṅõ nī ame̱bakpale̱ fai ake̱ éba ní ebatšá etšũlo̱ le̱.
4Ši beni ame̱ba Iesu ṅõ le̱, ame̱kpale̱ fai naakpa ame̱kē̱: Moni obafe ene̱ ohãle̱ le̱, esale̱;
5edšake̱ esumoo̱ wo̱maṅ le̱, ni kpēhe le̱, le̱ noṅṅ emã ehãwo̱.
6Ni Iesu ke̱ame̱ te. Ši agbe̱ne̱ beni eſe̱ fiō ní eeše̱ šĩa le̱, asrafo-oha-atše̱ le̱ tšũ ešientše̱mei ke̱-ba eṅõ abakē̱le̱ ake̱: Nuṅtšo̱, kāgba ohe nā; edšake̱ esaami ake̱ oboteo̱ mikpata le̱ šiši;
7nohewo̱ hũ ni mibuu mihe ake̱ esami ake̱ mibaä oṅõ le̱; ši moṅ wieme̱ wiemo̱ ke̱ke̱, ni aatšá mitšũlo̱ le̱.
8Edšake̱ mi po ní midši gbomo ní ayeo̱ mino̱ le̱, miye̱ asrafoi ye̱ mišiši, ni ké̱ mikē̱ mone̱ ake̱: Ya! le̱, eyaä; ni ké̱ mikē̱ mokroko hũ ake̱: Ba! le̱, ebaä; ni ké̱ mikē̱ mitšũlo̱ ake̱: Femo̱ ene̱! le̱, efeo̱.
9Ši beni Iesu nu nii ne̱ le̱, ehĩe fele̱ yā ye̱ ehewo̱, ni etšṍ ehe ni ekē̱ asafo ní nyie ese le̱ ake̱: Mīkē̱nye ake̱, Israel mli tete minako hemo̱-ke̱-yeli ní da tamo̱ ene̱ dã.
10Ni beni mei ní atšũ le̱ kũ ame̱se̱ ke̱-ba šĩa le̱, ame̱bana tšũlo̱ ní he yeo̱ le̱ ní ehe éwale̱.
11Ni dšetše̱reno̱ le̱ eba mli ake̱ eyiṅ ke̱-te maṅ ko ní atšé̱o̱le̱ Nain le̱ mli; ni ekaselo̱i le̱ ateṅ mei pī ke̱ asafo babaō ke̱le̱ nyie.
12Ši beni eše̱ maṅ le̱ agbó le̱ nā etã le̱, na, awó gbonyo ko ke̱-mīdše kpo, ni *enye bi kome dšile̱, ni okũlafo dši yō le̱; ni mã le̱ṅ bii pī fata ehe. *1 Maṅ. 17,17.
13Ni beni Nuṅtšo̱ le̱ nale̱ le̱, emũsũṅ tšõle̱ ye̱ ehe, ni ekē̱le̱ ake̱: Kāfó!
14Ni eba ebata adeka le̱ he; ni mei ni tĕrele̱ le̱ wa-damo̱ ši. Ni ekē̱: Oblanyo, mīkē̱o ake̱: Te ši!
15Ni moni egbo le̱ te ši etá ši, ni ebõi wiemo; ni *eṅõle ehš enye. *1 Maṅ. 17,23. 2 Maṅ 4.36.
16Ši gbeyei mõmo̱ame̱ fẽ, ni ame̱wo Nyoṅmo̱ hĩe nyam ame̱kē̱: Gbalo̱ kpeteṅkple éte ši ye̱ wo̱teṅ, ni *Nyoṅmo̱ ebasra emaṅ le̱. *1,68.
17Ni ehe sane ne̱ dšidše ye̱ Iudea fẽ ke̱ dše̱i niiaṅ fẽ.
(18-35. Mat 11,2-19.)
18Ni Iohane kaselo̱i le̱ yagbale̱ nii ne̱ fẽ.
19Ni Iohane tšé̱ ekaselo̱i le̱ ateṅ mei enyo̱, ni etšũame̱ Iesu ṅõ ekē̱: Ani bo dši moni baä le̱, alo wo̱kwe̱ mokroko gbe̱?
20Ši beni hĩĩ le̱ ba eṅõ le̱, ame̱kē̱: Iohane, baptisilo̱ le̱, tšũ wo̱ oṅõ ekē̱: Ani bo dši moni baã le̱, alo wo̱kwe̱ mokroko gbe?
21Ši nakai ṅmle̱tſā le̱ no̱ noṅṅ le̱ etšá mei pī ahelai ke̱ ame̱hedšramo̱i ke̱ mumo̱i fõdši, ni mei pī hũ ní eſila le̱, ehā ame̱na nii.
22Ni Iesu to he ni ekē̱ame̱ ake̱: Nyeyaä ní nyeyagbaä Iohane nibii ní nyena ni nyenu le̱, ake̱ ſilafoi mīna nii, obubuafoi minyie, kpitiyelo̱i ahe mītše, toimũlo̱i mina nii, gbohĩi mīte ši, ãdšadše sanekpakpa le̱ ātšõ ohĩafoi;
23ni adšō̱ moni mihe sane etõtõṅ enane.
24Ši beni Iohane bo̱foi le̱ yiṅ ame̱te le̱, ebõi wiemo̱ ke̱ asafoi le̱ tšõmo̱ ye̱ Iohane hewo̱ ekē̱: Meni nyedše kpo nyete ṅã le̱ no̱ nyeyakwe̱? dſe̱itšo ni kō̱yo̱ hosoo̱ lo?
25Alo meni kwe̱mo̱ nyete? gbomo ní woo atade bo̱dō̱? Na, mei ni woo̱ atade fe̱fe̱o ni ame̱yeo̱ nii kpakpai le̱, maṅtše̱meĩ awei ame̱yo̱.
26Alo meni kwe̱mo̱ nyete? gbalo̱? Hē̃, mīkē̱nye ake̱, moni fè gbalo̱ tete. 1,76.
27Mone̱ dši mo hewo̱ ni aṅmã ake̱: “Na, mītšũ mibo̱fo le̱ ke̱-tšṍ ohĩe, moni aasā ogbe̱ le̱ atoö le̱.” Mal. 3,1.
28Edšake̱ mīkē̱nye ake̱: Mei ní yei fo̱ame̱ le̱ ateṅ le̱ *gbalo̱ ko be̱ ni fè Iohane, baptisilo̱ le̱; ši moni dši bibiō ye̱ Nyoṅmo̱ maṅtše̱yeli le̱ mli le̱ fèle̱. *1,15.
29Ni maṅ le̱ fẽ ni nu le̱ ke̱ ntōhelo̱i le̱ hã Nyoṅmo̱ bem ake̱-ní ake̱ Iohane baptisimo̱ le̱ baptisiame̱ le̱. 3,7. 12. Mat. 21,32.
30Ši Farisifoi le̱ ke̱ mlatšõlo̱i le̱ *kpō Nyoṅmo̱ yiṅto le̱ ní eyo̱ ye̱ ame̱he le̱, ake̱-ní ame̱hãã ebaptisiame̱ le̱. *Bo̱f. 13,46.
31Ši Nuṅtšo̱ le̱ kē̱: Namo he maṅõne̱ke̱ yino̱bii ne̱ mato mo̱, ni namo ame̱tamo̱?
32Ame̱tamo̱ gbekẽbii ní trá dšā no̱ ní tšé̱tšē̱o̱ amehe ame̱kē̱o̱: Wo̱kpã́ ble̱ wo̱hãnye, ni nyedšòko; wo̱wo yăra wo̱hānye, ni nyefóko!
33Edšake̱ Iohane, baptisilo̱ le̱, ba ni eyee abolo ni enuu wein, ni nyekē̱: Daimonio ye̱ emli.
34Gbomobi le̱ ba ni eyeo̱ nii ni enuo̱ noko, ni nyekē̱: Na, nū fulo̱ ke̱ dā̃nulo̱, ntōhelo̱i ke̱ ešafelo̱i ašientše̱! 15,2.
35Ni abu nilē le̱ bem ye̱ ebii le̱ fẽ nā.
36Ni Farisifoi le̱ eko kpēle̱ koni eke̱le̱ abaye nii. Ni eyiṅ ete Farisifonyo le̱ we le̱, ni eyatá niyenii le ahe. 11,37.
37Ni na, yō ko ni yo̱ mã le̱ṅ ni dši ešafelo̱ le̱, beni ená ele ake̱ ēye nii ye̱ Farisifonyo le̱ we le̱, ehĩe alabastroto̱ ke̱ tšofã-ke̱-ṅma ke̱-ba;
(Mat. 26,7-13. Ioh. 12,3-8.)
38ni ebadamo̱ enãdši aši ye̱ ese̱gbe̱, ni efó, ni eke̱ yāfónui le̱ bõi enãdši ahe fó̱mo̱, ni eke̱ eyitšo̱i tšumo̱, ni eſo̱ enãdši ahe, ni eke̱ tšofã-ke̱-ṅma le̱ kpá he.
39Ši beni Farisifonyo ní kpēle̱ niyeli le̱ na le̱, ekē̱ ye̱ emli ake̱: Gbomo ne̱, gbalo̱ dšile̱ dšikũle̱, eele nõ mo ke̱ nõ yō ní taä ehe ne̱ ake̱ ešafelo̱ dšile̱.
40Nĩ Iesu here no̱ ni ekē̱le̱ ake̱: Simon, miye̱ sane ko ní mibakē̱o. Ni ekē̱: Tšõlo̱, kē̱mo̱!
41Niflilo̱ ko ye̱ ní yo̱ nyōdšiatše̱mei enyo; mokome hĩele̱ denarioi ohai-enumo̱, ni mokome hũ nyoṅmai-enumo̱.
42Ši ake̱-ní ame̱be̱ noko ní ame̱ke̱-awo le̱, eṅõ-ke ame̱yi enyo̱ le̱ fẽ. Nohewo̱ le̱ tšõmo̱ ame̱teṅ moni aasumo̱le̱ titri?
43Ni Simon to he ekē̱: Misusuo̱ ake̱, moni éṅõ pī eke le̱. Ni ekē̱le̱ ake̱: Obu atẽṅ dšogbāṅ!
44Ni etšṍ ehĩe ehã yō le̱, ni ekē̱ Simon ake̱: Ona ne̱ke̱ yō ne̱? Mibabote owe ne̱, *ohããmi nu ni mike̱-fó̱ minãdši ahe: ši yō ne̱ ke̱ yāfónui efó̱ minãdši ahe, ni eke eyitšo̱i etšumo̱. *1 Mose 18,4.
45Mina hũ *oſo̱o̱; ši ne̱ke̱ yō ne̱, ke̱-dše̱ be mli ní miba ne̱ fẽ le̱, efõko minãdši ahe ſo̱mo̱. *Rom 16,16.
46Mũ hũ oke̱-kpáá miyiṅ; ši ne̱ke̱ yō ne̱, eṅõ tšofã-ke̱-ṅma ekpá minãdši ahe.
47Nohewo̱ le̱ mīkē̱o ake̱: Ehe ešaĩ ní fá le̱, aṅõ-fale̱, edšake̱ esumoo̱ babaō; ši moni aṅō fiō afa le̱, esumoo̱ fiō.
48Ni ekē̱ yō le̱ ake̱: Aṅõ ohe ešai áfao! 5,20. 21.
49Ke̱ke̱ ni mei ní ke̱le̱ trá niyenii aši le̱ bõi kē̱mo̱ ye̱ ame̱mlĩ ake̱: Namo po dši moni ṅõo̱ ešai faã ne̱?
50Ši ekē̱ yō le̱ ake̱: Ohemo̱-ke̱-yeli le̱ éhere oyiwala, ya ye̱ hedšo̱le̱ mli! 8,48; 17,19; 18,42.
Currently Selected:
Luka 7: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.