Lalai amli Lala 6
6
Yei lɛ
1Bo mɔ ni ohe yɔɔ fɛo fe fɛɛ
yɛ yei ateŋ,
nɛgbɛ osuɔlɔ lɛ etee?
Nɛgbɛ osuɔlɔ lɛ etsɔ̃,
koni wɔ kɛ bo fɛɛ ayatao lɛ?
Yoo lɛ
2Misuɔlɔ lɛ etee etrom lɛ mli,
yɛ tsofakɛŋma akofii lɛ ahe,
koni eyalɛ etooku lɛ yɛ jɛi,
koni etserɛ oflɔ fɔfɔii hu.
3Misuɔlɔ lɛ nɔ ji mi,
ni mi hu minɔ ji lɛ.
Lɛ mɔ ni elɛɔ etooku lɛ
yɛ oflɔ fɔfɔii ateŋ lɛ.
Nuu lɛ
4Mishieŋnyɛ, ohe yɛ fɛo tamɔ Tirza maŋ,
ni ohe yɛ akɔnɔ tamɔ Yerusalɛm.
Ohe yɛ gbeyei tamɔ tabilɔi
ni hiɛ aflaŋai.
5Tsɔ̃ ohiɛ oto afã
ejaakɛ ohiŋmɛii gbaa minaa.
Oyitsɔi tamɔ abotiai aku
ni miikpeleke
Gilead gɔji lɛ ahetsɔi.
6Onyanyɔji yɛɔ futaa tamɔ gwantɛŋi
ni aju amɛhe
ni amɛ fɛɛ kwa amɛfɔfɔɔ enyɔnyɔɔnyɔ
ni amɛteŋ ekome folo gboko.
7Odabii yɛ fɛo tamɔ maŋo ni etsu
yɛ ohiɛhaanɔ lɛ mli.
8 #
Lal 45.14
Maŋtsɛ aaahi maŋnyɛmɛi nyɔŋmai ekpaa,
kɛ hemɛi nyɔŋmai kpaanyɔ,
kɛ oblayei ni aleee amɛyibɔ moŋ nɛ;
9shi mɔ koome pɛ ji misuɔlɔ,
ni ehe yɛ fɛo tamɔ okpo.
Enyɛ suɔmɔ bi koome ji lɛ.
Enyɛ enaaa kpa ko yɛ ehe.
Oblayei lɛ na lɛ, ni amɛna ehe miishɛɛ.
Maŋnyɛmɛi kɛ lumɛi jie eyi.
10Namɔ pueɔ tamɔ leebi hulu nɛɛ,
ni ehe yɔɔ fɛo tamɔ nyɔɔŋtsere,
ni ehe tse tamɔ hulu,
ni ehe yɔɔ gbeyei tamɔ
tabilɔi ni hiɛ aflaŋai nɛɛ?
11Mikpeleke shi kɛtee tsoyibii atrom lɛ mli
koni mayakwɛ jɔɔ lɛ mli jwɛi frɔ̃frɔ̃ lɛ.
Mitee koni mayakwɛ akɛ waintsei lɛ
kɛ maŋotsei lɛ hu egba afofro lo?
12Be ni mihɛleɔ shi lɛ,
naa mi, ni mita shwiili mli,
ni mi yɛ misuɔlɔ lɛ masɛi.
Yei lɛ
13Kuu osɛɛ, kuu osɛɛ
bo Shulamyoo!
Kuu osɛɛ, kuu osɛɛ,
koni wɔkwɛ bo.
Yoo lɛ
Mɛni hewɔ nyɛbaakwɛ Shulamyoo?
Te aaafee tɛŋŋ majo joo enyɔ hu?
Currently Selected:
Lalai amli Lala 6: NEGAB
Highlight
Copy
Compare
Share
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
