Lalai amli Lala 4
4
Nuu lɛ
1Naa, ohe yɛ fɛo, misuɔlɔ,
naa, ohe yɛ fɛo.
Ohiŋmɛiŋ kpɛlɛɔ kɛ suɔmɔ
tamɔ okpo hiŋmɛii,
kɛtsɔ̃ɔ ohiɛhaanɔ lɛ mli.
Oyitsɔi bua onɔ tamɔ abotiai aku
ni bua shi yɛ Gilead gɔji lɛ ahe.
2Onyanyɔji yɛɔ futafuta
tamɔ gwantɛŋi ni aku amɛhetsɔi
ni aju amɛhe.
Amɛ fɛɛ kwa amɛfɔfɔɔ enyɔnyɔɔnyɔ
ni eko eko gboko.
3Onaabu tamɔ kpãa tsuru,
ni onaabu yɛ fɛo kɛ wiemɔ.
Odabii yɛ ohiɛhaanɔ lɛ mli
tamɔ maŋo tsuru.
4Okuɛ tamɔ David mɔɔ ni kwɔ,
ni ato tawuunii yɛ mli lɛ, ni
tawulɔi atsɛŋi bibii kɛ ewuji
tsotsoro shi yɛ mli fɛɛ
tamɔ kuɛnii.
5Ofufɔi tamɔ soŋai bii enyɔ.
Tamɔ ofrotebii hãaji ni
yeɔ nii yɛ oflɔ fɔfɔii ateŋ.
6Mayatee mihe yɛ mire gɔŋ lɛ nɔ,
ni mayashera shi yɛ
krɔbɔo gɔŋkpɔ lɛ nɔ,
kɛyashi beyinɔ ni je aaana
ni hiɛ aaabu.
7 #
Lal 45.13
Mishieŋnyɛ, ohe yɛ fɛo kɛmɔ shi;
kpa ko kpa ko bɛ ohe.
8Miyɛmfro, okɛ mi ajɛ Lebanon;
okɛ mi ajɛ Lebanon ni wɔya.
Jɛɛ Amana gɔŋ lɛ yiteŋ oba;
Jɛɛ Senir kɛ Hermon gɔji lɛ anɔ,
jatai kɛ mlaŋtswii ashihilɛhe lɛ,
oba ni wɔtee.
9Minyɛmi yoo, miyɛmfro, oŋɔ mitsui;
okɛ okwɛmɔ ni okwɛ mi shi kome
kɛ ojarawatɛ kome ni yɔɔ okuɛnii lɛ mli lɛ
eŋɔ mitsui kwraa.
10Minyɛmi yoo, miyɛmfro,
osuɔmɔ yɛ akɔnɔ.
Osuɔmɔ lɛ ŋɔɔ aahu fe wain.
Omui lɛ jeɔ ŋma aahu fe tsofakɛŋmai srɔtoi fɛɛ.
11Miyɛmfro, onaabu tsereɔ wo shwieɔ shi;
wo kɛ fufɔ yɛ olilɛi shishi.
Ohebo mli ŋma tamɔ
Lebanon ŋma.
12Minyɛmi yoo, miyɛmfro lɛ,
etamɔ trom ni aŋmɛ naa;
etamɔ abɔɔ ni aŋmɛ naa;
etamɔ nuhiŋmɛi ni tueɔ ni asɔo naa.
13Otsei fɔbii lɛ tamɔ trom
ni maŋo tsei yɔɔ mli,
ni amɛwoɔ yibii srɔtoi
ni yɔɔ fɛo naakpa tamɔ kofer fɔfɔi kɛ nardo fiaa.
14Trom ni nardo kɛ safron kɛ
kalamo kɛ sinamon
kɛ krɔbɔo tsei fɛɛ kɛ
mire kɛ aloe kɛ tsofaikɛŋmai
titrii lɛ fɛɛ kwɛ̃ɔ yɛ omli.
15Bo oji abɔɔ ni
nuhiŋmɛi kɛ wala nubu yɔɔ omli,
fai ni hoɔ kɛjɛɔ Lebanon ji bo.
Yoo lɛ
16Bo, kooyigbɛ kɔɔyɔɔ, ohiɛ atsɛ̃,
ni bo wuoyigbɛ kɔɔyɔɔ, ba
ni obatswa yɛ mitrom lɛ mli,
koni anu emli ŋma
gbalaŋŋ lɛ yɛ hei fɛɛ.
Hã misuɔlɔ lɛ aba ebɔɔ lɛ mli
ni ebaye etsei ayibii
ni hi fe fɛɛ lɛ.
Currently Selected:
Lalai amli Lala 4: NEGAB
Highlight
Copy
Compare
Share
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
