Lalai amli Lala 3
3
1Be ni mikã misaa nɔ nyɔɔŋ lɛ,
mitao mɔ ni mitsui sumɔɔ lɛ;
mitao lɛ, shi minaaa lɛ.
Mitsɛ lɛ, shi ehereee mi nɔ.
2Agbɛnɛ mate shi
mayakpa maŋ lɛ mli
gbɛjegbɛi kɛ blohuiaŋ.
Mayatao mɔ ni mitsui sumɔɔ lɛ lɛ.
Mitao lɛ, shi minaaa lɛ.
3Bulɔi ni buɔ yɛ maŋ lɛ mli lɛ,
na mi.
Mibi amɛ akɛ, “Ani nyɛna
mɔ ni mitsui sumɔɔ lɛ lo?”
4Miho amɛhe fioo pɛ,
kɛkɛ ni mina mɔ ni mitsui sumɔɔ lɛ.
Mimɔ emli; ni miŋmɛɛɛ ehe kwraa
kɛyashi mikɛ lɛ ba minyɛwe lɛ,
kɛtee minyɛ, mɔ ni fɔ mi lɛ sɛɛtsuŋ.
5Nyɛ Yerusalɛm biyei,
mina soŋai kɛ ŋa nɔ ofrote
akɛ nyɛkagbaa wɔsuɔmɔ lɛ naa,
ni nyɛkatsĩɛa ehiɛ kɛjɛ ewɔ mli
kɛyaashi be ni lɛ diɛŋtsɛ etsui aaatɔ.
Lala ni ji etɛ̃
Yoo lɛ
6Mɛni ji nɔ ni jɛ ŋa lɛ nɔ baa
tamɔ lasu kusuu ni teɔ shi nɛɛ?
Namɔ nɛ ni mire kɛ krɔbɔo kɛ
jarayelɔi atsofãi srɔtoi fɛɛ jeɔ ŋma
yɛ ehe nɛɛ?
7Naa, Solomon ji mɔ ni
atere yɛ akpãkãi lɛ mli lɛ.
Asraafoi kakabãŋi nyɔŋmai ekpaa
ni jɛ Israel kãkãalɔi
ateŋ lɛ ebɔle ehe.
8Amɛ fɛɛ kwa amɛmia kɛ tawuu klantei,
ni amɛhe esa kɛ tawuu.
Mɔ fɛɛ mɔ klante ŋmɔ ehɛ,
yɛ nyɔɔŋ tuamɔ hewɔ.
9Maŋtsɛ Solomon kɛ Lebanon tsei
fee akpakãi hã ehe.
10Ehe tsei lɛ
akɛ jwiɛtɛi fee.
Emli kpasamɔnɔ lɛ akɛ
shika fee.
Emli sɛi lɛ akɛ mama
afaseo ha he.
Yerusalɛm biyei lɛ kɛ
suɔmɔ wula emligbɛ lɛ.
11Nyɛ Zion biyei, nyɛjea kpo
nyɛbakwɛa Maŋtsɛ Solomon,
kɛ akekre ni enyɛ kɛfi lɛ
yɛ eyookpeemɔ gbi
kɛ emliflimɔ gbi lɛ nɔ lɛ.
Currently Selected:
Lalai amli Lala 3: NEGAB
Highlight
Copy
Compare
Share
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
