Abɛi 3
3
Ŋaawoo kɛhã oblahii kɛ oblayei
1Mibi, ohiɛ akakpa mimlai lɛ anɔ, shi moŋ okɛ mikitãi lɛ ato otsui mli, 2#Abɛi 4.10; Lev 18.5 ejaakɛ mitsɔ̃ɔmɔi lɛ baahã owala sɛɛ atsɛ afii babaoo, ni obaashwere yɛ wala mli. 3#Abɛi 6.21; 7.3; Deut 6.8; Yer 31.33 Kaahã mlihilɛ kɛ anɔkwayeli miishi bo; ŋɔɔ ofi okuɛ, ŋmãa yɛ otsuiŋ tao lɛ nɔ; 4#Luk 2.52no dani ooona nyam kɛ bulɛ kpakpa yɛ Nyɔŋmɔ kɛ gbɔmɛi ahiɛ.
5Okɛ ohiɛ afɔ̃ Yehowa nɔ kɛ otsui fɛɛ, ni okɛ ohe akakpasa bo diɛŋtsɛ ojwɛŋmɔ; 6kaimɔ lɛ yɛ ogbɛi fɛɛ amli, ni lɛ eeetsɔ̃ɔ bo gbɛ ni ja ni onyiɛ nɔ. 7#Yes 5.21; Rom 12.16 Kaabu ohe nilelɔ; she Yehowa gbeyei, ni owi ohe kɛje efɔŋ he. 8Enɛ aaafee tsamɔ ahã bo, ni eeewo owui amli hewalɛ. 9Okɛ onii ni oyɔɔ kɛ onibaanii fɛɛ mli klɛŋklɛŋ nɔ awo Yehowa hiɛ nyam; 10no dani aaahã oboŋoi lɛ ayimɔ obɔ̃bɔ̃ kɛ ŋmãa, ni owain gbɛi lɛ hu aaayimɔ obɔ̃bɔ̃ kɛ wain.
11 #
Hiob 5.17-19; Heb 12.5-6 Mibi, kaagbe Yehowa tsɔsemɔ lɛ he guɔ, ni kaahã ekãmɔ hu miije otsine. 12#Kpoj 3.19 Bɔ ni tsɛ kãa ebi ni eyɔɔ ehe tsuijurɔ lɛ, nakai pɛ Yehowa kãa ebi ni esumɔɔ lɛ hu. 13#Mat 13.44 Ajɔɔ gbɔmɔ ni leɔ nii, ni enaa niiashishinumɔ hu lɛ, 14#Abɛi 8.10, 19 ejaakɛ sɛɛnamɔ ni yɔɔ no mli lɛ, ehi fe sɛɛnamɔ ni yɔɔ jwiɛtɛi kɛ shika mli. 15#Mat 13.45, 46Nilee kɛ niiashishinumɔ jara wa aahu fe tɛ̃ŋlɛ̃o; ni nɔ ko nɔ ko bɛ ni aaanyɛ akɛto nilee he. 16Wala sɛɛtsɛlɛ yɛ eninejurɔ kɔkɔŋ, ni ninamɔ kɛ anunyam yɛ ebɛku kɔkɔŋ. 17Miishɛɛ yɛ etɛmpɔŋi anɔ, ni toiŋjɔlɛ yɛ egbɛi anɔ. 18Nilee lɛ wala tso ni hã mɛi ni kɛ amɛhe kpɛtɛɔ lɛ, ni mɛi ni hiɛ emli kpɛŋŋ lɛ, ajɔɔ amɛ. 19#Abɛi 8.24-30 Yehowa kɛ nilee to shikpɔŋ lɛ shishi, ni jwɛŋmɔ ni mli kwɔ ekɛhã ŋwɛi ma shi shiŋŋ. 20Enilee naa hãa fai tueɔ, ni ehãa atatui lɛ nyɔɔ bɔ shwieɔ shi.
21Mibi, kɛ nilee kɛ sanesɛɛkɔmɔ ato; kaahã ohiɛ miije nɔ kwraa, 22ni eeehã ona wala kɛ hewulamɔnii. 23No dani ooonyiɛ ogbɛ lɛ nɔ shweshweeshwe, ni otɛŋ onane. 24#Lal 3.6; Abɛi 4.9Kɛ oho okã shi lɛ, osheŋ gbeyei; shi moŋ oookã shi, ni owɔ lɛ aaaŋɔɔ. 25Kaashe kpatu nɔ ko ni baahã otsui afã, aloo bɔ ni ahum fɔŋ tswaa mɛi fɔ̃ji lɛ gbeyei, 26#Abɛi 10.29 ejaakɛ Yehowa ji ohiɛnɔkãmɔ, ni lɛ eeebu ohe, ni ooofee shweshweeshwe.
27Mɛi ni esa amɛ ejurɔfeemɔ lɛ, kaakãmã amɛ, kɛji eyɛ ohewalɛ mli akɛ ooonyɛ ofee lɛ. 28Kɛji nɔ ko yɛ odɛ̃ŋ ni ooonyɛ okɛfee onaanyo lɛ ejurɔ lɛ, kaafee lɛ “Yaa ni oba, yaa ni oba”. 29Kaato onaanyo ko he ŋaa fɔŋ, be mli ni lɛ lɛ ehiɛ kã onɔ akɛ eyɛ shweshweeshwe yɛ omasɛi. 30Okɛ mɔ ko akabe yakatswaa, kɛji efeko bo efɔŋ ko. 31Ohiɛ akakɔ̃ yiwalɔ ko nɔ, ni egbɛi fɔ̃ji lɛ hu kaakɔ amɛmli ekoeko; 32#Lal 25.14 ejaakɛ Yehowa miihi nɔfɔŋfeelɔ, shi jalɔi lɛ eheɔ amɛ eyeɔ. 33Yehowa loomɔ kã mɛi fɔ̃ji awe nɔ; shi jalɔi awe lɛ, ejɔɔ nɔ. 34#Yak 4.6; 1 Pet 5.5 Yehowa yeɔ hefɛoyelɔi ahe fɛo, shi mɛi ni baa amɛhe shi lɛ enaa amɛ mɔbɔ. 35Nilelɔi ahiɛ baa nyam, shi kwashiai naa hiɛshishwiemɔ.
Bible in Ga Language © Bible Society of Ghana, 2020.