Abɛi 2
2
Nilee he nyɔmɔwoo
1Mibi, mɔ miwiemɔi lɛ amli, ni okɛ mikitãi lɛ ato. 2Ba otoi shi ohã nilee, ni oto otsui shi ohã sanesɛɛkɔmɔ. 3#Yak 1.5 Mibi, fo otsɛ́ niiasɛɛyoomɔ, ni odi niiashishinumɔ sɛɛ. 4Taomɔ nilee sɛɛgbɛ tamɔ ataoɔ jwiɛtɛi aloo jwetri ko ni akɛtee. 5No dani ooonu Yehowa gbeyeishemɔ shishi, ni ooona Nyɔŋmɔ he nilee; 6ejaakɛ Yehowa hãa aleɔ nii; edaaŋ nilee kɛ niiashishinumɔ jɛɔ. 7#Jaj 7.29Ehãa jalɔi leɔ nii jogbaŋŋ ni eji tsɛŋ hã mɛi ni yɔɔ jeŋba kpakpa lɛ. 8Ebuɔ jalɔi ajalɛ saneyeli he, ni ebaa emɛi krɔŋkrɔŋi lɛ agbɛi ayi.
9No dani obaanu jalɛ kɛ jalɛ saneyeli kɛ anɔkwayeli kɛ nɔ ni ji jeŋba kpakpa shishi. 10Ni obaana jwɛŋmɔ, ni nilee baahã osusuma mii ashɛ ehe. 11Jwɛŋmɔ aaabaa oyi, ni niiashishinumɔ aaabu ohe. 12Eeejie bo kɛjɛ jeŋba fɔŋ gbɛ nɔ, kɛaajɛ mɛi ni wieɔ yaka wiemɔ adɛŋ, 13kɛ mɛi ni ekwa jalɛ gbɛi ni amɛyanyiɛɔ dujiaŋ gbɛi anɔ lɛ. 14Eeejie bo kɛjɛ mɛi ni nyaa efɔŋfeemɔ he, ni amɛmli filiɔ amɛ yɛ nɔ fɔŋ feemɔ he lɛ adɛŋ. 15Eeejie bo kɛjɛ mɛi ni amɛgbɛi ekɔ̃dɔ̃ ni amɛbaaa amɛjeŋ jogbaŋŋ lɛ adɛŋ.
16 #
Abɛi 6.24; 7.5; 5.3 Nilee baajie bo kɛjɛ yoo ni bɛ jeŋba dɛŋ; nilee baajie bo kɛjɛ maŋsɛɛ yoo kɛ enaa dɔkɔbii lɛ dɛŋ. 17Eeejie bo kɛjɛ yoo ni ekwa eblayeiaŋ wu, ni ehiɛ ekpa kpãŋmɔ ni ekɛ lɛ kpãŋ yɛ Nyɔŋmɔ hiɛ lɛ nɔ lɛ dɛŋ. 18#Abɛi 5.5, 6Nɛkɛ yoo lɛ, ewe lɛ gbele gbɛ ni; egbɛi fɛɛ anaa kã kɛmiiya gbohiiaje. 19Mɔ ko mɔ ko eyaaa eŋɔɔ, ni eku esɛɛ eba pɛŋ, walagbɛ bɔɔ mɔ lɛ. 20No hewɔ lɛ, kasemɔ mɛi kpakpai ajeŋba koni ojeŋba atamɔ jalɔi anɔ. 21#Lal 37.9, 20; Mat 5.5 Ejaakɛ mɛi ni ja lɛ, amɛaahi shikpɔŋ lɛ nɔ, ni mɛi ni hi kɛwula shi lɛ ji mɛi ni aaashwere yɛ shikpɔŋ lɛ nɔ. 22#Lal 37.10, 22 Shi yiwalɔi lɛ aaafolɔ amɛ kɛaajɛ shikpɔŋ lɛ nɔ ashwie, ni kutumpɔfoi lɛ aaafamɔ amɛ kɛ amɛshishifãi kɛje shikpɔŋ lɛ nɔ.
Bible in Ga Language © Bible Society of Ghana, 2020.