Numeri 26
26
Maŋbii akanemɔ nɔ ni ji shii enyɔ nɔ
1 #
Num 1.1-46
Gbele hela lɛ sɛɛ lɛ Yehowa kɛɛ Mose kɛ Osɔfo Aaron binuu Eleazar akɛ, 2“Nyɛkanea Israelbii asafo muu lɛ mli hii fɛɛ ni eye kɛjɛ afii nyɔŋmai enyɔ kɛyaa ayikulɛ yɛ amɛtsɛmɛi awei lɛ anaa, no ji mɔ fɛɛ mɔ ni eshɛ tayaa yɛ Israel lɛ.” 3Mose kɛ Osɔfo Eleazar kɛɛ Israelbii lɛ yɛ Moab ŋa kplenee lɛ nɔ yɛ Yordan Faa lɛ naa yɛ Yeriko akɛ, 4“Nyɛkanea maŋbii lɛ ateŋ hii fɛɛ ni eye kɛjɛ afii nyɔŋmai enyɔ kɛyaa”, bɔ ni Yehowa fã Mose akɛ efee lɛ. Israelbii lɛ ni shi Ijipt shikpɔŋ lɛ nɔ lɛ ayikulɛ baa nɛ:
5 #
Jɛn 46.6-27
Ruben ni ji Yakob kromɔbi lɛ shwiei lɛ akutso lɛ mli shĩai ji Hanokwe kɛ Paluwe, 6kɛ Hezronwe kɛ Karmiwe. 7Mɛnɛɛmɛi ji Rubenbii awekui lɛ, ni amɛteŋ hii ni akane lɛ anaa shɛ akpei nyɔŋmai ejwɛ kɛ etɛ̃ kɛ ohai kpawo kɛ nyɔŋmai etɛ̃. 8Palu bi ji Eliab, 9ni Eliab bihii ji Nemuel kɛ Datan kɛ Abiram. Datan kɛ Abiram nɛɛ ji hii komɛi ni maŋbii lɛ hala kɛjɛ asafo lɛ mli, ni amɛtse Mose kɛ Aaron hiɛ atua, ni asaŋ amɛyafata Kora sɛɛbii lɛ ahe kɛte shi amɛshi Yehowa lɛ. 10Shikpɔŋ gba ni emĩ amɛ kɛ Kora fɛɛ kɛ esɛɛbii lɛ hu, be ni la lɛ je ni eshã hii ohai enyɔ kɛ nyɔŋmai enumɔ koni akɛto okadi lɛ. 11Shi moŋ Kora diɛŋtsɛ musuŋbihii lɛ gboiii.
12Simeon akutso lɛ mli shĩai lɛ ji Nemuelwe kɛ Yaminwe kɛ Yakinwe, 13kɛ Zerawe kɛ Shaulwe, 14Mɛnɛɛmɛi ji Simeonbii awekui lɛ; ni amɛyikulɛ fee akpei nyɔŋmai enyɔ kɛ enyɔ kɛ ohai enyɔ.
15Gad shwiei lɛ akutso lɛ mli shĩai lɛ ji Zefonwe kɛ Hagiwe kɛ Shuniwe, 16kɛ Ozniwe kɛ Eriwe, 17kɛ Arodwe kɛ Areliwe. 18Mɛnɛɛmɛi ji Gadbii awekui lɛ, ni amɛyibɔ fee hii akpei nyɔŋmai ejwɛ kɛ ohai enumɔ.
19Yuda bihii ji Er kɛ Onan; shi Er kɛ Onan gboi yɛ Kanaan shikpɔŋ lɛ nɔ. 20Yuda shwiei lɛ akutso lɛ mli shĩai lɛ ji Shelawe kɛ Perezwe. 21#Rut 4.18 Perezwe hiɛ Hezronwe kɛ Hamulwe. 22Mɛnɛɛmɛi ji Yudabii awekui lɛ, ni amɛmli hii ni akane lɛ ayikulɛ fee akpei nyɔŋmai kpawo kɛ ekpaa kɛ ohai enumɔ.
23Isakar shwiei lɛ akutso lɛ mli shĩai lɛ ji Tolawe kɛ Puvawe, 24kɛ Yashubwe kɛ Shimronwe. 25Mɛnɛɛmɛi ji Isakarbii lɛ awekui lɛ, ni amɛmli bii ni akane lɛ ayikulɛ fee akpei nyɔŋmai ekpaa kɛ ejwɛ kɛ ohai etɛ̃.
26Zebulon shwiei lɛ akutso lɛ mli shĩai lɛ ji Seredwe kɛ Elonwe kɛ Yahleelwe. 27Mɛnɛɛmɛi ji Zebulonbii lɛ awekui lɛ, ni amɛmli hii ni akane lɛ ayikulɛ fee akpei nyɔŋmai ekpaa kɛ ohai enumɔ.
28Yosef shwiei lɛ akutsei ji Manase kɛ Efraim ni ji ebihii enyɔ lɛ.
29 #
Yos 17.1-8
Manase shwiei lɛ nɛ: Manase fɔ Makir, ni Makir hu fɔ Gilead. Shĩai ni jɛ Gilead mli lɛ ji 30Yezerwe kɛ Helekwe, 31kɛ Asrielwe kɛ Shekemwe, 32kɛ Shemidawe kɛ Heferwe. 33Hefer bi ji Zelofehad, shi Zelofehad fɔɔɔ bihii fe yei sɔŋŋ kɛkɛ efɔ; ni Zelofehad biyei lɛ agbɛii ji Mahala kɛ Noa, kɛ Hogla kɛ Milka kɛ Tirza. 34Mɛnɛɛmɛi ji Manasebii lɛ awekui lɛ, ni amɛmli hii ni akane lɛ ayikulɛ fee akpei nyɔŋmai enumɔ kɛ enyɔ kɛ ohai kpawo.
35Efraim shwiei lɛ akutso lɛ mli shĩai lɛ ji Shutelawe kɛ Bekerwe kɛ Tahanwe, 36kɛ Eranwe ni jɛ Shutelawe lɛ mli lɛ. 37Mɛnɛɛmɛi ji Efraimbii lɛ awekui lɛ, ni amɛmli hii ni akane lɛ ayikulɛ fee akpei nyɔŋmai etɛ̃ kɛ enyɔ kɛ ohai enumɔ.
Yosef shwiei lɛ ashĩai ji shĩai nɛɛ fɛɛ.
38Benyamin shwiei lɛ akutso lɛ mli shĩai lɛ ji Belawe kɛ Ashbelwe kɛ Ahiramwe, 39kɛ Shefufamwe kɛ Hufamwe, 40kɛ Ardwe kɛ Naamanwe ni amɛjɛ Belawe mli lɛ. 41Mɛnɛɛmɛi ji Benyaminbii awekui lɛ, ni amɛmli hii ni akane ayikulɛ fee akpei nyɔŋmai ejwɛ kɛ enumɔ kɛ ohai ekpaa.
42Dan shwiei lɛ akutso lɛ mli shĩa lɛ ji Shuhamwe, 43ni emli hii ni akane lɛ ayikulɛ fee akpei nyɔŋmai ekpaa kɛ ejwɛ kɛ ohai ejwɛ.
44Asher shwiei lɛ akutso lɛ mli shĩai lɛ ji Imnawe kɛ Ishwiwe kɛ Beriawe. 45Beriawe kɔkrɔɔ hiɛ Heberwe kɛ Malkielwe. 46Asher fɔ biyoo ni egbɛi ji Sera. 47Mɛnɛɛmɛi ji Asherbii awekui lɛ, ni amɛmli hii ni akane lɛ ayikulɛ fee akpei nyɔŋmai enumɔ kɛ etɛ̃ kɛ ohai ejwɛ.
48Naftali shwiei lɛ akutso lɛ mli shĩai lɛ ji Yahzeelwe kɛ Guniwe, 49kɛ Yerwe kɛ Shilemwe. 50Mɛnɛɛmɛi ji Naftalibii awekui lɛ, ni amɛmli hii ni akane lɛ ayikulɛ fee akpei nyɔŋmai ejwɛ kɛ enumɔ kɛ ohai ejwɛ.
51No hewɔ lɛ, Israelbii lɛ ateŋ hii ni akane fɛɛ ayikulɛ fee akpei ohai ekpaa kɛ ekome kɛ ohai kpawo kɛ nyɔŋmai etɛ̃.
52Yehowa kɛɛ Mose akɛ, 53“Jaa shikpɔŋ lɛ ohã akutsei lɛ yɛ amɛmli gbɔmɛi lɛ ayikulɛ naa.” 54Mɛi ni yi fa lɛ, ohã amɛ shikpɔŋ agbo; ni mɛi ni yi faaa lɛ ana shikpɔŋ bibioo. Akutso fɛɛ akutso ana shikpɔŋ yɛ emlibii lɛ ayikulɛ naa. 55#Num 34.13; Yos 14.1-2 Shi moŋ afɔ̃ oshiki ni akɛja shikpɔŋ lɛ yɛ akutsei lɛ ashikwɛ̃ɛ tsɛmɛi lɛ agbɛii anaa, shĩa fɛɛ shĩa baana egbɛfaŋnɔ. 56Mɛi ni yi fa kɛ mɛi ni yi faaa fɛɛ lɛ, afɔ oshiki koni akɛja amɛgbɛfaŋnii lɛ ahã amɛ.
57 #
Ɛks 6.16-25
Yɛ Levi shwiei agbɛfaŋ lɛ, amɛshĩai wuji ni akane lɛ amɛmli bii ji Gershonwe kɛ Kohatwe kɛ Merariwe. 58Shĩai bibii ni jɛ ewuji nɛɛ amli lɛ ji Libniwe kɛ Hebronwe kɛ Maheliwe kɛ Mushiwe kɛ Korawe. Kohat fɔ Amram, 59mɔ ni kɛ Levi biyoo Yokebed, mɔ ni efɔ yɛ Ijipt lɛ, hi shi akɛ eŋa lɛ. Amran kɛ Yokebed fɔ Aaron kɛ Mose kɛ amɛnyɛmi yoo Miriam. 60Ni Aaron fɔ Nadab kɛ Abihu kɛ Eleazar kɛ Itamar. 61#Lev 10.1-2; Num 3.4 Shi Nadab kɛ Abihu gboi be ni amɛkɛ la ni bɛ krɔŋkrɔŋ yashã afɔle yɛ Yehowa hiɛ lɛ. 62Levibii lɛ ateŋ hii fɛɛ ni akane, ni ji mɛi ni eye kɛjɛ nyɔŋ kome kɛyaa lɛ ayikulɛ fee akpei nyɔŋmai enyɔ kɛ etɛ̃. Akaneee Levibii ayikulɛ nɛɛ ashiii Israelbii krokomɛi lɛ anɔ, ejaakɛ amɛ Levibii lɛ ahãaa amɛ shikpɔŋ lɛ eko.
63No hewɔ lɛ, gbɔmɛi nɛɛ ayikulɛ nɛɛ ji nɔ ni Mose kɛ Osɔfo Eleazar na be ni amɛkane Israelbii lɛ yɛ Moab ŋa kplenee lɛ nɔ yɛ Yordan Faa lɛ naa yɛ Yeriko ŋlɛnɔ lɛ. 64Mɛi abɔ ni Mose kɛ Aaron kane be ni amɛkane Israelbii lɛ ayikulɛ yɛ Sinai Shiaŋa lɛ nɔ lɛ, ateŋ mɔ kome folo nɛkɛ bɛ mɛi ni akane ehee nɛɛ ateŋ. 65#Num 14.26-35 Ejaakɛ Yehowa kɛɛ yɛ amɛhe akɛ gboimɔ amɛaagboi yɛ shiaŋa lɛ nɔ. Mɛi ni shwɛ ji Kaleb, Yefune bi lɛ, kɛ Yoshua, Nun bi lɛ, kɛkɛ.
Bible in Ga Language © Bible Society of Ghana, 2020.