Mateo 10
10
Yesu tsu kaselɔi nyɔŋma kɛ enyɔ lɛ
(Marko 3.13-19; Luka 6.12-16)
1Ni Yesu tsɛ ekaselɔi nyɔŋma kɛ enyɔ lɛ kɛba, ni ehã amɛ mumɔi fɔ̃ji lɛ anɔ hewalɛ ni amɛfamɔ amɛ ni amɛtsa hela fɛɛ hela kɛ hejaramɔ fɛɛ hejaramɔ. 2Shi bɔfoi nyɔŋma kɛ enyɔ lɛ agbɛii nɛ: Klɛŋklɛŋ mɔ ji Simon ni atsɛɔ lɛ Petro hu lɛ, kɛ enyɛmi Andrea; Yakobo, Zebedeo bi lɛ, kɛ enyɛmi Yohane; 3Filipo kɛ Bartolomeo, Toma kɛ Mateo, tóohelɔ lɛ, Yakobo, Alfeo bi lɛ, kɛ Tadeo; 4Simon, maŋhedɔlɔ lɛ, kɛ Yuda Iskariot, mɔ ni tsɔ̃ɔ esɛɛgbɛ lɛ.
5Nɛkɛ mɛi nyɔŋma kɛ enyɔ nɛɛ Yesu tsu, ni efã amɛ akɛ, “Nyɛkagbalea jeŋmajiaŋbii lɛ aŋɔɔ, ni nyɛkabotea Samariabii amaŋ ko mli hu; 6#Mat 15.24; Bɔf 13.44 shi moŋ nyɛyaa Israel we toi ni elaaje lɛ aŋɔɔ. 7#Mat 4.17; Luk 10.9 Shi ni nyɛyaa nɛɛ, nyɛshiɛa nyɛkɛa akɛ, ‘Ŋwɛi maŋtsɛyeli lɛ eshɛ shi etã.’ 8#Bɔf 10.32 Nyɛtsaa helatsɛmɛi, nyɛtea gbohii ashi, nyɛhãa kpitiyelɔi ahe atsea, nyɛfamɔa mumɔi fɔ̃ji; yaka nyɛna, yaka nyɛkɛhãa. 9Nyɛkataoa shika loo jwiɛtɛi loo akɔɔble nyɛwoa nyɛhɛfiinii amli; 10#Luk 10.4; 1 Tim 5.18; Num 18.31; 1 Kor 9.14 asaŋ nyɛkataoa gbɛfãa kotoku, loo flakai enyɔ, loo tokotai loo tso; shi nitsulɔ lɛ eŋmaa sa lɛ.
11“Shi maŋ fɛɛ maŋ loo akrowa fɛɛ akrowa mli ni nyɛaabote lɛ, nyɛbia mɔ ni sa shi yɛ jɛi, ni nyɛto jɛi kɛyashi beyinɔ ni nyɛaatee. 12#Luk 10.5, 6 Shi kɛ nyɛmiibote shĩa lɛ, nyɛŋaa shĩa lɛ. 13Ni kɛji shĩa lɛ sa lɛ, nyɛhãa nyɛhejɔlɛ lɛ abaa enɔ; shi kɛji esaaa lɛ, no lɛ nyɛhejɔlɛ lɛ akpale aba nyɛŋɔɔ ekoŋŋ. 14#Luk 10.10-12; Bɔf 13.51; 18.6 Ni kɛji mɔ ko hereee nyɛ, ni ebooo nyɛwiemɔi lɛ atoi lɛ, kɛ nyɛmiije nakai shĩa lɛ loo nakai maŋ lɛ mli lɛ, nyɛkpokpoa nyɛnajiashi mlu lɛ. 15#Mat 11.24; Luk 20.47; Jɛn 19.24-28 Miikɛɛ nyɛ anɔkwale mli akɛ, ejaraŋ haŋ Sodom kɛ Gomora shikpɔŋ lɛ yɛ kojomɔ gbi lɛ nɔ, tamɔ nakai maŋ lɛ.”
Kaselɔi lɛ ayiwaa
(Marko 13.9-13; Luka 21.12-17)
16 #
Luk 10.3; Rom 16.19; Efes 5.15 “Naa miitsu nyɛ tamɔ too Gwantɛŋi yɛ klãji ateŋ; no hewɔ lɛ, nyɛhiɛ atɛ̃a tamɔ onufui, ni nyɛfea kpoo tamɔ okpoi.
17 #
Mat 24.9
“Shi nyɛhĩɛ ahia nyɛhe nɔ yɛ gbɔmɛi ahewɔ; ejaakɛ amɛaaŋɔ nyɛ kɛaatee kojomɔhei, ni amɛaayi nyɛ yɛ amɛkpeehei lɛ. 18#Mat 24.14; Bɔf 25.23; 27.24 Ni amɛkɛ nyɛ aaatee maŋtsɛmɛi kɛ lumɛi ahiɛ yɛ mihewɔ, koni no afee odase ahã amɛ kɛ jeŋmaji lɛ. 19#Luk 12.11, 12 Shi kɛji amɛŋɔ nyɛ kɛtee lɛ nyɛkahaoa nyɛhe yɛ bɔ ni nyɛaawie aloo nɔ ni nyɛakɛɛ hewɔ; shi akɛ nɔ ni nyɛawie aahã nyɛ yɛ nakai ŋmɛlɛtswaa lɛ nɔ nɔŋŋ. 20#1 Kor 2.4 Ejaakɛ jeee nyɛ ji mɛi ni wieɔ lɛ, shi moŋ nyɛTsɛ lɛ Mumɔ lɛ ji mɔ ni wieɔ yɛ nyɛmli lɛ.
21 #
Mat 10.35; Mar 13.12; Luk 21.16 “Shi nyɛmi kɛ nyɛmi aaahã gbele, ni tsɛ kɛ bi aaahã, ni bii aaate shi awo amɛfɔlɔi, ni amɛaahã agbe amɛ. 22#Mat 24.9, 13; Mar 13.13; Luk 21.17 Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala. 23#Mat 16.28 Shi kɛ amɛmiiwa nyɛ yi yɛ maŋ ko mli lɛ, nyɛjoa foi nyɛyaa ekroko mli; shi miikɛɛ nyɛ anɔkwale mli akɛ nyɛgbeŋ Israel maji lɛ fɛɛ naa dani Gbɔmɔ Bi lɛ aaaba. 24#Luk 6.40; Yoh 13.16; 15.20 Kaselɔ efeee etsɔ̃ɔlɔ, ni asaŋ nyɔŋ efeee enuŋtsɔ. 25#Mat 12.24; 9.34; Mar 3.22; Luk 11.15 Efa hã kaselɔ akɛ eeetamɔ enuŋtsɔ. Kɛji shĩatsɛ lɛ amɛtsɛ Beelzebul lɛ, ewebii lɛ shii enyiɛ amɛtsɛŋ amɛ nakai?”
Mɔ gbeyei ni sa akɛ ashe
(Luka 12.2-7)
26 #
Mar 4.22; Luk 8.17 “Hewɔ lɛ nyɛkashea amɛ gbeyei; ejaakɛ nɔ ko nɔ ko bɛ ni abu nɔ, ni agbeleŋ nɔ; ni nɔ ko nɔ ko bɛ ni atee nɔ ni aleŋ. 27Nɔ ni mikɛɔ nyɛ yɛ duŋ mli lɛ, nyɛwiea yɛ la hiɛ; ni nɔ ni miwoɔ nyɛtoiŋ mikɛɔ nyɛ lɛ, nyɛshiɛa yɛ tsui ayiteiaŋ. 28#Yak 4.12 Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei. 29Ani aflimatai enyɔ lɛ jeee pesewa ahɔ̃ɔ aheɔ? Shi amɛteŋ ekome flo enyɔŋ shikpɔŋ, ja ejɛ nyɛTsɛ lɛ dɛŋ. 30Shi nyɛyiteŋtsɔ̃i po lɛ akane fɛɛ. 31No hewɔ lɛ, nyɛkashea gbeyei; nyɛjara wa aahu fe aflimatai babaoo.”
Kristo he odaseyeli yɛ gbɔmɛi ahiɛ
(Luka 12.8-9)
32“Hewɔ lɛ mɔ fɛɛ mɔ ni gbaa mli tsiɔ mitã yɛ gbɔmɛi ahiɛ lɛ, mi hu magba mli matsi etã yɛ miTsɛ ni yɔɔ ŋwɛi lɛ hiɛ. 33#Luk 9.26; 2 Tim 2.12 Shi mɔ fɛɛ mɔ ni kwaa mi yɛ gbɔmɛi ahiɛ lɛ, mi hu makwa lɛ yɛ miTsɛ ni yɔɔ ŋwɛi lɛ hiɛ.”
Jeee hejɔlɛ, shi klante
(Luka 12.51-53)
34“Nyɛkasusua akɛ miba ni mabahã hejɔlɛ aba shikpɔŋ lɛ nɔ; jeee hejɔlɛ hamɔ miba shi klante moŋ. 35Ejaakɛ miba ni mabahã mɔ ate shi ashi etsɛ, biyoo ate shi ashi enyɛ, shaayoo ate shi ashi eshaayoo. 36#Mika 7.6 Ni mɔ diɛŋtsɛ shĩateŋbii aaatsɔ̃mɔ ehenyɛlɔi. 37#Deut 33.9; Luk 14.26, 27 Mɔ ni dɔɔ tsɛ loo nyɛ he fe mi lɛ, esaaa mi; ni mɔ ni dɔɔ binuu loo biyoo he fe mi lɛ, esaaa mi. 38#Mat 16.24, 25; Mar 8.34; Luk 9.23 Ni mɔ ni wooo esɛŋmɔtso kɛnyiɛɛɛ misɛɛ lɛ, esaaa mi. 39#Luk 17.33; Yoh 12.25; Mat 16.25; Mar 8.35; Luk 9.24 Mɔ ni baa esusuma yi lɛ, eeelaaje lɛ; shi mɔ ni laajeɔ esusuma yɛ mihewɔ lɛ, enine aaashɛ nɔ.”
Mɛi ni hereɔ Yesu kaselɔi anyɔmɔwo
(Marko 9.41)
40 #
Mat 18.5; Luk 10.16; Yoh 13.20 “Mɔ ni hereɔ nyɛ lɛ, ehereɔ mi; ni mɔ ni hereɔ mi lɛ, ehereɔ mɔ ni tsu mi lɛ. 41Mɔ ni hereɔ gbalɔ yɛ gbalɔ gbɛi mli lɛ, gbalɔ nyɔmɔwoo eeena; ni mɔ ni hereɔ jalɔ yɛ jalɔ gbɛi mli lɛ, jalɔ nyɔmɔwoo eeena. 42#Mat 25.40; Mar 9.41 Ni mɔ fɛɛ mɔ ni aaahã mɛi bibii nɛɛ ateŋ mɔ kome nuhɔ̃ɔ kpulu kome pɛ enu yɛ kaselɔ gbɛi mli lɛ, miikɛɛ nyɛ anɔkwale mli akɛ enyɔmɔwoo eŋmɛŋ lɛ kɔkɔɔkɔ.”
Bible in Ga Language © Bible Society of Ghana, 2020.