Mateo 11
11
Yohane Baptisilɔ lɛ tsu kɛba Yesu ŋɔɔ
(Luka 7.18-23)
1Be ni Yesu etsɔ̃ɔ ekaselɔi nyɔŋma kɛ enyɔ lɛ nibii nɛɛ egbe naa lɛ, eje jɛi eyatsɔ̃ɔ nii ni eshiɛ yɛ amɛmaji lɛ amli.
2 #
Mat 14.3
Shi be ni Yohane nu Kristo nitsumɔi lɛ ahe yɛ gboklɛfoiatsu lɛ mli lɛ, etsu ekaselɔi lɛ ni amɛbabi lɛ akɛ, 3#Mal 3.1 “Ani bo ji mɔ ni baa lɛ, aloo wɔkwɛ mɔ kroko gbɛ?” 4Ni Yesu here nɔ ekɛɛ amɛ akɛ, “Nyɛyaa ni nyɛyagbaa Yohane nɔ ni nyɛnuɔ kɛ nɔ ni nyɛnaa nɛɛ: 5#Yes 35.5, 6; 61.1 shwilafoi miina nii, ni obubuafoi miinyiɛ; kpitiyelɔi ahe miitse, ni toimulɔi miinu nii, gbohii miite shi, ni ohiafoi lɛ aajaje sane kpakpa lɛ aatsɔ̃ɔ amɛ. 6#Mat 13.57; 26.31 Ni ajɔɔ mɔ fɛɛ mɔ ni mihe sane etɔtɔŋ enane.”
Yesu ye Yohane he odase
(Luka 7.24-35)
7 #
Mat 3.1, 5 Shi be ni mɛi ni atsu nɛɛ ku amɛsɛɛ kɛyaa lɛ, Yesu bɔ̃i Yohane he wiemɔ kɛ mɛi babaoo lɛ tsɔ̃ɔmɔ akɛ, “Mɛni kwɛmɔ nyɛtee yɛ ŋa lɛ nɔ lɛ? Glã ni kɔɔyɔɔ hosoɔ? 8Aloo mɛni kwɛmɔ nyɛtee? Gbɔmɔ ni woɔ atade bɔdɔɔ? Naa, mɛi ni woɔ atade bɔdɔɔ lɛ, maŋtsɛmɛi awei amɛyɔɔ. 9#Luk 1.76 Aloo mɛni kwɛmɔ nyɛtee? Gbalɔ? Hɛɛ, miikɛɛ nyɛ akɛ, mɔ ni fe gbalɔ tete. 10#Mal 3.1 Ejaakɛ mɔ nɛ ji mɔ hewɔ ni aŋma akɛ, ‘Naa, miitsu mibɔfo lɛ kɛtsɔ̃ ohiɛ, mɔ ni aaasaa ogbɛ lɛ ato bo lɛ! 11#Mat 13.17 Miikɛɛ nyɛ anɔkwale mli akɛ mɛi ni yei fɔ amɛ lɛ ateŋ mɔ ko eteko shi ni fe Yohane Baptisilɔ lɛ, tsɛbelɛ mɔ ni ji bibioo kwraa yɛ ŋwɛi maŋtsɛyeli lɛ mli lɛ fe lɛ. 12#Luk 16.16; 18.24 Shi kɛjɛ Yohane Baptisilɔ lɛ yinɔ kɛbaa nɛɛ, hewalɛ naa aŋɔɔ ŋwɛi maŋtsɛyeli lɛ, ni hewalɔi gbalaa lɛ hewalɛ naa. 13Shi gbalɔi lɛ fɛɛ kɛ Mla lɛ gba kɛbashi Yohane nɔ. 14#Mal 4.5; Mat 17.10-13; Mar 9.11-13 Ni kɛji nyɛmiisumɔ akɛ nyɛmɔ mli lɛ, mɔ nɛ ji Elia ni baaba lɛ. 15Mɔ ni yɔɔ toi ni akɛnuɔ nii lɛ, enu!
16“Shi namɔ he mikɛ nɛkɛ yinɔbii nɛɛ aaato? Amɛtamɔ gbekɛbii ni tara jaji anɔ ni amɛtsɛtsɛɔ amɛnanemɛi akɛ,
17 #
Abɛi 29.9
‘Wɔkpã blɛ wɔhã nyɛ, ni nyɛjooo;
Wɔwo yara wɔhã nyɛ, ni nyɛfooo.’
18 #
Mat 3.4
Ejaakɛ Yohane ba, ni eyeee nii, ni esaa enuuu nɔ ko lɛ, amɛkɛɛ akɛ, ‘Mumɔ fɔŋ yɛ emli.’ 19#Mat 9.14, 15 Gbɔmɔ Bi lɛ ba, ni eyeɔ nii ni esaa enuɔ nɔ ko lɛ, amɛkɛɛ akɛ, ‘Naa, nuu fulɔ kɛ dãanulɔ, tóohelɔi kɛ eshafeelɔi ashieŋtsɛ nɛ!’ Ni abu nilee bem yɛ enitsumɔi lɛ anaa.”
Maji ni tsakeee amɛtsui lɛ
(Luka 10.13-15)
20Kɛkɛ ni ebɔ̃i maji, hei ni etsu ehewalɛ nitsumɔi lɛ amli tsiimɔ yɛ lɛ, ahiɛ wiemɔ, yɛ amɛtsui ni amɛtsakeee lɛ hewɔ, ekɛɛ, 21#Yona 3.6; Yes 23.1-8; Eze 26—28; Yoel 3.4-8; Amos 1.9-10; Zak 9.2-4 “Kpoo hã bo, Korazin! Kpoo hã bo, Betsaida! Ejaakɛ hewalɛ nitsumɔi ni atsu yɛ nyɛmli lɛ, eji atsu yɛ Tiro kɛ Sidon kulɛ amɛtsake amɛtsui yɛ kpekpe kɛ lamlu mli jeeŋmɔ. 22Shi miikɛɛ nyɛ akɛ, ejaraŋ haŋ Tiro kɛ Sidon yɛ kojomɔ gbi lɛ nɔ tamɔ nyɛ. 23#Mat 4.13; 8.5; 9.1; Yes 14.13-15; Jɛn 19.24-28 Ni bo Kapernaum, ani aaawo onɔ kɛshɛ ŋwɛi? Gbohiiaje tɔ̃ɔ aaaba bo shi kɛaatee; ejaakɛ hewalɛ nitsumɔi ni atsu yɛ omli lɛ, eji atsu yɛ Sodom kulɛ ema shi kɛbashi ŋmɛnɛ. 24#Mat 10.15; Luk 10.12 Shi miikɛɛ bo akɛ, ejaraŋ haŋ Sodom shikpɔŋ lɛ yɛ kojomɔ gbi lɛ nɔ tamɔ bo.”
Yesu mli fili lɛ ni ejie Nyɔŋmɔ yi
25 #
1 Kor 1.26-29
Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii. 26Hɛɛ, Ataa, bɔ ni sa ohiɛ ji no. 27#Mat 28.18; Yoh 3.35; Fil 2.9 MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”
Nyɛbaa ni mahã nyɛ hejɔɔmɔ
(Luka 10.21-22)
28 #
Yer 31.25
“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ. 29#Yer 6.16 Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ. 30#1 Yoh 5.3 Ejaakɛ mipã lɛ teremɔ waaa, ni mijatsu lɛ etsiii.”
Bible in Ga Language © Bible Society of Ghana, 2020.