Yesaia 15
15
Nyɔŋmɔ baakpãtã Moab shikpɔŋ lɛ hiɛ
1 #
Zef 2.8-11
#Yes 25.10-12; Yer 48.1-47; Eze 25.8-11; Amos 2.1-3; Zef 2.8-11Moab shikpɔŋ lɛ toigbalamɔ he gbalɛ nɛ: Akɛni akpãtã Ar maŋ lɛ hiɛ nyɔɔŋnyɔɔŋ kɛ jetsɛremɔ hewɔ lɛ, Moab bɛ nɔ ko mli dɔŋŋ. Ni Kir maŋ lɛ hiɛ ni akpãtã nyɔɔŋnyɔɔŋ kɛ jetsɛremɔ hewɔ lɛ Moab bɛ nɔ ko mli dɔŋŋ. 2#Eze 7.18 Dibonbii lɛ ekwɔ kɛtee amɛwɔŋjamɔhei lɛ koni amɛyafo. Moabbii ewɔ lele yɛ Nebo kɛ Medeba maji lɛ ahewɔ. Amɛshɛ yi fɛɛ yi kɛ tsɛŋ fɛɛ tsɛŋ. 3Amɛbumɔ kpekpe kɛnyiɛ blohuiaŋ, ni amɛwo lele kɛ yaafo tsoo yɛ tsui ayiteiaŋ kɛ jaji anɔ. 4Heshbon kɛ Eleale majiaŋbii lɛ miibolɔ, ni aanu amɛgbee yɛ Yahaz tɔ̃ɔ. Moab tabilɔi lɛ miibolɔ waa; amɛyoyro. 5Mitsui miiye miihã Moab. Emli foijelɔi eshɛ Zoar kɛ Eglat Shelishiya; mɛi kɛ yaafo miikwɔ kɛmiiya Luhit, ni mɛi hu ewo maŋ lɛ hiɛkpãtãmɔ lɛ he yara yɛ Horonaim gbɛjegbɛ lɛ nɔ. 6Nimrim Faa lɛ egbi; jɛi jwɛi eŋala, ni jwɛfɔ bɛ he ko he ko, ni baa ŋmɔŋ hu bɛ he ko he ko. 7No hewɔ lɛ, amɛtereteree nii babaoo ni amɛyɔɔ kɛ nii ni amɛtĩa fɛɛ kɛmiifo faa naa kpãi ajɔɔ lɛ kɛya. 8Ejaakɛ Moab husui anaa fɛɛ lɛ yaafo sɔŋŋ. Yaafo lɛ shɛ Eglaim kɛ Beer-Elim tɔ̃ɔ, 9ejaakɛ Dibon Faa lɛ eyi kɛ lá. Shi mibahã Dibon ana amanehulu ni naa wa fe nakai. Mɛi ni na foijee hegbɛ kɛje Moab lɛ kɛ mɛi ni eshwɛ yɛ shikpɔŋ lɛ nɔ lɛ, mibafã jata mawo amɛhe.
Currently Selected:
Yesaia 15: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
