Yesaia 16
16
Moab sane lɛ yɛ mɔbɔ
1 #
2 Maŋ 3.4; 2 Maŋ 14.7 Amɛkɛ toobii emaje kɛjɛ Sela maŋ lɛ mli, yɛ shiaŋa lɛ nɔ, koni akɛyahã shikpɔŋ lɛ nɔyelɔ lɛ yɛ Yerusalɛm yɛ Zion Gɔŋ lɛ nɔ. 2Moabbii lɛ tsɔ̃ tamɔ loofɔji ni miitsomlo kɛmiiya kɛmiiba, amɛtamɔ loofɔji abii ni agbɛ amɛ ashwã yɛ Arnon Faa lɛ faafoohe lɛ.
3Amɛmiikɛɛ Yudabii akɛ, “Nyɛwoa wɔ ŋaa, ni nyɛyea jalɛ sane nyɛhãa wɔ. Nyɛfea tamɔ shwane fintiŋŋ hɔ̃ɔŋ nyɛhãa wɔ, ni nyɛkɛ mɛi ni ashwie amɛ lɛ atea, ni nyɛkatsɔa foijelɔi lɛ asɛɛgbɛ. 4Nyɛhãa Moabbii ni ashwie amɛ lɛ abato nyɛ gbɔ; nyɛfea nyɛhe teemɔhe nyɛhãa amɛ yɛ hiɛkpãtãlɔ lɛ dɛŋ. Kɛji mɔ ni haoɔ amɛ lɛ bɛ dɔŋŋ, ni niiahiɛkpãtãmɔ lɛ sɛɛ efo, ni mɔ ni naanaa mɛi anɔ lɛ elaaje yɛ shikpɔŋ lɛ nɔ lɛ, 5abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”
6Yudabii lɛ kɛɛ akɛ, “Wɔnu bɔ ni Moab wo ehe ehã; ewo ehe tsɔ̃. Wɔnu ehetsɔɔmɔ kɛ ehewoo kɛ ehetsɛmɔ. Shwãa ni eshwã lɛ fɛɛ asomoaŋ efolo ni.”
7Belɛ nyɛhãa Moab awoa yara; mɔ fɛɛ mɔ awo yara ahã Moab. Aye ŋkɔmɔ waa yɛ Kir-Heres wainyibii ni abɔlɔ lɛ hewɔ. 8Ejaakɛ Heshbon ŋmɔji lɛ ahiɛ ekpãtã, ni Sibma waintsei lɛ hu ahiɛ ekpãtã. Waintso ni eyibii hã majimaji alumɔ tɔrɔ dãa lɛ niji eyashɛ Yazer tɔ̃ɔ, ni egba bokãgbɛ kɛtee shiaŋa lɛ nɔ, ni etee anaigbɛ kɛyashɛ Ŋoo Ŋshɔ lɛ sɛɛ. 9#Yer 4.19; Amos 2.2 No hewɔ lɛ, mifo miha Sibma waintsei lɛ taakɛ mifo miha Yazer wainyibii lɛ. Ao Heshbon kɛ Eleale, mikɛ yaafonu baaju nyɛhe, ejaakɛ miishɛɛ ni okɛkpaa wainyibii kɛ oŋmãa lɛ sɛɛ efo. 10Nyamɔ kɛ miishɛɛ etã yɛ ŋmɔji lɛ amli, ni alaaa yɛ waintromi lɛ amli lɛ, abɔɔɔ oshe yɛ jɛi; wainŋalɔ ko eŋaaa wain lɛ, lala emu shi kɔ̃i yɛ jɛi. 11No hewɔ lɛ, misusuma miifo emli tamɔ kpãa saŋku yɛ Moab hewɔ, ni mitsui mli miishã mi miihã Kir-Heres. 12Kɛji Moabbii gba amɛhe naa kɛtee amɛwɔjamɔhei lɛ koni amɛyasɔle yɛ amɛhe krɔŋkrɔŋ lɛ, nɔ ko jɛŋ mli baŋ. 13Wiemɔ ni Yehowa wie yɛ Moab he nyɛsɛɛ ko nɛ. 14Shi amrɔ nɛɛ Yehowa miikɛɛ akɛ, “Biɛ afii etɛ̃ mli lɛ, tamɔ afii ni apaafonyo yeɔ yɛ apaayelihe lɛ, Moab anunyam lɛ he guɔ baagbo, tsɛbelɛ amɛyi fa babaoo, ni emɛi ni aaashwɛ lɛ ayifalɛ shɛŋ nɔ ko nɔ ko, ni amɛnaŋ hewalɛ ko.”
Currently Selected:
Yesaia 16: NEGAB
Highlight
Share
Copy
Want to have your highlights saved across all your devices? Sign up or sign in
Bible in Ga Language © Bible Society of Ghana, 2020.
