Números 34
34
Tu'uxo'ob cu náacal u lu'umil Israel le j dzaab ti'ob tumen Yuumtzil
1Yuumtzile' tu t'anaj Moisese' ca tu ya'alaj ti': 2Le tzol t'aano'oba' dzáa ti' le israelitaobo': ta'itac a wocole'ex tu lu'umil Canaán. Lela' leti' le lu'um bíin a ti'alinte'exa', je'el tu'ux bíin náacaco'oba': 3U xuul j noojole' bíin náacac tu x tocoy lu'umil Zin yéetel u lu'um Edom. Lakine' bíin cáajac tu xuul j noojol quimen ka'anab, 4cu bin u bin tac j noojol tac u náacbal tu pu'uquil Acrabim, cu ch'actic Zine' cu kuchul tac Cades-barnea. Cu dzo'ocole' cu bin u bin tu tojil Hasar-adare' tac Asmón, 5Ti' Asmone' cu náacal tac tu t'o'ol ja'il tu'ux cu náacal u lu'umil Egipto, cu xu'ulul tu ka'anabil Mediterraneo.
6U xuul j chikine' cu náacal tu jáal u ka'anabil Mediterraneo.
7U ti'al u xuul j xamane', toj jolch'acte'ex jun p'éel bej cu cáajal tu ka'anabil Mediterraneo' tac tu witzil Hor, 8tu witzil Hore' tac u yoocbal tu lu'umil Hamat, cu dzo'ocole' tac Zedad. 9Zedade', le u xuul j xamane' cu bin u bin tac Zifrone' cu náacal tac Hazar-enán.
10U ti'al u xuul j lakine' toj jolch'acte'ex, jun p'éel bej cu cáajal Hazar-enane' tac Sefam, 11ti' Sefam tac Riblae', tu lakin Aín; te'elo' u xuule' cu yéemel bíin éemec tac tu lakin tu xéel ja'il Cineret, 12tu tojil u yáalcab ja'il Jordán tac quéen náacac te j quimen ka'anabo'. U jáalo'ob le lu'uma' leti'ob bíin e'esic tu'ux bíin náacac a lu'ume'ex.
Bix bíin úuchuc u t'ooxil le lu'umo'.
13Moisese' tu dzaj ti' le israelitaobo' le tzol t'aano'oba': Lela' leti' le lu'um bíin a t'oxe'ex bulbilo'oba'; leti' le lu'um dzo'oc u ya'alic Yuumtzil bíin dza'abac ti' le nueve ca'a tac táancoch múuch' cajtalilo'ob le j otochnáalo'ob j p'áato', 14-15tumen ca'a p'éel ca'a tac táancoche' u káat ya'ale' u ch'i'ibalo'ob Rubén yéetel Gad yéetel táan chúumuc u múuch' cajtalil yotochnáalo'ob Manasés, dzo'oc u kamico'ob le lu'um unaj u dza'abal ti'obo', ti' yaan tu lakin Jordán actáan ti' Jerico'.
16Yuumtzile' tu t'anaj Moisés ca tu ya'alaj ti': 17Le máax bíin u t'ox le lu'um ichile'exo', Aj kiin Eleazar yéetel Josuee', u paal Nun. 18Ba'ale' t'ane'ex xan jujun túul u nojchil a ch'i'ibale'ex, u ti'al xan u t'ooxil le lu'umo'. 19Le j xiibo'ob unaj a t'anique'exo' leti' lelo'oba': Ti' u múuch' cajtalil yotochnáalo'ob Judae': Caleb, u paal Jefone.
20Ti' u ch'i'ibalo'ob Simeone': Semuel, u paal Amiud.
21Ti' Benjamine': Elidad, u paal Quislón.
22Ti' Dane': u nojchile' Buqui, u paal Jogli.
23Ti' u ch'i'ibalo'ob Josee': u nojchile' Haniel, u paal Efod, ti' Manasese'; 24Kemuel u nojchil u paal Siftán, ti' Efraín.
25Ti' u ch'i'ibalo'ob Zabulone': u nojchile' Elizafán, u paal Parnac.
26Ti' Isacare': u nojchile' Paltiel, u paal Azán.
27Ti' Asere': u nojchile' Ahiud, u paal Selomi.
28Ti' Neftalí: u nojchile' Pedael, u paal Amiud.
29Ti' le je'elo'oba' tu dzaj Yuumtzil u ti'al u t'ooxil u lu'umil Canaán ichil le j israelitaobo'.
Currently Selected:
Números 34: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
