Números 33
33
U kaaba'ob le cúuchilo'ob tu'ux je'elo'ob le j israelitaobo'
1Lelo'oba' u kaaba'ob tu'ux je'elo'ob u paalal Israel u tzolmajuba'ob ca j jóoko'ob Egipto bey aj ba'atelo'obe', aj bej ta'ano'ob tumen Moisés yéetel Aarón. 2Moisese' j bin u dzíibtic u kaaba'ob le cúuchilo'ob tu'ux je'elo'ob, bey tu kiinil jóokico'ob, je'el bix u bin u ya'alal ti' tumen Yuumtzile', lela' leti' le kiino'ob yéetel le cúuchilo'ob tu'ux jóoko'obe'.
3Le j israelitaobo' jóoko'ob Ramsés tu kiinil quince tu yáax winalil le ja'abo' tu láak kiin dzo'ococ u kiinbesico'ob le Táadz Máanbalo'. Jóoko'ob yéetel nojoch páajtalil tu táan yich tuláacal le j Egiciobo', 4le j egiciobo' táan u muquico'ob u yáax paalal, beeta'ab u quíimilo'ob tumen Yuumtzil iquil úuchic u ja'adzal u kuob.
5Le j israelitaobo' jóoko'ob Ramsese' ca je'elo'ob Sucot.
6Jóoko'ob Sucote' ca je'elo'ob Etam, tu'ux cu náacal le x tocoy lu'umo'.
7Jóoko'ob Etame', ca lóocho'ob tu tojil Pi-hahirot, cu p'áatal tu lakin Baal-zefón, ca je'elo'ob actáan ti' Migdol.
8Jóoko'ob Pi-hahirote', ca tu ch'acto'ob le ka'anabo' ca j kucho'ob tac te x tocoy lu'umo'. J xíimbalnajo'ob óox p'éel kiin tu x tocoy lu'umil Etame', ca je'elo'ob Mara.
9Jóoko'ob Marae' ca j kucho'ob Elim, tu'ux yaan doce sayab ja'ob yéetel setenta xa'ano'ob, ca je'elo'obi'.
10Jóoko'ob Eline' ca j much'lajo'ob tu jáal chac ka'anab.
11Ti' le chac ka'anabo' xíimbalnajo'ob ca je'elo'ob tu x tocoy lu'umil Sin.
12Jóoko'ob tu x tocoy lu'umil Sine' ca je'elo'ob tu x tocoy lu'umil Dofca.
13Jóoko'ob Dofcae' ca je'elo'ob Alús.
14Jóoko'ob Aluse' ca je'elo'ob Refidín, tu'ux ma' j yanchaj ja' u ti'al ukbili'.
15Jóoko'ob Refidime' ca je'elo'ob tu x tocoy lu'umil Sinaí.
16Jóoko'ob tu x tocoy lu'umil Sinaie' ca je'elo'ob Kibrot-hataava.
17Jóoko'ob Kibrot-hataavae' ca je'elo'ob Hazerot.
18Jóoko'ob Hazerote' ca je'elo'ob Ritma.
19Jóoko'ob Ritmae' ca je'elo'ob Rimon-peres.
20Jóoko'ob Rimon-perese' ca je'elo'ob Libna.
21Jóoko'ob Libnae' ca je'elo'ob Rissa.
22Jóoko'ob Rissae' ca je'elo'ob Ceelata.
23Jóoko'ob Ceelatae' ca je'elo'ob tu witzil Sefer.
24Jóoko'ob tu witzil Sefere' ca je'elo'ob Harada.
25Jóoko'ob Haradae' ca je'elo'ob Macelot.
26Jóoko'ob Macelote' ca je'elo'ob Tahat.
27Jóoko'ob Tahate' ca je'elo'ob Tara.
28Jóoko'ob Tarae' ca je'elo'ob Mitca.
29Jóoko'ob Mitcae' ca je'elo'ob Hasmona.
30Jóoko'ob Hasmonae' ca je'elo'ob Moserot.
31Jóoko'ob Moserote' ca je'elo'ob Bene-jaacán.
32Jóoko'ob Bene-jaacane' ca je'elo'ob Hor ti' Gidgad.
33Jóoko'ob Hor ti' Gidgade' ca je'elo'ob Jotbata.
34Jóoko'ob Jotbatae' ca je'elo'ob Abrona.
35Jóoko'ob Abronae' ca je'elo'ob Ezion-geber.
36Jóoko'ob Ezion-gebere' ca je'elo'ob tu x tocoy lu'umil Zin, u káat ya'ale' Cades.
37Jóoko'ob Cadese' ca je'elo'ob tu witzil Hor, tu jáal u lu'umilo'ob Edom. 38Yuumtzile' tu ya'alaj ti' aj kiin Aarone' ca na'acac tu pu'uquil Hor, ca j quíim te'elo' tu yáax jun p'éel kiin tu cinco winalil ti' le cuarenta ja'abo',#33.38 Cuarenta ja'abo'ob xanchajic u xíimbaltico'ob le Israelitaob le x tocoy lu'umo'. cu cáajal u xooquil le kiin jóok le israelitaob Egiptoo. 39Le ca j quíim Aarón tu pu'uquil Hore, yaan ca'ach ciento veinte yéetel tres ja'abo'ob ti'.
40U ajaw cananeob ti' Arad, caja'an ca'ach Néguev Ca'ana'anile', tu yojéeltaj cóojic le j israelitaobo'.
41Jóoko'ob tu witzil Hore' ca je'elo'ob Zalmona.
42Jóoko'ob Zalmonae' ca je'elo'ob Punón.
43Jóoko'ob Punone' ca je'elo'ob Obot.
44Jóoko'ob Obote' ca je'elo'ob Ije-abarim, tu'ux cu xu'ulul Moab.
45Jóoko'ob Ije-abarime' ca je'elo'ob Dibón-gad.
46Jóoko'ob Dibón-gade' ca je'elo'ob Almon-diblataim.
47Jóoko'ob Almon-diblataime' ca j je'elo'ob tu witzilo'ob Abarim, tu j lakin Nebo.
48Jóoko'ob tu witzilo'ob Abarime' ca j je'elo'ob tu táax lu'umil Moab, tu jáal Jordán, actáan ti' Jericó. 49U caajil le j israelitaob je'elo'ob tu jáal Jordano' cu jáayal líikbal Beet-jesimote' tac Abel-sitim, tu táax lu'umil Moab.
U tzol t'aanilo'ob cajtal yéetel u t'ooxil u lu'umil Canaán
50Tu táax lu'umil Moab, tu jáal u yáalcab ja'il Jordán, actáan ti' Jericoe', Yuumtzile' tu t'anaj Moisés ca tu ya'alaj ti': 51A'al ti' le israelitaob beya': Le quéen a ch'acte'ex Jordán u ti'al a wocole'ex tu lu'umil Canane', 52áalcabanse'ex tuláacal u cajnáalilo'ob le lu'umo', xiixcunte'ex tuláacal u kuob beeta'an yéetel tuunich bey xan yéetel yi'bil fierro, pule'ex tuláacal u cúuchilo'ob kultaj beeta'ano'ob te j jo'ol lu'umo'obo'. 53Jáanpayte'ex le lu'umo', ti' a cajtale'exi' tumen tene' kiin kubic te'ex u ti'al a cajtale'ex. 54ba'ale' unaj a t'oxi'ique'ex yéetel buul, ichil u yotochnáalilo'ob le ch'i'ibalo'obo'; le ya'ab u yotochnáalo'obo' ya'ab lu'um bíin dza'abac ti'ob, le jun p'íito'obe' bíin dza'abac p'íit lu'um ti'ob; ti' otochnáale' bíin u kam le bíin u jóokes ti' le buulo'. 55Wa te'ex ma' ta wáalcabansique'ex u cajnáalo'ob le lu'umo', le bin p'áatco'obe' bíin u chi'ichnaccunte'ex, bey jun p'éel ba'al ta wiche' wa bey ki'ix ta wíinclile', le quéen cajlaque'ex te j lu'umo'. 56Teen túune' bíin in beet ti' te'ex le ba'ax tin tucultaj in beetic ti' leti'obe'.
Currently Selected:
Números 33: MAYADC
Highlight
Copy
Compare
Share
Want to have your highlights saved across all your devices? Sign up or sign in
Biblia Maya de Yucatán © Sociedades Bíblicas Unidas, 1992.
