EFETIKILO 36
36
1Ombuto ya Esau haeye Edome yeyi: 2Esau wa kuela akãi vaye komãla va Kanana, Ada omõla a Elone u Hiti, la Oholivama omõla a Ana, omõla a Sivone u Hivi, 3la Basimate omõla a Isameli mukãi wa Nevayoti. 4Ada yu wa cita le Esau Elifase. Basimate wa cita Ruele. 5Oholivama wa cita Yewusi, Yalame la Korahi; ovo omãla ve Esau a citila vofeka ya Kanana. 6Esau wa katuka kumue lakãi vaye lomãla vaye valume, lomãla vaye vakãi, lomanu vosi vovonjo yaye, lolongombe viaye, lovinyama viaye viosi, lovikuata viaye viosi a vi fukila kofeka ya Kanana kuenje wa enda kofeka yiñi, kupãla la Yakoba manjaye. 7Omo ukuasi wavo wa lua, ka va tẽlele oku tunga pamosi; ndaño ofeka yovongende avo ka ya tẽlele oku va tekola ovo loviunda viavo. 8Oco Esau wa tungila vofeka yolomunda vo Seire; Esau haeye Edome.
9Alo o-o apata a Esau osekulu ya va Edome komunda ya Seire. 10Olonduko viomãla ve Esau vievi: Elifase omõla a Ada ukãi we Esau. Ruele omõla a Basimate ukãi we Esau. 11Omãla ve elifase vava: Temani, Omari, Cefo, Gatame la Kenasi. 12Kuenje Timina eye ukama we Elifase omõla a Esau, wa cita la Elifase Amaleke. Ovo omãla va Ada ukãi we Esau. 13Omãla va Ruele vava: Nahati, Sera, Siama la Misa. Ovo omãla va Basimate ukãi we Esau. 14Omãla va Oholivama, omõla a Ana, omõla a Sivone, ukãi we Esau vava: Yewusi, Yalame la Korahi, ovo a cita le Esau.
15Olosekulu viomãla ve Esau vievi: omãla ve Elifase eye nuñulu ye Esau, sekulu Temani, sekulu Omari, sekulu Cefo, sekulu Kenasi, 16sekulu Korahi, sekulu Gatame la sekulu Amaleke; evi ovio olosekulu vie Elifase kofeka ye Edome. Ovo omãla valume va Ada. 17Omãla va Ruele omõla a Esau vava: sekulu Nahati, sekulu Sera, sekulu Siama, sekulu Misa; evi olosekulu via Ruele kofeka ye Edome. Ovo omãla va Basimate ukãi we Esau. 18Omãla va Oholivama ukãi we Esau vava: sekulu Yewusi, sekulu Yalame, sekulu Korahi, evi closekulu vio Oholivama omõla a Ada ukãi we Esau. 19Ovo omãla ve Esau haivio olosekulu viavo, haeye Edome.
20Omãla va Seire u Hori vakuafeka vava: Lotana, Sevale, Sivone, Ana, 21Disione, Eseri la Disiane; evi olosekulu viava Hori omãla va Seire kofeka ye Edome. 22Omãla va Lotana vava: Hori la Hemame. Mukãi wa Lotana eye Timina. 23Omãla va Sovale vava: Aluana, Manahata, Evale, Sefo la Onami. 24Omãla va Sivone vava: Aya la Ana; eye Ana una wa tuluka olono viovava a tokota kekalasoko eci a lisa ovimbulu via Sivone isiaye. 25Omãla va Ana vava: Disione la Oholivama omõla a Ana. 26Omãla va Disione vava: Hemidana, Esibana, Yitarana la Kerane. 27Omãla va Eseri vava: Bilihane, Sawana la Akana. 28Omãla va Disiane vava: Usi la Arane. 29Olosekulu viava Hori vievi: sekulu Lotana, sekulu Sovale, sekulu Sivone, la sekulu Ana, 30sekulu Disione, sekulu Eseri, sekulu Disiane; evi ovio olosekulu viava Hori kolosekulu viavo kofeka ya Seire.
31Olosoma via viala kofeka ye Edome osimbu ka kua vialele handi osoma kova Isareli vievi: 32Bela omõla a Beore yu wa viala ke Edome, onduko yombala yaye Dinihava. 33Bela wa fa kuenje Yovave omõla a Sera u Bosara wa viala komangu yaye. 34Tovave wa fa kuenje Husama ukuafeka yava Temani wa viala komangu yaye. 35Husama wa fa kuenje Hadade, omõla a Betate una wa yula va Midiane kusenge wa Moavi, wa viala komangu yaye; onduko yombala yaye Awite. 36Hadade wa fa kuenje Samala u Masereka wa viala komangu yaye. 37Samala wa fa, keunje Saulu u Rehovote konele yolui wa viala komangu yaye. 38Saulu wa fa kuenje Balahanana omõla a Akibore wa viala komangu yaye. 39Eye Balahanana omõla a Akibore wa fa kuenje Hadare wa viala komangu yaye. Onduko yombala yaye Pau; onduko yukãi waye eye Mehetavele omõla a Matirete omõla a Mesahave.
40Olonduko violosekulu viovitumbulukila vie Esau kapata avo, lovaimbo avo lolonduko viavo, vievi: sekulu Timina, sekulu Alua, sekulu Yetete, 41sekulu Oholivama, sekulu Ela, sekulu Pinone, 42sekulu Kenase, sekulu Temani, sekulu Mibisare, 43sekulu Magedele, sekulu Irami; evi ovio olosekulu vie Edome kovaimbo avo kofeka va yi tungile. Eye Esau osekulu yave Edome.
Currently Selected:
EFETIKILO 36: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
