ETUNDILO 7
7
1Yehova yu wa popia la Mose hati, Tala, nda ku kapa ku Fareo nda Suku. Huvove Arone o linga nduprofeto wove. 2Ove o popia ovina viosi hu sapuila, huvove Arone eye o vangula la Fareo ondaka yoku eca va Isareli ha va tundi vofeka yaye. 3Ame puãi nĩlĩsa utima wa Fareo, okuti ndaño nduisa vofeka ye Egito olondimbukiso viange lovikomo viange, 4haimo Fareo ko yevi. Oco kotembo yaco ame muẽle ñapa ke Egito eka liange. Njupa vofeka ye Egito olohoka viange okuti omanu vange va Isareli, ndi vopa muẽle lolonimbu via tua. 5Kuenje eteke ngoluĩla eka liange ke Egito si upi va Isareli pokati kavo, oco va Egito va limbuka okuti ame muẽle Yehova. 6Mose la Arone va ci linga. Ndeci Yehova a va sapuila haico va linga. 7Mose wa tẽla akui ecelãla kovanyamo, kuenje Arone akui ecelãla kovanyamo kovanyamo atatu eci va popia la Fareo.
8Yehova wa popia la Mose kuenda Arone hati, 9Eci Fareo a popia lene hati, Tu lekisi cimue cocikomo oco ondaka yene yi linge yocili, ove ove o popia la Arone huti, Yelula ombueti yove, yimba posi kovaso a Fareo, oco yi linge onyõha. 10Oco Mose la Arone va enda ku Fareo, va linga ndeci Yehova a va sapuila. Arone wa imba ombueti yaye posi kovaso a Fareo lakuenje vaye, kuenje ya linga onyõha. 11Oco Fareo wa kovonga olonoño lovimbanda, vakualumbu ve Egito. Laviovo via ci lingavo latutu avio. 12Via imba posi olombueti viavio omunu omunu, kuenje via linga olonyõha. Puãi ombueti ya Arone ya ina olombueti viavio. 13Haimo utima wa Fareo wa tĩlĩla, kuenje ka tavele oku va yeva. Ndomo Yehova a popia, haimo ca pita.
14Yehova yu wa popia la Mose hati, Utima wa Fareo wa tĩla, oku eca omanu ka tava. 15Kuende ku Fareo omẽle eci a enda kovava. Talama kekulo liolui oku tokeka laye. Ombueti ya pongolokele onyõha yambata peka liove. 16Popia laye huti, Yehova, Suku ya va Heveru, wa numa kokuove, hati, Eca omanu vange oco va ka fendelele vekalasoko; kuenje lopo kua yeveleko. 17Oco, ca popia yehova ceci, hati, Eci o ndimbukila okuti ame ndi Yehova ceci: Tala, mbeta kovava ovolui Nilu lombueti yi li peka liange, kuenje a pongoloka osonde. 18Olosi vi li volui Nilu vi fa, olui Nilu lu vĩha, kuenje va Egito oku nyua ovava ovolui Nilu ci va linga onyanya. 19Yehova yu wa popia la Mose hati, Pañinya Arone, huti, Nyañula ombueti yove, oluĩla eka liove kovava a Egito, kolondui viavo, lokololekua viavo, lokoviva viavo vinene, levi viosi vitito viovava, ha vi lingi osonde, kuenje mu kala osonde vofeka yosi ye Egito, ci kale vovikuata viavo vioviti, ci kale vovikuata viavo viovawe.
20Mose la Arone va linga ndomo Yehova a va sapuila. Wa yelula ombueti, kuenje kovaso a Fareo lakuenje vaye, oko a yi vetela kovava a kala volui Nilu, kuenje ovava osi a kala volui Nilu a pongoloka osonde. 21Olosi via kala volui Nilu via fa, olui Nilu lua vĩha, va Egito oku nyua ovava o volui Nilu ka ca tavele kuenje osonde ya kala vofeka yosi ye Egito. 22Puãi vakualumbu va Egito haico va linga latutu avo. Oco utima wa Fareo wa tĩla, ka va yevele. Ndomo Yehova a popia haimo ca pita. 23Fareo wa ñualapo, wa enda konjo yaye. Ocina eci lacovo ka ci kapele kutima. 24Va Egito vosi va fẽla ocipepi lolui Nilu oku sanga ovava oku nyua, omo oku nyua ovava o volui Nilu ka ca tavele.
25Tunde apa Yehova a vetela olui Nilu pa pita oloneke epanduvali.
Currently Selected:
ETUNDILO 7: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
