ETUNDILO 16
16
1Va tunda ke Elimi kuenje owiñi wosi wa va Isareli weya kekalasoko lia Sine li kasi pokati ke Elimi la Sinai. Eteke liaco eteke liekui latãlo kosãi yavali tunde apa va tundila kofeka ye Egito. 2Owiñi wosi wa va Isareli wa lisiõsuĩla Mose la Arone vekalasoko. 3Va popia lavo vati, Hĩse nda tua filile leka lia Yehova vofeka ye Egito, momo oko tua tumayala kolombia viombelela, tue kuta kuta ombolo. Wa tu neni mũlo vekalasoko oku ipaya owiñi ulo wosi lonjala.
4Yehova yu wa popia la Mose hati, Tala! ndu lowili ombolo yi tunda kilu. Kuenje eteke keteke omanu va tunda, va nola nola ohuta yeteke liongongo. Oco ndi va nyika nda hẽ va enda lovihandeleko viange nda ndati. 5Keteke liepandu, poku angiliya eyi va nena, vangiliye eyi yi lisoka loloneke vivali. 6Oco Mose la Arone va popia la va Isareli vosi vati, Oñolosi wu kũliha okuti u wo wupi vofeka ye Egito, Yehova, 7kuenje omẽle wu mõla ulamba wa Yehova momo Yehova wa yeva okulisiõsiõla kuene wo lisiõsuĩla? 8Oco Mose wa linga hati, Eci Yehova o waveli ositu yoku lia oñolosi lombolo yoku lia omẽle, momo Yehova a yeva okulisiõsiõla kuene wo lisiõsuĩli, etu hẽ, etu velie? hetuko wa tu lisiõsuĩli, wa lisiõsuĩli Yehova.
9Mose wa popia la Arone hati, Sapuila owiñi wosi wa va Isareli huti, Kokeli ku Yehova, omo wa yeva okulisiõsiõla kuene. 10Osimbu Arone a kala loku vangula lowiñi wosi wa va Isareli oco va vanja kekalasoko, kuenje tala, ulamba wa Yehova wa mõlẽhela velende. 11Yehova wa popia la Mose hati. 12Nda yeva okulisiõsiõla kua va Isareli, Popia lavo huti, Oñolosi wu lia ositu, omẽle wu kuta ombolo, kuenje wu limbuka okuti ame ndi Yehova Suku yene.
13Oñolosi kueya olonenu, kuenje via sikĩlĩla ocilombo. Omẽle owume wowu kolonẽle viosi viocilombo. 14Eci owume wa takata, tala, posi yekalasoko pa kala okacina katito ndotuvinimbu tuocikokoto. 15Va Isareli oku ci mõla va lipula pokati vati, Eci nye? Omo ka va ci kũlĩhile. Mose yu wa popia lavo hati, Oyo ombolo yehova a wihi oku lia. 16Ca popia Yehova ceci, hati, Nyomõlĩpo ene vosi, omunu leci a soka laco, Omunu leci a soka laco. Nyomõli omunu omeri, omunu omeri, ca soka lomanu omunu a kasi lavo vombalaka yaye. 17Kuenje va Isareli haico va linga, vamue va nola ca lua, vamue ci sule. 18Puãi eci va ci yonga lomeri, u wa nyomõla citito ka co kambisile. Va nyomõla omunu leci a soka laco, omunu leci a soka laco. 19Mose wa popia lavo hati, Lomue ka ka ci soleke toke komẽle. 20Haimo lumue ka va yevelele ku Mose. Vamue pokati kavo va soleka cimue toke komẽle, kuenje ceya ovainyo, ca lẽha, kuenje Mose wa va temẽla. 21Omẽle komẽle, va ci nyomõla, omunu leci a soka laco, omunu leci a soka laco. Eci utanya wa tua ca yenguluka.
22Keteke liepandu va nyomõla eci ci tẽla oloneke vivali, okuti omunu omunu olomeri vivali. Eci akulu vosi vomanu vaco veya, va ci sapuila Mose, 23oco Mose wa popia lavo hati, Ca popia Yehova ceci, hati, Hẽla eteke liowusa u kola hailio esambata li kola lia Yehova. Yoki ño eci wu yoka. Teleki ño eci wu teleka. Cosi ci supa vu ci likapela, oku ci soleka toke komẽle. 24Oco va ci lisolekela toke omẽle, ndomo Mose a va sapuila, kuenje ka ca lehẽle, ka mua kaile enyo. 25Mose wa linga hati, Va ci lie etaili omo etaili esambata lia yehova. Ka u ci sangi etaili vusenge. 26Oloneke epandu vu ci nyomõla, puãi eteke liepanduvali olio esambata, olio ka ku kala cimue. 27Keteke liepanduvali kua tunda vamue oku nyomõla puãi ka va sangele cimue. 28Yehova wa popia la Mose hati, Eteke lipi vu liweka oku patãla oku linga ovikundi viange lovihandeleko viange? 29Cu lomboloki! Yehova wa wĩhi esambata. Oco keteke liepandu o wĩhi ombolo yoloneke vivali. Vosi va kale, omunu vocitumãlo caye, omunu vocitumãlo caye. Lomue ka ka tunde vocitumãlo caye eteke liepanduvali. 30Oco omanu va puyuka eteke liepanduvali.
31Epata lia Isareli lia luka onduko yaco, liti, Mana. Ca setahãla ovasa a yela. Okupepa kuaco kua lisoka lokupepa kuakende owiki. 32Mose yu wa popia hati, Ca popia Yehova ceci, hati, Omeri ya mana yaco yi solekiwila ovitumbulukila viene, okuti va tala ombolo yaco ndo lisi lisi vekalasoko eci ndo wupi vofeka ye Egito. 33Wa popia la Arone hati, Nyañula ombia, kapamo omeri ya mana, yi tumbika ku Yehova, oku yi solekela ovitumbulukila viene. 34Ndeci yehova a sapuila Mose, haico Arone a linga, wa yi tumbika kovaso yocikasa covisila okuti yi solekiwa. 35Va Isareli va lialia mana akui akuãla kanyamo toke va pitila kofeka va tunga. Va lialia mana toke veya kovikanjo viofeka ya Kanana. 36Ekui liolomeri ovio via soka lefa limosi.
Currently Selected:
ETUNDILO 16: EMB63
Highlight
Copy
Compare
Share
Want to have your highlights saved across all your devices? Sign up or sign in
Umbundu Bible © United Bible Societies, 1963.
