Popular Bible Verses from ETUNDILO 16

Share

Va popia lavo vati, Hĩse nda tua filile leka lia Yehova vofeka ye Egito, momo oko tua tumayala kolombia viombelela, tue kuta kuta ombolo. Wa tu neni mũlo vekalasoko oku ipaya owiñi ulo wosi lonjala. Yehova yu wa popia la Mose hati, Tala! ndu lowili ombolo yi tunda kilu. Kuenje eteke keteke omanu va tunda, va nola nola ohuta yeteke liongongo. Oco ndi va nyika nda hẽ va enda lovihandeleko viange nda ndati.

Owiñi wosi wa va Isareli wa lisiõsuĩla Mose la Arone vekalasoko.

Oco Mose wa linga hati, Eci Yehova o waveli ositu yoku lia oñolosi lombolo yoku lia omẽle, momo Yehova a yeva okulisiõsiõla kuene wo lisiõsuĩli, etu hẽ, etu velie? hetuko wa tu lisiõsuĩli, wa lisiõsuĩli Yehova.

Nda yeva okulisiõsiõla kua va Isareli, Popia lavo huti, Oñolosi wu lia ositu, omẽle wu kuta ombolo, kuenje wu limbuka okuti ame ndi Yehova Suku yene.