Mika 5
5
Diulelu Dia Utshungudi wʼUma la Betelehema
1Kakiane, nyu nyambudinigama lʼeheli.
Vo wambutolosha.
Vo wambokomola umbuledi
Wa Isariyele ohelela lu tama.
2Keli we Betelehema, Efarata,
Leli tshitshe lʼatei a wauhu wa Juda,
Uma le ye kayutumba one layuyala
Umbuledi lu Isariyelea#5:2 Mat. 2:6; Joa. 7:42. dikambu diami,
Ndi akatongo umaka nshi yʼediedja,
umaka mombokombola.
3Diako mbayundakimo edja ndu
lʼetena kayuta one latata lono.
Ku atshikadi wʼanangu wayukalula le
asi Isariyele.
4Ndi ayunela, ayulesha ekoko andi lu
wulu wa Latuyalaka,
Lu lutumbu la lukumbu la Latuyalaka,
Unyashungu andi.
Vo wayulumba, ne dia ndi ayuyala
wuki,
Edja ndu lu kuma ya kete.
5Untu oso ayuyala ki kasu.
Lamʼayuya usi Asuriya lu kete yasu,
Lamʼayundeteta lu mvudu ya
khumʼekanga,
Shu tayosonwela alami wʼekoko
esambeli
La antu a waki enanei dia vo ndo la ndi.
6Vo wayulanya kete yʼasi Asuriya la
yombo,
Ndu kete yʼasi Nimirode#5:6 Etat. 10:8-11. lu aotwelo ayo.
Vo wayututshungula uma le asi Asuriya.
Lamʼayuwuya lu kete yasu,
Lamʼayuwokendakenda lʼulelu asu.
7Ku atshikadi wa Jakoba wayuyala
lʼatei a wedja efula,
Uku dihohe diʼuma le Latuyalaka,
Uku apopo wʼashi ladiku dia adiyu,
Wahatutshimbatshimbaka dikambu
dia antu,
Kuyanga nkunga dikambu dia ana
wʼantu.
8Atshikadi wa Jakoba wayuyala lʼatei
a wedja efula,
Uku tambwe lʼatei a nyama ya
lʼukunda,
Uku osongo a tambwe lʼatei a nyimba
yʼekoko.
Lamʼatuwetaka lʼatei awo vo
watuwendaka,
Watuwatshatshaka, ku nduku untu
lashimba.
9Edia lunya laye ladiku dia atunyi aye.
Wane tshe watukuhetshaka, washili
ushiki.
10Latuyalaka kata ati:
Lushi loso, dimi layushila punda yeli
lʼatei a wudja aye ushiki,
Layulanya pusupusu yaye ya ta.
11Dimi layulanya esumba tshe wa lu
kete yaye,
Layunyukula tangelu diaye tshe.
12Dimi layushila alanga wʼaloka uma
lʼanya aye ushiki.
We huyala la akanga wʼaloho ntu.
13Dimi layulanya difanelu diaye dia
losela,
La dimeta dieli lʼatei aye.
We hayotemola elimu wʼanya aye ntu.
14Dimi layunya WaAshera anyu uma
lʼatei aye,
Ndu layulanya esumba aye.
15Dimi layosomboya wedja waki
kunkitanyia diui diami.
Lu kele kami la ududu ami.
Currently Selected:
Mika 5: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
