Mika 6
6
Tamu ta Latuyalaka la Isariyele
1Kakiane, nyulungi uku ata Latuyalaka
ati:
Nyuneli, nyulumbuli dikambu dianyu
la ntundu kʼekungu.
Akuna wuki diui dianyu.
2Nyuki, nyu ekungu ndu nyu atshina
a wulu wa kete!
Nyuki uku wama Latuyalaka la wudja
andi,
Ne dia Latuyalaka eko la tamu lʼasa
ndi la wudja andi.
Ndi ayama la Isariyele.
3Nyu wudja ami, dikambu diakona
diakamanyutshela?
Lu dikambu diakona diakamanyuhekuya?
Nyumvuteli!
4Dimi lakanyutundja uma lu kete ya
Edjibitu,#6:4 Etum. 12:50-51.
Lakanyutshungula uma lu luudu la
lohombo.
Dimi lakatumi Mose, Arona#6:4 Etum. 4:10-16. la
Miriyama#6:4 Etum. 15:20. la ntundu kanyu.
5Nyu wudja ami, nyuho kakiane,
Uku akasanguya Balaka, khumʼekanga
ka Moaba,
Ndu uku akûkaluya Balama,#6:5 Wal. 22:2—24:25. onʼa
Boere, diui.
Nyuho ndu uku akanyatetaka uma la
Shitime utsha la Ngilingala,#6:5 Jas. 3:1—4:19.
Dia nyu mbeya etsha wʼololo wa
Latuyalaka.
Kene Kayanga Latuyalaka
6La na ayumusukana la ntundu ka
Latuyalaka,
Ndu ayumokolama la ntundu ka
Unyashungu, KhumʼUlungu?
Dimi layuya la ntundu kandi la
elambu wa lutshumba,
La esongo wa ngombe wa eleku otoi?
7Latuyalaka ayongenangena la nunu
dia waumi wʼekoko,
Kuyanga la nunu dikumi dia ekedi
wa biso?
Dimi layukimo onʼami lʼenundu ne
dia ehedia ami,
Etenyi kami kʼosohi ne dia kolo
kʼutema ami?
8We untu, ndi akakenya kene keli
ololo,
Kakona katuyanga Latuyalaka uma
le ye?
Paka dia ntsha akambu wʼololo, dia
nanga ketshi,
Ndu dia nkendakendaka la
ndjakitshakitsha kame la Unyashungu
aye?
9Diui dia Latuyalaka diambulelela
usumba.
Ku untu leli la yimba, ayuka lukumbu
laye woma.
Nyuki ohehela woma ndu one lutumi.
10Undi dimi mbeyaka mbuhela
waumbelu wa kolo
Weli lu luudu lʼuntu a kolo,
La yediko ya tshitshe yadjawo
mananu?
11Undi, dimi mbeyaka nyindja
Untu leli la kilo ya kolo,
Ndu la tediko ta wetshu ta lukesu?
12Akanga wʼengonyi aye wambulula too
la akambu wa ngala.
Antu aye watutaka kashi,
Nimi yawo yeli too la lukesu lʼenyo
awo.
13Ndu uma lu dikambu so, mbakamanyukia
puta ya wulu.
Dimi lakanyulanya ne dia kolo yanyu.
14Nyu nyayole, keli hanyuluta.
Ndjala kayuyala lʼatei anyu.
Nyu nyayumba, keli hanyulama.
Kene kayunyulama, kayumukimo le
yombo
15Nyu nyayuhe, keli hanyuna.
Nyu nyayamula mbeli, keli hanyushinula
iso kayo.
Nyu nyayamula elua, keli hanyono
ashi awo.
16Nyu nyatulamaka elembe wa Omiri,#6:16 1 Khum. 16:23-28.
La ditshelu tshe dia khumbu ka Ahaba.#6:16 1 Khum. 16:29-34; 21:25-26.
Nyatuyelaka aui awo, dia dimi nyete
tongo tu,
La antu aye engo ka mpongwela soi.
Nyu nyayembela wudja ami diango
diawo.
Currently Selected:
Mika 6: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
