Mika 4
4
Diulelu Dia Latuyalaka lʼAndja wʼUtundu
(Is. 2:1-4)
1Keli lu nshi yayayi, ukungu wa luudu
la Latuyalaka
Wayushikikala lʼete wʼekungu.
Vo wayediama ladiku dia akuna,
antu wayumbela leko,
2Wedja efula wayuya,
Ku wayuta vati: Nyuyeti, tutshu
lʼukungu wa Latuyalaka,
Lu luudu la Unyashungu a Jakoba,
Dia ndi ntutetsha mbuka yandi,
Mbayuteya nkendakenda lu tuwuka
tandi.
Ne dia uma la Siona kayutumbaka
elembe,
La aui wa Latuyalaka uma la
Jerusalema.
3Ndi ayulumbuya wedja efula,
Ayusambula akambu wa wedja a
wulu wʼetali.
Vo wayutshula tombo tawo kungu,
La akonga awo tukuwa ta loho.#4:3 Joe. 3:10.
Wudja hawuyedia tombo tawo dia
ndo la wudja ukina,
Kuyanga mbeka akambu wa ta ntu.
4Keli vo wayudjase, untu lʼuntu la
tshina diʼokodi andi wa vinyo,
Ndu la tshina dia utamba andi wa
fingu.#4:4 Zek. 3:10.
Ku nduku untu ayuwautsha woma,
Ne dia unyo wa Latuyalaka Kanga
lulimbilimbi wakati dikambu diako
5Wedja tshe, wudja la wudja,
Watuyelaka lukumbu la etemolatemola
kawo.
Keli shu tayuyela lukumbu la
Latuyalaka,
Unyashungu asu, pundju pundju.
Etshungwelu ka Isariyele Uma lu Lohombo
6Latuyalaka kata ati: Lushi loso,
Dimi layusanganya akanga a tshumbi,
Layomotsha wane wakatshanyema
ndu wane wakamatshela kolo.
7Dimi layete akanga a tshumbi
atshikadi,
La wane wakatshanyema wudja a
wulu.
Ku Latuyalaka ayuwaulela lʼUkungu
a Siona,
Umaka kakiane pundju pundju.
8Dikambu ne diayuyala le ye,
We etangelu kʼekoko,
Dikuna dia ona umuntu a Siona.
Luwandji lʼedjedja,
Diulelu dia ona umuntu a Jerusalema,
layuya le ye.
9Okoko wana wandaye kuku kakiane?
Undi, khumʼekanga kema lʼatei aye?
Undaki aye akavu?
Diako mbambukunda lunyangu uku
umuntu latata lono?
10We ona umuntu a Siona, usuwi,
Ukhumi akhumu uku umuntu latata
lono,
Ne dia we utsha ntumba kakiane uma
lʼusumba, la ntudjase lʼusui.
We ayutsho la Babilona; ayutushimbamela
leko.
Leko kayukutshungula Latuyalaka
uma lʼanya wʼatunyi aye.
11Kakiane wedja efula wambusanganyema
dia nkolosha,
Wata vati: Walanyemi.
Ashu asu wendi Siona tee.
12Keli vo haweyi tukanyi ta Latuyalaka,
Kuyanga nimbitela esangweyu kandi,
Ne dia ndi akasanganya
Uku dikanda diʼepunga lu dihuli
diʼesuswelu.
13Ona umuntu a Siona, unela, ususuli!
Ne dia dimi layukutshela luseki la
mbulu ndu sanga yʼehotela.
We ayatshatsha wedja efula betshi
betshi.
Nyu nyayukidia waho awo le
Latuyalaka,
La ekundji awo le Khumadiondjo,
Kanga kete tshe.
Currently Selected:
Mika 4: TLL
Highlight
Copy
Compare
Share
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
